San Juan 15:4 - Táurinakene máechejiriruwa’i ema Viya tikaijare

⁴ Eta taka'e, ímiyanawayare eta iúrujiasiranuyare nuti, takuti eta náwa'asira'e'i eti, apaesa ákuti eta tatawa tika'iriki. Taicha te viyuvetuka eta tatawa eta uwa, waipa tika'ima'i, ene eka'e'i eti, te wa'i ekuimiyanawa iúrujiakanu.

Ignaciano

⁴ Eta tacahe, ímiya­na­vayare eta iúrujia­si­ra­nuyare taicha eta návahásirahehi núti, apaesa ácuti eta tatava ticahiriqui. Taicha te viyuvetuca eta tatava eta uva, vaipa ticahimahi. Ene ecahehi éti, te vahi ecuimi­yanava iúrujiacanu, tájina vaipa ecaema­ta­nea­ca­nuimahi.

San Juan 15:4 Iomraidhean Croise

San Mateo 12:33

“Tímatikare'i eta yukuki, te tiúrinisi'i eta taka'ira. Tímatikare'iware eta yukukiana, máurira'ana eta taka'ira, eta taka'e timatikare'i eta yukuki taichavene eta ta'i.

San Lucas 8:15

Natiari'isera ena apamuriana achaneana nakuti'i eta tiúrina máteji. Ena, nasamararaka'i eta nímiturapiana, náunaka'i yátupi te nasamureana. Tájinaware náichirawaina'ini eta náe'isiranu'i. Wa'i nayakujima'i.

San Juan 14:20

Te nuchawapa nítareka, échawainapa eti eta máwa'asiranu'i ema Tata, échawainawarepa eta náwa'asira'eware nuti, eti apana iáwa'akanu'iware.

San Juan 17:23

piti piáwa'akanu'i nuti, tási'a, nuti náwa'akawaka'i ena apaesa yátupina'ini ena etanainaichuyare eta napanereruana, apaesa ena apamuriana achaneana te juka apake'e étaina'ini náimatiaraina'ini eta piwanesiranu'i, étapa eta pémunasirawaka'i takuti'i eta pémunasiranu'i nuti.

San Juan 6:56

Nákani tinikanayare eta neche, téranayarewa eta nítine, ena tiáwa'akanuanayare'i nuti. Tási'a nuti náwa'akawakayarewa ena.

San Juan 8:31

Taka'e, ema Jesús máichawakapa ena tisuapanaipa'i: –Te ímiyanawa ekaratakawa eta esuapira'i eta nímiturapiana, eti yátupikene'e nímiture'e'i;

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

2 Corintios 13:5

Esamawayare étijiwa, te yátupi'ipuka tiúri'i eta é'isira'i ema Viákenu Jesucristo, te yátupipuka eta máwa'asira'e'i ema. Taicha ema máwa'akawaka'i namutu ena machichanaveana yátupikeneana. Machu émepururekawa eta íjarasirawa'i é'ika ema.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Filipenses 1:11

nuwara'aware iápajusirawaina'ini eta íchakeneana táurikeneana eta ekaemataneasira'i ema Viákenu Jesucristo. Tási'a, tétavikawayare'i eta nakunachirayare'i ema Viya ena achaneana eta náimaira'e'i eti.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

Colosenses 2:6

Taka'e puiti eta e'isira'i ema Viakenu Jesucristo émaipa'i iákenu'i, tawara'asera itauchayare eta mawanairipiana takaechera eta é'isira,

1 Tesalonicenses 3:5

Eta taka'e, tétavikawa'i eta néñamirawa'i nuti eta eye'e, waipa núrisamure'ini íchavene'i eti, taka'e, nuwanekapa ema Timoteo máima'apaná'e te enasirichu'ipuka eta é'isira'i ema Jesús, taicha nímikauyaya'e'i mákipaika'e'ini ema wínaraji, támapuruji'ini eta vikaemataneasiráipa ema Viya.

Hebreo 10:39

Vítisera wa'i wákutima'i ena tichawakuejechawana'i, énajiwaya tímitaekene'awanayare. Vítisera viti vímiyanawana'i eta vikasiñawaira me Viya, vikuchuku'ayare'i eta viáchanewana.

1 Juan 2:6

Ema tika'eana viti viáwa'aka ema Viya, tási'a, takamunu'i eta táuri'ini eta naitaresiraina'ini tákuti'ini eta táuriwa'i eta máitaresira'i ema Jesucristo.

2 Juan 1:9

Viti visuapa'i eta máimiturapiana ema Cristo, viti viáwa'aka'i ema Tata Vikaiyakene émapa ema Machicha, wá'isera náwa'akaima'i ema Viya nákani wa'i náwara'a'ini nasuapa eta máimiturapiana ema Cristo. Tasapi'apa, náimituka'i eta naye'echirawaihu eta napanereruana.