San Juan 17:2 - Táurinakene máechejiriruwa’i ema Viya tikaijare

² Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

Ignaciano

² Yátupihi eta píjara­si­ranuhi eta aquenu­cai­ra­nuyare, te namirahu namutu ena achaneana. Nucaita­re­si­ra­ya­re­hivare namutu ena píchuha­que­neanahi píjara­ru­nuanahi.

San Juan 17:2 Iomraidhean Croise

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 25:46

Ena naniana tiyananayare taye'e eta ekuñaraki máitawakaka. Tási'a ena matapirawareana'i, máitawakakayare eta náitaresira.”

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

San Juan 17:6

“Nítamuturukaipa'i eta nímitusirawaka'i ena píchu'akeneana'i píjararunuana'i píti, nímimatichawaka'iware eta piúriwa'i píti. Yátupi'isera eta pichichanaveana'i ena, taicha nasuapa'i eta nímiturapiana píjararunuana'i nuti.

San Juan 17:9

“Puiti nuyaseakavi, eta pijaneasirawakaina ena píjararunuana'i té'ikanuana'i, taicha pichanerana'i ena. Wa'i énaina nuyaseuchawaka ena masuapajiraira'ana'i te juka apake'e.

San Juan 3:35

Ema vikaiyakene máemunaka'i ema Machicha. Eta taka'e, matuparaka'i eta émairayare'i téchayare tamutu.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

San Juan 6:39

Eta mawara'akene'i ema Tata, eta mawanesiranu'i, nukaitarekayare'i nákani máijararunuanayare'i ema. Nukaechepukayare ena te náekariana te jena sache táitekapapa eta népanirawakayare.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

1 Corintios 15:25

Taicha ema Cristo akenukaya te namirara'u ena manaraya. Makapakechayare namutu ena mánarana.

Efesios 1:20

Ema Viya máimereka'i eta máitupajijiasirawa ichape te makaechepukapa ema Cristo te máekari, makaejakapa ema te mawaure taye'e eta anuma mávi'a'i puiti,

Filipenses 2:10

apaesa námutu nákani naépuyuka te máijare ema Jesús, ena tiávi'ana'i te anuma, ena tiávi'ana'i te apake'e, énapa ena nakaeratakene'i puiti te ama'e apake'e,

1 Timoteo 1:16

Émasera ema Viákenu Jesucristo tijapanunu'i, táitusiawa tíchu'anu'i nuti. Taicha mawara'a'i máimerekayare ichape eta majapanuiranu'i eta nuye'e. Nuwayurewakenéni'i eta nukapekaturaráiwaini'i, eta taka'e, nukaikutiarapa eta majakapirayarewa namutu ena tisuapanayare, máichekuarakirenapa eta náitaresiraya máicha.

Hebreo 1:2

Puítisera viti vítareruana'i puiti juka añuana, ema Viya mawaneka'i ema Machicha eta viye'e, títametaka'aviya eta mapanereruana. Ema maka Jesucristo, machicha'i ema Viya. Akane éma'i tépiyaka'i eta apake'e, eta anuma, étapa eta víma'akeneana'i puiti.

1 Pedro 3:22

Puiti ema, tiyanaipa'i te anuma; téjakaipa te mawaure ema Maiya. Tétavikawa'i eta masuapakarewa'i naye'e namutu ena maye'eana ángeleana. Énapa ena wínarajiana, nasuapa'iware.

1 Juan 1:2

Ema, matiari'i'i akane, manasikeneipa'i maye'e ema Maiya. Tiúkupaikapasera eta viye'e. Víti vímatipa eta achánekenera'i ema. Tási'a, puiti vimetaka'e eta juka víma'akene'i étapa eta visamakene'i.

1 Juan 2:25

Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

San Judas 1:21

Tauri eta ítaresira, wa'i ekuemitisikawa'ini eta táetaviuchirawa'i eta máemunasira'e'i ema Viya, tási'a ekuchapa eta jena sácheyare táepanirawaya eta vítaresira, máitawakakayare eta vítaresiraya, taicha eta majapanuira'avi'i ema Viákenu Jesucristo.