San Juan 16:7 - Táurinakene máechejiriruwa’i ema Viya tikaijare

⁷ Nutupiruwasera numetaka'e: tatuparaka'i eta nuyaniraya nuchawa, taicha te wa'i nukuyana, wa'i títekaima'i ema Tikatiucha'eya, ema tiúricha'eyare, tímikataka'eyare, tikurisamurecha'eyarewa.

Ignaciano

⁷ Tayanapane vahi eyase­re­ca­nuhini, nutupi­ru­vasera numetacahe: Tatupa­racahi eta nuyaniraya nuchava mayehe ema Tata, taicha te vahi nucuyana, vahi títecaimahi ema nuvaneruya. Éma tiúricha­heyare, tímica­ta­ca­heyare, ticuri­sa­mu­re­cha­he­yareva.

San Juan 16:7 Iomraidhean Croise

San Lucas 24:49

Tási'a nuti nuwanekayare eye'e eti eta maikure'e'i ema Nukaiyakene. Étisera enasiyare eta ani, ánaki te awasare Jerusalén, tiamainukawa te ejachapapa eta maitupajijiasirawa ema tiasi'aya te anuma.

San Lucas 4:25

Akane, te matiari'icha'a ema profetaini Elías, mapana añu y medio wa'i takiwa'ini, tási'a, ichapeware eta eku'a. Kamuriana'iware ena tépenaimana israelítana;

San Lucas 9:27

Nutupiruwa numetaka'e, eti etiari'ikeneana'i puiti, enerejikawayare, wa'i épenawanema'i, íma'anumaya eta mawasa ema Viya akenuka te anuma.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 14:28

Tiuri esamanuipa eta nukayemakene eta nuyanirayare, tási'a, étapa eta nuchavirayare eta eye'e. Eta taka'e, te yátupina émunakanu, ewapinawayare'i eta echira'i eta nuyanirayare maye'e ema Tata, taicha ema kachuriakanu'i eta máitupajijiasirawa.

San Juan 14:3

Tási'a te táuripa eta iávi'ayare, nútijapainawarepa, nuchawainapa népana'enapa, apaesa ákachanenu eti taye'e eta návi'ayare nuti.

San Juan 15:26

“Étasera, te maitekapapa ema katiura'iya, ema nuwaneruyare mási'akeneyare me Tata, nuyaseakaya mawaneka ema Machanewa, ema te máitekapapa, tímereucha'eyare eta yátupikeneana, tímereuchanuyarewa nuti eta eye'e.

San Juan 16:8

Te máitekapa ema, maimikaecherachainapa ena achaneana te juka apake'e, ena yátupikeneana'i kapekaturara'iana'i, énapa ena matapirawareana, tási'a naja'apuka nákani tijachapanaya eta maikuñarakiyare ema Viya.

San Juan 7:39

Eta juka makayemakeneana'i ema Jesús, máimikaecheracha'i eta masiapa'asirawakayare'i ema Machanewa Viya te nasamureana nákani tisuapanayare'i ema. Wícha'asera táitauchawa'ini, taicha wícha'a machawa'ini mápana'ini te máwasa te anuma.

Hechos 10:34

Tépanawapa tikametarairu ema Pedro. Ánipa maka'e: –Nukaikutiarapa puiti wa'i wákarichu viti israelítana vijakapakare maye'e ema Viya.

Hechos 2:33

Taka'e, ema Maiya makayapapa te anuma ema Machicha, makaejakapa te mawaure. Taka'e, máijarakapa eta Machanewa ema Viya, ema máitsiwayare'i, taicha ema matupara'aichu'i. Étara eta juka puiti, esamakene'i eta máukupaisira'i eta Machanewa ema Viya te vitaraku.

Romanos 8:28

Véchaipa'iware tétavikawa'i eta majaneasira'avi'i ema Viya vimutu viti vémunakana'i ema. Tayanapane vikatajiwa'ipuka, ema tamutu'i tiuri máicha. Títauchawayare eta mapanereruana ema eta viúrikakareyare'i eta máichuira'avi'i.

2 Corintios 4:17

Taicha eta viátajiwana'i puiti juka vítaresiraicha'a, wa'i táunakakare, tékatikawanachucha. Éneichuware, jarari'i eta táitsiwa'i, taicha vijakapa'i eta táetaviuchirawaya eta viúrikakarewayare, máichekuarakirenapa.