San Juan 17:3 - Táurinakene máechejiriruwa’i ema Viya tikaijare

³ Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

Ignaciano

³ Níjara­cayare eta náitare­si­rayare máichecua­ra­qui­reyare ena píjara­ru­nua­nayare apaesa náimativi, piti Tata yátupi­que­névihi Viya, nútipa núti Jesucristo, núti pivane­runuhi te juca apaquehe.

San Juan 17:3 Iomraidhean Croise

Marcos 9:37

–Nákani tijakapa'i ema amaperu te níjare, nuti'i tijakapanuana'i, taicha mákani tijakapanu'i nuti, éneichuyare taka'eya eta majakapira'eya ema tiwanekanu'i.

San Lucas 9:48

Tási'a, máichawakapa: –Nákani tijakapa'i ema amaperu te níjare, nuti'i tijakapanuana'i, taicha mákani tijakapanu'i nuti, éneichuyare taka'eya eta majakapira'eya ema tiwanekanu'i. Taka'e mákani techapajirika ena apamuriana ema kapika'upanayare.

San Juan 10:36

Nútipa puiti, nuvetijipa nímijarechakare Viya taicha émarichu ema Viya tinerejikanu'i, tiwanekanu'i eta núkupaisiraya te juka apake'e, ¿Taja'a takayema eka'e eta nepuru'i ema Tata, eta nuka'era'i nuti machichanu ema Viya?

San Juan 11:42

Wá'ikene péñauchanu eta jákani nuyasearuviana. Puiti nuyaseakavi eta pítupaijiásirawa, apaesa náima'a ena nani achaneana natiari'ikeneana'i, apaesa nakunachavi. Náechaware eta pítira'i piwanekanu.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 17:18

Píti piwanekanu'i nímiturekayare'i eta péchejiriruwana naye'e ena achaneana te juka apake'e, tási'a, nuti nuwanekawakayarewa ena nímitureana, náimituka ena apamuriana achaneana.

San Juan 17:21

Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

San Juan 17:23

piti piáwa'akanu'i nuti, tási'a, nuti náwa'akawaka'i ena apaesa yátupina'ini ena etanainaichuyare eta napanereruana, apaesa ena apamuriana achaneana te juka apake'e étaina'ini náimatiaraina'ini eta piwanesiranu'i, étapa eta pémunasirawaka'i takuti'i eta pémunasiranu'i nuti.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 17:8

Náechaipa'iware eta yátupikenéra'i eta piwanesiranu'i. Eta taka'e, natupiruwa'i najakapa eta nímitusirawaka'i eta péchejiriruwana.

San Juan 3:17

Taicha ema Viya, wa'i táka'e'ini eta mapanereru'i eta mawánesira'i ema Machicha máikuñaka'avi'ini viti achaneana. Étasera eta tímiteka'i ema, tikuchuku'a'aviyare vimutu.

San Juan 3:34

taicha ema, wanairuka'i me Viya, máechejisi'ayare'i eta máechejiriruwana ema Viya. Énerichuware tétavikawa'i eta máimikatasira'i ema Machanewa Viya taicha máwa'aka'i ema.

San Juan 5:44

Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

San Juan 6:57

Ema Tata tiwanekanu'i, éma'i tikaitarekara'i, tási'a nuti nawa'aka'i ema, taka'e nákani tinikanayare eta neche, máitawakakayare eta náitaresira.

San Juan 7:29

Nútisera nímati'i ema taicha étakene'i násine'i eta maye'e eta nítekapauchira'e'i.

San Juan 8:19

Énasera nayaserekawarepa: –¿Távi'asika mávi'a'i ema tikachichavi'i? Ema Jesús majikapawarepa: –Eti wa'i ímatinu. Wá'iware ímatima'i ema Tikachichanu. Te ímatinu'ini, ímatipa'iwareini ema Tikachichanu.

