San Juan 18:12 - Táurinakene máechejiriruwa’i ema Viya tikaijare

¹² Ena nakenumuri ena suntaruana, tási'a émapa ena juriyuana taye'e eta templo, nakaratakapa ema Jesús, náitijiwauchapa.

Ignaciano

¹² Tacahe, ena suntaruana émapa ema comandante nacara­tacapa ema Jesús, náitiji­vauchapa.

San Juan 18:12 Iomraidhean Croise

San Mateo 26:57

Ena tikaratakana'i ema Jesús námapa te mapena ema Caifás, ema nákenumuri ena tiyujarakara'iana énapa ena escriwánuana énapa ena náiyakarana tiurujikawana'i.

San Mateo 27:2

Námapa, naitivuchapa, námapa te mamira'u ema Pilato, tuparairuka'i ema taye'e eta roma.

San Mateo 27:27

Ena masuntarurana ema akenuka námapa ema Jesús te palacio, tási'a nakurujikapa namutu ena suntaruana, nachayakapa ema.

Marcos 14:53

Taka'e nakaitekapapa ema Jesús te mapena ema nákenumuri ena tiyujarakara'iana, tási'a, tiurujikawanapa ena tachutiri'ana ena tiyujarakara'iana, énapa ena náiyakarana, énapa ena escriwánuana.

Marcos 15:1

Te tijarara'ipa, tiúrujikawanapa ena tachutiri'ana ena tiyujarakara'iana, nakachanewaka'i ena viyakarana, énapa ena escriwánuana: énapa ena Akenukara'ana. Námapa, naitivuchapa, námapa te mamira'u ema Pilato.

San Lucas 22:54

Taka'e, nakaratakapa ema Jesús. Námapa te mapena ema Caifás. Émasera ema Pedro máe'iekene'apa'i mayere'ipa'isera.

San Juan 18:3

Taka'e, te jena yátikene'i, títekapapa ema Júlasi mámamuri'apaipa ena oficialeana énapa ena kamurikeneana suntaruana rumanuana, wanairukana'i ena naye'e ena tuparairukana, taicha napamikawaka'i ena fariséuana, tikamika'uanapaipa'i, tikaepuchirikianapa'i, étapa eta naye'e espada.

Hechos 10:1

Te jena awasare Cesarea matiari'i ema achane tikaijare Cornelio, militar ema achane. Eta máwakure'i ema, kapita, taye'e eta batallón tikaijare Italiano.

Hechos 21:31

Nawara'apa nakapakawaneyare'ini, masámairikawanepa ema nakapitara ena suntaruana, tatiari'ira'i eta revolución te taju'e eta awasare.

Hechos 21:37

Te tisiapanayarepa te taju'e te cuartel, ema Pablo máichapa ema nakapitara ena suntaruana: –¿Písapanupuka néchejika? Taka'e, ema nakapitara ena suntaruana majikapapa: –¿Pítukasera péchejika eta griego?

Hechos 23:10

Taka'e, ichape eta semanere, tíñepipa náicha, taka'e, ema nákenumuri ena suntaruana, eta máimaira'i eta nasemawa'i, tipikanecha tája'apuka náicharaka'ini ema Pablo, tási'a máimichu'awanepa ena suntaruana nave'apa ema Pablo, náimijunijikapa te namira'u ena mánarana'i, náimichawawarepa ema Pablo te cuartel.