San Juan 17:12 - Táurinakene máechejiriruwa’i ema Viya tikaijare

¹² Te nukachanemuricha'a nuti te juka apake'e. Ichapemuri'i eta nujaneasirawaka'i ena eta nukachanerawakaicha'a. Eta taka'e'i, wa'i náinajikawa'ini eta náe'isira'avi'i. Émanaichu'i ema téjekapawa'i, ema tijararekanuyare, étasera taka'eyare'i eta táitauchirawayare'i eta Takapika'ukene Ajureka.

Ignaciano

¹² Núti nímima­ti­chavihi píti eta nayehe, étapa eta píjare, apaesa yátupina eta náehisi­ravina. Ichape­murihi eta nujanea­si­ra­vacahi éna eta nucacha­ne­ra­va­caichaha. Eta tacahehi, vahi náinaji­ca­vahini eta náehisi­ra­havihi. Émanarichu ema téjeca­pavahi, ema tijara­re­ca­nuyare. Étasera tacahe­yarehi eta táitauchi­ra­va­yarehi eta Sagrada Escritura.

San Juan 17:12 Iomraidhean Croise

San Juan 13:18

“Nécha'ineni nuti wa'i ámutu'ini esuapanu. Nímati'e'iware eti yátupikeneana nunerejiruana'i. Títauchawayare'isera eta táechejiriruwa'i eta Takapika'ukene Ajureka, ani taka'e'i: ‘Ema néniruasa'i, masapi'a'i tikatianakanu'i.’

San Juan 17:6

“Nítamuturukaipa'i eta nímitusirawaka'i ena píchu'akeneana'i píjararunuana'i píti, nímimatichawaka'iware eta piúriwa'i píti. Yátupi'isera eta pichichanaveana'i ena, taicha nasuapa'i eta nímiturapiana píjararunuana'i nuti.

San Juan 18:9

Étapaichu'i eta máechejiriruwa'i ema Jesús te tiyujarakaipa Tata nájina émanaina'ini náemitiaka'ini te namuri ena pijararunuana'i.”

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

Hechos 1:25

máitsiwayare ema máemitiaru'i, ema apústuleni Júlasi, táimikuñaru'i eta mapekatura.

Filipenses 2:9

Eta taka'e ema Viya máijarakapa eta máejasi'ayare'i eta maichapewapana taye'e eta máijare,

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

Hebreo 2:13

Ániware taka'e'i: “Tétavikawa eta nukasiñawaira'i maye'e ema Tata Nukaiyakene.” Eta apana, ániware taka'e'i: “Ani návi'a'i nuti, énapa ena pichichanaveana'i, ena pinerejiruana'i píjararunuana'i piti Tata.”

1 Juan 2:19

Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

Apocalipsis 19:12

Eta máuki'ana timuru'ewaka takutiyareni eta yuku, te machuti tikaye'e'i eta kamurikene koronana, tási'a tatiari'iware eta ajureka tiáma'i eta apana máijare, makarichusera ema técha'i eta takayemakene'i eta ajureka.