San Juan 17:13 - Táurinakene máechejiriruwa’i ema Viya tikaijare

¹³ “Puiti nútijapainapa, Tata, taye'e eta jara piávi'a'i, eta nukachanerawakaicha'a ena, numetakawaka'i eta pipanereruana, taicha nuwara'a wákutikaka'ini eta viúrisamurewaina.

Ignaciano

¹³ Puiti nútija­painapa, Tata, tayehe eta jara piávihahi. Eta nucacha­ne­ra­va­caichaha éna, numeta­ca­vacahi eta pipane­reruana, taicha nuvaraha vácuti­ca­cahini eta viúrisa­mu­revaina.

San Juan 17:13 Iomraidhean Croise

San Juan 13:3

Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 15:11

“Eta juka nímikutiarachira'i, nuwara'a'i iápajuka eta iúrisamurewa'i, tási'akene'i eta iáwa'asiranu'i nuti. Tási'a ekutinuya eta núrisamurewa'i.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 3:29

Nuti nímikutijirisina'e te natiari'i ena araimana'i, namutu ena nakaichu'asikeneana tiúrisamureana'i eta náimaira'i ena araimana. Nakunacha'i ema arayena, ene nuka'e'i nuti eta núrisamurewa'i eta nímaira'i puiti eta nakunachira'i ema Jesús.

San Juan 7:33

Taka'e, ema Jesús máichawakapa: –Wícha'a tituparaka'e eta ekaratakanu'ini. Yátupisera ánipine eta nuka'eyare eta eye'e, tási'a nuchawainapa maye'e ema tiwanekanu'i.

Hechos 13:52

Énasera ena apamuriana té'ikanaipa tímiyanawanapa eta nasuapira'i ema Viya, tiúrisamureana'iware ena taicha eta máwa'asira'i ema Machanewa Viya.

Romanos 14:17

Taicha eta Mawasa akenuka ema Viya, wa'i étaparakaina jákani vinikakenerepiana, vérakeneana. Étaipa eta tikunachakare'i maye'e, eta víchirapaipa eta táurikeneana. Mawara'a'iware vítukawa'ini eta vikurujisirakaka'i, apaesa táimiyanawa'ini eta viúrisamurewa vimutu maicha ema Machanewa Viya.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Hebreo 12:2

Vikutiyarewa ema Viákenu Jesús, taicha eta tási'a maye'e eta vikasiñawaira'i me Viya émaichuware timitupirucha'avi. Ema, Jesús marata'a'i eta matajiwa te crusu wa'i masuapa'ini eta tatsiri'akarewa eta maepenira'i te crusu, taicha maecha'i te taekenepa matajiwa titekapayarepa eta maurisamurewayare'i. Tejakayarepa te mawaure ema Viya.

1 Juan 1:4

Tási'a, vikajure'epa eta juka, taicha viwara'a yátupina eta iúrisamurewaina.

2 Juan 1:12

Tiuri, jukari'i apamuri eta numetaru'eanaya, wícha'asera numetaka'ema'i puiti te juka najure, taicha nukunewa'i eta nítesiraya eye'e apaesa véchejirikawainapa eta vímanajirisirakakayare, tási'a, viúrisamurenapa vimutu.