San Juan 16:22 - Táurinakene máechejiriruwa’i ema Viya tikaijare

²² Ene eka'eya eti, ekatisamure'i puiti, ánipichusera. Té'esera te viápechawa víma'akakaya, tétavikawa eta iúrisamurewaya. Nájinainawarepa ti'apapika'ema'i eta iúrisamurewa.

Ignaciano

²² Ene ecaheya éti, ecati­sa­murehi puiti, ánipi­ri­chusera. Téhesera te viápechava vímaha­cacaya, tétavicava eta iúrisa­mu­revaya. Nájinai­na­varepa tihapa­picahémahi eta iúrisa­mureva.

San Juan 16:22 Iomraidhean Croise

San Mateo 28:8

Ena esenana najúnijikapa eta máekari, tiyananapa tijunapanapaipa'i eta namétasirayare'i ena máimitureana. Tipikana'i, tási'asera takachanepa'i eta náurisamurewapa'i.

San Lucas 10:42

Esu suka María tétupikawa'i eta supanereru. Nájina tiverejikaima'i eta suwara'akene'i.

San Lucas 16:25

Émasera ema Abraham majikapapa: ‘Nuchicha, te achanevicha'a, tétavikawa'i eta piúrikakarewa'i. Tájina pákamunu'ini eta pítaresira'i. Émasera ema Lázaro, ichapemuri'i eta makatajiwaira'i te achaneicha'a. Puítisera ema majakapaipa'i eta máurikakarewa'i. Piti pikatajiwaipa.

San Lucas 19:26

Ema rey majikapawarepa: ‘Eta taka'e numetaka'e, ema tikaima'akene najanechinaya eta apana maima'akeneya, emasera mákani achane tajina maima'akenena naverejinaya tamutu eta maima'akeneanaini, tayanapanepuka ánimurichichaichu.

San Lucas 24:41

Wícha'asera nasuapa'ini ena, tiúrisamureanaipa'ineni eta náimaira'i, takachane'isera eta napisira'i. Eta taka'e, ema Jesús mayaserekawarepa: –¿Jarari'ipuka nikakare ani?

San Juan 14:1

“Wa'i ekueñamawa eti. Ákasiñawa eta me Viya, éneichuware ákasiñawaware eta nuye'e.

San Juan 14:19

Puiti juka sacheanayare, ena achaneana waipa tíma'anuanaima'i. Étisera íma'anuparakaya, taicha nuchawayare'i nítareka. Eti apanaware ítarekayarewa nícha nuti.

San Juan 14:27

“Nunakika eta iúriwaya. Nijaraka'e nuti eta iúriwaya, wá'isera nákutinu'ini ena apamuriana achaneana eta nujunijisira'eya. Wa'i ekuwayuchawa eta éñamawairaina. Wá'iware ekupika.

San Juan 16:16

“Ánipiyareichusera eta emaimairanuyare. Té'esera te táekenenapa, iápechawainawarepa íma'anuyare.”

San Juan 16:20

Tási'a puiti, nutupiruwa numetaka'e eta íya'airainasamipa eti, ejapanuwairayarewa. Énasera ena apamuriana achaneana, tiúrisamureanainapa ena. Tási'asera te táekenenapa, waipa íya'aima'i. Tétavikawasera eta iúrisamurewainapa eta táitsiwaya.

San Juan 16:6

eti ekatisamurewachucha, taicha eta juka numetasira'e'i.

San Juan 21:7

Tási'a, ema máimiture maemunarupana ema Jesús maichapa ema Pedro: –¡Émara ema Tata! Masamineichu'i ema Pedro eta maíchira'i, tikamuiri'awanepa taicha mamuriare'i ema. Tási'a tépu'ekawapa te une, mawaraira'i makapayakawaneyare'i ema.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

Hechos 13:52

Énasera ena apamuriana té'ikanaipa tímiyanawanapa eta nasuapira'i ema Viya, tiúrisamureana'iware ena taicha eta máwa'asira'i ema Machanewa Viya.

Hechos 16:25

Té'esera te enumu'ukenepa eta yati, eta nakaerataira'i ema Pablo, tási'a émapa ema Silas, tijiranaichucha, tási'a tiyujarakana'iware me Viya, ena apamuriana nakaeratakeneana'i nasamararakaipa eta jirasare,

Hechos 2:46

Tamutu sácheana tiúrujikawana'i eta te templo. Tási'a, te napenana tíchu'akakana'i ténikakana'i. Tikachanekakana'iware eta nanisira'i eta pan, náurisamurewa'i.

Hechos 5:41

Taka'e, tiúchukanapa ena apústuleana te náurujisiawa'i ena tuparairukana, tiúrisamureanapaichucha eta nakaestaira'i, ema Viya máimararaka'i eta vikamichira'i tamutu eta náimikatsiriasira'avi'i táichavene eta vé'isira'i ema Jesús.

2 Corintios 6:10

Tikutimai'i eta vikatisamurewa'i ichape, viurisamurereakawa'i, vikutima'i eta páure'avi'i eta náimaira'avi'i, ichapemuriana'isera ena víjararuana'i eta nakaima'akene'i, ani, tájina víma'akenena, té'esera te apana vítaresira, tétavikawaya eta vikaima'akeneraya.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

Hebreo 10:34

Eti ejapanu'iware nákani tikaeratana'i te nakaeratairare. Takutikene ekurisamurechawachucha eta naverejisira'eana'i eta íma'akeneana, taicha écha'i eti tatiari'i eta íma'akeneanayare'i te anuma. Tétavikawa'i tiúripana'i, máitawakaka'i eta.

Hebreo 6:18

Tímatikare'i eta máuriwa'i ema Viya waipaina'i maitsiwachaima'i eta maijarasirawa'i eta maitauchirayare'i eta maechejiriruwa wa'iware tiwayuaraka'avima'i, taicha tijaraka'avi'i eta vitumewayare'i etapa eta makurisamurechira'aviyara'i viti vitanukana eta makatiuchira'aviyare'i ema Viya etapa eta vikasiñawaira vikuchapirayare eta maichakene'i.

1 Pedro 1:8

Eti, wicha'a ímati'ini eta mamira ema Viákenu. Émunaka'isera ema. Ichape'iware eta ekasiñawaira'i eta maye'e. Tási'a, ichapeyare'iwa eta iúrisamurewaya, tájina eviyaima'i ákayema'ini,