1 Corintios 15:34

Tátupiruwapa táuri eta ítaresiraina eti, wáipaware ekukicha eta pekatuana. Taicha narari'i ena wícha'a náimati'ini ema Viya te emuri. Titsiri'akareipa'i eta nakasirikira'e'i eti machanerakeneana'i ema Viya.

1 Corintios 8:4

Puiti, numetaka'eyare eta juka nechejiriruwa taye'e eta juka enisirana eta tinikakareana takayujara'ukene'i te tamira'u eta nasiñarajiana ena achaneana. Tájinachucha táichawa, taicha eta nasiñarajiana wa'i yátupina'ini víyanaina'ini te juka apake'e, taicha émanaichu'i ema yátupikene'i Viya.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Filipenses 3:10

Nuwara'a'i nuti tajurukachucha eta nímatirayare'i ema Cristo. Nuwara'aware nukapayayaraka'iwareni eta makatajiwaira'i. Étapa eta népenira, nuwara'aware táurichawakayare ena nuchamuriana, tákuti'ini eta táurichira'avi'i eta máepenira'i ema Jesús,

Filipenses 3:8

Taka'e, eta nímaira'i, wá'ineni étaparakaina'ini taye'e eta viúchukuiraya. Puiti nínajikapa tamutu eta júkana, taicha ti'apapikanu'i eta né'isirayare'i ema Cristo, táichaware wa'i tákuti'ini eta táetaviuchirawa'i eta táuriwa'i eta né'isira'i ema Nákenu Jesucristo. Puíticha tamutupa némitisika. Emachucha nukaemataneaka'i

1 Tesalonicenses 1:9

Timetaka'avianapa'iware eta etupiruwaira'i ejákapa eta vimetarapiana, étapa eta ínajisiraipa eta esiñarajianaini, ékesirawaipa eta ekaiju'erapa yátupi ema Viya. Puíticha tépanawaipa eta ekaemataneasira'i ema. Ema, yátupikene'i Viya. Yátupikene'iware eta masamaraiwa

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

2 Pedro 1:2

Puiti, nuwara'a tajuruka'ini eta ekaikutiaraira eta máemunasira'e'i ema Viya, tási'akene'i eta ímatiekene'airapaipa'i eta mapanereruana ema, émapa ema Viákenu Jesucristo, tájinaware ta'apapirika'ini eta táuriwa'i eta epanereruana.

2 Pedro 1:3

Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

2 Pedro 1:8

Eta ímatira'i ema viákenu Jesucristo, ichayare eta taurikeneana, étumechawayare eta tapajuriwayare eta ichirayare eta taurikeneana, taka'e eta itaresirayare etachucha ichayare eta taurikeneana te namira'u ena achaneana.

1 Juan 1:2

Ema, matiari'i'i akane, manasikeneipa'i maye'e ema Maiya. Tiúkupaikapasera eta viye'e. Víti vímatipa eta achánekenera'i ema. Tási'a, puiti vimetaka'e eta juka víma'akene'i étapa eta visamakene'i.

1 Juan 1:3

Vimetaka'e taicha viwara'a iúrujikawa'ini eta viye'e. Taicha víti viúrujikawa'i maye'e ema Tata Vikaiyakene émapa ema Machicha Jesucristo.

1 Juan 2:23

Nájina tiáwa'akanaima'i ema Tata, ena wa'i nasuapa'ini ema Jesús eta machichaira'i ema Tata Vikaiyakene. Viáwa'aka'isera víti ema Tata Vikaiyakene vimutu viti visuapana'i ema Jesucristo eta machichaira'i ema Viya.

1 Juan 4:6

Vítisera machicha'avi'i ema Viya. Tisamararaka'aviana ena tímatiana ema Viya, énasera ena apamuriana máimatira'ana ema Viya, wa'i tiúrima'i eta nasamira'avi. Etainapa, tímatikareanaya ena máwa'aruana ema Machanewa Viya, énerichuware tímatikareanaya ena máwa'aruana ema wínaraji.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.