San Juan 19:19 - Táurinakene máechejiriruwa’i ema Viya tikaijare

¹⁹ Ema Pilato májuchapa eta ajureka. Ani taka'e'i: “Ema Jesús Nazareno, naye'e Rey ena juriyuana”, tási'a makawanairipipa nanaka te tápusi eta macrusura.

San Juan 19:19 Iomraidhean Croise

San Mateo 2:23

Te títekapanapa ánaki, tiyananapa tikapenana'i te Nasaret. Taka'e titauchawapa eta náechejiriruwana'i ena profetanaini: Ema Jesús eta makaijarerayare'i Nazareno.

San Mateo 27:37

Tási'a te tápusi eta macrusura, nanakapa eta ajureka táechejisi'a'i eta tiviucha'i eta makaikuñaira'i. Ani taka'e'i: “Ema maka Jesús, Rey naye'e ena juriyuana.”

Marcos 15:26

Tási'a nanakapa eta ajureka táechejisi'a'i eta tiviucha'i eta makaikuñaira'i: Ani taka'e'i “Ema Rey naye'e ena juriyuana.”

San Lucas 18:37

Nametakapasera eta émaira'i tiánuku'ayare'i ema Jesús Nazareno.

San Lucas 23:38

Tási'a tatiari'i'i eta ajureka te machutichakaya. Ani taka'e'i: “Ema maka, ema Rey naye'e ena juriyuana.”

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 18:33

Ema Pilato tichawawarepa tisiapa'i te taju'e eta palacio, máichu'apa ema Jesús, tási'a mayaserekapa: –¿Jé'esareji Rey-vi'i píti naye'e ena juriyuana?

San Juan 19:12

Taka'e ema Pilato mawara'ainipa makuchuku'ayare'ini ema Jesús. Énasera ena juriyuana tipiarakanawarepa: –¡Te pikaitika ema maka, wa'i pemunakasarena ema emperador! ¡Ema maka makatianaru'i ema emperador, taicha tímijachawa'i rey!

San Juan 19:14

Tiáne'ipa'i lasdóseyare'i eta sache. Ema Pilato, máichawakapa ena juriyuana: –¡Makaipa ema eye'e Rey!

San Juan 19:21

Eta taka'e, ena tachutiri'ana naye'e ena tuparairukana juriyuana, naichapa ema Pilato: –Wa'i pikuajucha: ‘Rey naye'e ena juriyuana’ ‘Ema maka tímijachawa'i Rey naye'e ena israelítana.’

San Juan 19:3

Taka'e nakachakayapa ema. Ánipa naka'e: –¡Píti naye'evi'iji Rey ena juriyuana! Tási'a náe'amira'aware te mamira.

Hechos 26:9

“Núti'ipa akane nímijacha'i nétupikawa'i eta níchakeneana'i, nukatianasirawaka'i ena té'ikana'i ema Jesús Nazareno,

Hechos 3:6

Tási'a, ema Pedro máichapa: –Tájina nakaye'e eta plata uruinapukaini níjarakavi'ini, juka'isera eta juka nukaye'ekene nijarakaviyare: nukanarakaviyare táichavene eta máitupajijisiarawa ema Jesucristo ema Nazareno, nuwanekavi, péchepuka, pipaika.