San Juan 19:11 - Táurinakene máechejiriruwa’i ema Viya tikaijare

¹¹ Taka'e ema Jesús májikapapa: –Wa'i pirata'aima'i pítijiwa pémetatarekanu. Émasera ema Tata tituparakavi'i, mawaraira'i títauchawa eta mawara'akeneana'i. Eta taka'e, ichape eta mapekatura ema tíjararekanu'i eta piye'e. Píti wá'ipanaichu'i eta pipekatura.

Ignaciano

¹¹ Ema Jesús mapaenu­mavapa majicapa: —Váhiquene pirata­haimahi pítijiva pémeta­ta­re­ca­nuhini te crusu. Émasera ema Tata titupa­ra­cavihi, mavarairahi títauchava eta mavara­ha­que­neanahi. Eta tacahe, ichape eta napeca­turana ena tíjara­re­ca­nuanahi eta piyehe. Píti váhipa­nai­chu­hinéni eta pipeca­turahi eta píchiranuhi —macahepa.

San Juan 19:11 Iomraidhean Croise

San Mateo 26:65

Taka'e, ema tachutiri'a tiyujarakara'i eta masamairisira'i, ichapeine'i eta masemira'i, tivetsayujiakawapa eta mamuiri'a eta masemanewa'i, tási'a maka'epa: –¡Tétavikawaipa eta maviurewa'i ema maka achane, taicha makaeka'i'i ema Viya! ¡Puiti émakenepa visama'i ema eta tépiyakawa'i Machicha ema Viya! ¿Wáipa tákamesa vitanuka'ini apana naimereucha'ini? Puiti esamaipa eti eta juka makayemakene'i,

San Mateo 27:2

Námapa, naitivuchapa, námapa te mamira'u ema Pilato, tuparairuka'i ema taye'e eta roma.

San Mateo 6:13

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

Marcos 14:44

Ema Júlasi, tatiari'i'i eta máikutiarayare'i eta náimatirayare'i ena suntaruana ema Jesús. Ani maka'e'i eta máechejiriruwa'i ema Júlasi: “Ekunenuyare, ema nétserareruyare; ema ekaratakaya. Machu ekaitika, muraka eta ekaratasiraina.”

San Lucas 22:53

Étayapasika kape, tamutu'i sácheana nukachane'e'i taye'e eta mapena ema Viya. Wa'iware epatsikawa'ini ekaratakanu'ini. Étisera iúrikapuka eta tamapikuwa'i eta yátimu'u'i eta íchira'i eta tamaurikeneana'i, taicha mawa'aru'e'i ema Wínaraji.

San Juan 18:13

Námapa tinapuka'i te mapena ema Anás. Taicha máimachuka'i ema Caifás, émapasera tuparairuka'i te jena añu'i.

San Juan 18:3

Taka'e, te jena yátikene'i, títekapapa ema Júlasi mámamuri'apaipa ena oficialeana énapa ena kamurikeneana suntaruana rumanuana, wanairukana'i ena naye'e ena tuparairukana, taicha napamikawaka'i ena fariséuana, tikamika'uanapaipa'i, tikaepuchirikianapa'i, étapa eta naye'e espada.

San Juan 19:10

Ema Pilato máichawarepa: –Wa'i piwara'a pijikapanu, ¿péchapuka píti eta nurata'aira'i nukuchuku'avi, éneichuware nurata'aware nukawanairipi náetatakavi te crusu?

San Juan 3:27

Tási'a, ema Juan majikapawakapa: –Wa'i ekueñamawa. Ema Viya, ema técha'i eta máijarasira'i eta máitukakene'i nákani manerejiruana. Németeaka ema tíjaraka'i ema Viya eta máitupajijiasirawa ema maka Jesús.

San Juan 7:30

Eta nasamira'i ena tuparairukana, nawara'apa nakaratakayare'ini, náeratakayarepaini, wícha'asera máisapa'ini ema Viya eta nakaratasira ema.

San Juan 9:41

Ema Jesús majikapawakapa: –Etisera ekutinasi'i ena púchukiana, taicha wa'i ewara'a esuapanu'ini. Tási'a, tanasipa eta eviurewa'i táichavene'i eta epekaturana, te yátupina'ipukaini esuapanu'ini, takuija'ini taviucha'e'ini.

Hechos 2:23

Emara ema maka achane, eta taitauchirawaya eta mapanereruana mawara'akene maicha ema Viya, eta taka'e, máisapa'i eta íjararesira'i ema Machicha naye'e ena wínarajikeneana achaneana, ema, émetataru'i te crusu, ema, ímikaparu'i.

Hechos 3:13

Taicha ema Viya tíjaraka'i eta tamutuirayare marata'a ema Machicha Jesús. Émara ema maka Jesús ema épurukene'i eti, íjarareru'i maye'e ema akenuka apawasajueku Pilato.

Hechos 4:28

Títauchawa'i naicha eta juka pipanereruana etairayare'i taka'eyare'i eta péchejiriruwana.

Romanos 11:36

Taicha tamutu eta tatiari'ikeneana'i, takarichu tási'akeneana'i maye'e ema Viya. ¡Máitawakaka'i eta vikunachira'i ema Viya! Amén.

Romanos 13:1

Eti, emutu esuapajira'iyare naye'e ena tuparairukana, taicha ena manakakeneana'i ema Viya eta náwakureana'i. Nájina émanaina máemunasirikawa'ini.

Santiago 1:17

tamutu eta juka vima'akeneana'i taurikeneana'i, tamutu tiasi'a'i te anuke'e anuma, ema Viya tepiyaka'i eta tiavi'ana te anuma. Ema Viya émaparasaichu'i: eta maye'e tajina titsiwachawaima'i tamutu'i tikaechera taicha eta majaraiwa.

Santiago 4:17

Némecha'e eta juka yátupikene'i, mákani máimati'i eta makatupara'aira'i máichaya eta táurikeneana, tási'a te wa'i máitaucha'ini máicha'ini, tikapekaturaipa'i te mamira'u ema Viya.