San Juan 17:1 - Táurinakene máechejiriruwa’i ema Viya tikaijare

¹ Te títapirikapa ema Jesús eta máechejisira'i, máesenikapa te anuma, ánipa maka'e: “Tata Nukaiyakene, títekapauchanupa puiti eta táitauchirawayare eta pipanereruana. Nuwara'asera nukunachakareni eta piye'e, tákutini eta nukunachiravi'i píti.

Ignaciano

¹ Te títapi­ricapa ema Jesús eta máechaji­si­ra­havihi viti máimitureana, tépanavapa tiyuja­racahi. Máesenicapa te anuma. Ánipa macahe: —Tata Nucaiyaquene, títeca­pau­chanupa puiti eta táitauchi­ra­vayare eta pipane­reruana. Nuvara­hasera nucuna­cha­caréni eta piyehe, tácutini eta nucuna­chi­ravihi píti.

San Juan 17:1 Iomraidhean Croise

Marcos 14:41

Te mapa'ekenepa eta mayujarasira'i, tichawapa. Máichawakapa: –¿Iápechawaipawa ímaka wícha'apuka enara'akakenéna'ini? Taratapa Jé'esare, puiti títekapapa eta nutupara'a'i nakaratasiranuya ena tikatianakanuana'i ena tikapekaturara'iana.

San Lucas 18:13

Émasera ema apana achane wa'i máemeña'awa'ini. Tiyere'ichucha eta máeñauchirawa'i. Wá'iware mapatsikawa'ini máesenika'ini te anuma, té'atupachawa'isera eta máeñeuchirawa'i, ánipa maka'e: ‘¡Tata, nukatisamurewa ichape eta nukapekaturaira'i piye'e. Pájapanunusera piperdonachanu eta nupekaturana!’

San Lucas 22:53

Étayapasika kape, tamutu'i sácheana nukachane'e'i taye'e eta mapena ema Viya. Wa'iware epatsikawa'ini ekaratakanu'ini. Étisera iúrikapuka eta tamapikuwa'i eta yátimu'u'i eta íchira'i eta tamaurikeneana'i, taicha mawa'aru'e'i ema Wínaraji.

San Juan 11:4

Te máechapa ema Jesús, maka'epa: –Eta juka jumare, wa'i taítaima'i ema Lázaro, matupara'aichusera me Viya, mawaraira'i nímereka eta majaraiwa eta maitupajijiasirawa ema Viya, nímeresirayarewa eta nítupajijiasirawa'i nuti Machichanu ema Viya.

San Juan 11:41

Nakaerajikapa eta márime. Tási'a, ema Jesús máesenikapa te anuma, tiyujarakanumapa: –Tata, nu'asulupayachavi eta pisamiranu'i.

San Juan 12:23

Tási'a, ema Jesús máichawakapa: –Jé'eware puiti, tiáne'ipa eta népeniraya nuti Manerejirunu'i ema Viya. Nápechawayaresera nítareka, apaesa nukunachakareyare eye'e.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 16:32

Puíti títekapainapa eta ura, eta éjanerepaisirayare eti, ejunijikanuinapa, nukarichuinapa. Wá'isera nakarichuima'i matiari'iyaresera ema Tata, ema tikachanenu'i.

San Juan 7:30

Eta nasamira'i ena tuparairukana, nawara'apa nakaratakayare'ini, náeratakayarepaini, wícha'asera máisapa'ini ema Viya eta nakaratasira ema.

San Juan 7:39

Eta juka makayemakeneana'i ema Jesús, máimikaecheracha'i eta masiapa'asirawakayare'i ema Machanewa Viya te nasamureana nákani tisuapanayare'i ema. Wícha'asera táitauchawa'ini, taicha wícha'a machawa'ini mápana'ini te máwasa te anuma.

San Juan 8:20

Eta juka eta máechejiriruwana'i ema Jesús eta máimituresira'i taye'e eta mapena ema Viya. Eta máejasine'i te tachakaya eta nanasirareana eta námawa'uana. Nájinasera napatsikawa'ini nakarataka'ini taicha wicha'a máisapawakaima'i ema Viya eta nakaratasiraina'ini ema.

Hechos 3:13

Taicha ema Viya tíjaraka'i eta tamutuirayare marata'a ema Machicha Jesús. Émara ema maka Jesús ema épurukene'i eti, íjarareru'i maye'e ema akenuka apawasajueku Pilato.

1 Pedro 1:21

Éneichu táichavene'i eta é'isira'i ema Cristo, ímatipa puiti ema Viya, ema tikaechepuka'i ema Machicha te máekari. Puíticha téjakaipa ema te máwakure'i te anuma. Eta taka'e, tétavikawaine'i eta ekasiñawaira'i maye'e ema, ekuchapawaipa eta maijararu'eyare ema Viya.