San Juan 17:21 - Táurinakene máechejiriruwa’i ema Viya tikaijare

²¹ Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

Ignaciano

²¹ Nuyasea­ca­vivare váhini tacuita­vahini eta náurujia­si­ra­ca­cayare éna. Píjara­ca­hi­varéni, Tata, te nasamureana eta návahá­si­ra­ha­vi­nahini tácutihini eta viávahá­si­ra­cacahi víti. Náurujia­si­ra­ha­vi­navare víti, apaesa ena achaneana te juca apaquehe náimatihini yátupina eta pivane­si­ranuhi.

San Juan 17:21 Iomraidhean Croise

Marcos 3:24

Nímikutichina'eya, ena machanerana ema akenuka, ena wa'i típutsimuri'akakanaima'i, te tiputsimuri'akakanapa énajikakainapa tiakipaikakana,

San Juan 10:16

Narari'iware ena apamuriana nuchanerana. Wá'isera ánina nakawasa. Nukurujikawakayaresera, népanayarewa. Tisuapanuanayarewa, etanayaréichuwa eta náumuriwa. Nukarinenapa nuti néchawaka.

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

San Juan 10:38

Etasera te nitaucha'i eta mawanairipiana, tayanapane wa'i ekusuapanu nuti, étapaseraini esuapa'ini eta tiáramikareana níchakeneana'i, apaesa enewanepa echa tamutu, taicha ema Tata tiawa'akanu'i éneichuware nuti nawa'asira'i ema Tata.

San Juan 11:42

Wá'ikene péñauchanu eta jákani nuyasearuviana. Puiti nuyaseakavi eta pítupaijiásirawa, apaesa náima'a ena nani achaneana natiari'ikeneana'i, apaesa nakunachavi. Náechaware eta pítira'i piwanekanu.

San Juan 13:32

Nímerekainapa eta máitupajijiasirawa'i ema Tata, ema apana máimerekayarewa eta nítupajijiasirawa'i nuti Machicha, puiti juka sacheanayare.

San Juan 13:35

Te yátupina émunakaka, eta tímatiaka'eanayare ena achaneana, étira'i eti nímitureana'i.

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:18

Píti piwanekanu'i nímiturekayare'i eta péchejiriruwana naye'e ena achaneana te juka apake'e, tási'a, nuti nuwanekawakayarewa ena nímitureana, náimituka ena apamuriana achaneana.

San Juan 17:20

“Wá'iwaresera nakarichu'i ena nuyaseuchawaka'i eta piye'e. Éneichu nuyaseuchawaka ena tisuapanuanayare eta nasamirayare eta naéchejiriruwana ena.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 17:8

Náechaipa'iware eta yátupikenéra'i eta piwanesiranu'i. Eta taka'e, natupiruwa'i najakapa eta nímitusirawaka'i eta péchejiriruwana.

San Juan 3:17

Taicha ema Viya, wa'i táka'e'ini eta mapanereru'i eta mawánesira'i ema Machicha máikuñaka'avi'ini viti achaneana. Étasera eta tímiteka'i ema, tikuchuku'a'aviyare vimutu.

San Juan 5:23

taicha mawara'a'i epikauchanu nuti Machicha, tákuti'ichu eta epikauchira'i ema Tata. Nákanisera wa'i tipikauchanuana'i nuti, wá'iware napikauchaima'i ema Tata.

Hechos 2:46

Tamutu sácheana tiúrujikawana'i eta te templo. Tási'a, te napenana tíchu'akakana'i ténikakana'i. Tikachanekakana'iware eta nanisira'i eta pan, náurisamurewa'i.

Hechos 4:32

Namutu ena te'ikana'i, tisuapajira'iana'i, tikutikaka'i eta napanereruana eta nakajikakaira'i. Namutu nákani téchana'i eta náima'akeneana nakaye'ekeneana'i, wa'i nayawani'akaka'ini.

Romanos 12:5

ene vika'e'i víti, kamuri'avi'i, étanaichu'isera eta viake'e'i eta viúrujiasirakaka'i eta vé'isira'i ema Cristo, vímikatakakaira'i eta vikaemataneasira'i ema.

1 Corintios 1:10

Nuparapenaveana, nechejika'e te maijare ema Viákenu Jesucristo nuyaseaka'e emutu iúrujikawa'ini etanainaichu'ini eta epanereruana, wa'iware ekuiputsimuri'akaka taurina eta ítaresiraina émunakaka, tauruikawa eta epanereruana.

1 Corintios 12:12

Eta make'e ema achaneana, apanapanenéji eta táijareana eta viáke'e. Tisimutu'i eta táitupajijiasirawana. Etanaichu'isera eta táuchusi'a'i te viáke'e. Ene Taka'e'i eta vé'isira'i ema Viákenu Jesucristo.

1 Corintios 6:17

Ene Taka'e'i eta vítaresira maye'e ema Viya, eta máwa'asira'avi ema Viákenu, eta viáchanewa takachaneipa ema.

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

1 Juan 1:3

Vimetaka'e taicha viwara'a iúrujikawa'ini eta viye'e. Taicha víti viúrujikawa'i maye'e ema Tata Vikaiyakene émapa ema Machicha Jesucristo.

1 Juan 5:7

Mapanana ena titametaka'aviana: