San Juan 15:21 - Táurinakene máechejiriruwa’i ema Viya tikaijare

²¹ Eta é'isiranu'i, étaipa tiviucha'eyare tamutu eta juka nakatianasira'enapa, táichavene'i eta wa'i náimati'ini ema tiwanekanu'i.

Ignaciano

²¹ Eta éhisi­ranuhi núti, étaripa tiviucha­heyare tamutu eta juca nacatia­na­si­ra­heinapa táichavenehi vahi náimatihini ema Tata tivane­canuhi.

San Juan 15:21 Iomraidhean Croise

San Mateo 10:18

tási'a ena tiáma'eanaya te namira'u ena akenukana, té'eware te namira'u ena reyeana, táichavene'i eta é'isiranu'i, taka'e ekamapurawainapa échejisianuyare eta nuye'e te namira'u ena maimatira'ana ema Viya.

San Mateo 10:22

Namutuya ena achaneana tikatianaka'eanayare táichavene'i eta é'isiranu'i, émasera mákani tikamicha'i te táitawapa tamutu, tiuchuku'ayare.

San Mateo 10:39

Mákani téñamawa'i eta máitaresira, máwamira'u'i eta máe'isiranuya, émajiwayare tikamitiekene'awayare, émasera ema táimikapakapuka eta máe'isiranuya, ema tiúchuku'ayare eta máitaresirayare.

San Mateo 24:9

“Taka'e, tikarataka'eanainapa eti, tipanajika'eanainapa, tási'a tikapaka'eanainapa, tási'a namutuya ena achaneana tikatianaka'eanayare táichavene'i eta é'isiranu'i.

San Mateo 5:11

“Tétavikawa eta náurikakarewaya ena, te naichanaka'e, nápanararacha'e ena achaneana taichavene eta e'isiranu'i, étapa eta naepiyaikene'a'erana.

Marcos 13:13

Namutu ena achaneana tikatianaka'eanayare táichavene'i eta é'isiranu'i, émasera mákani tikamichaya te táitawapa tamutu, tiuchuku'ayare.

San Lucas 21:12

“Tatiwanumayaresera tipanajirika'eanayare eti. Tikarataka'eanayare, tiáma'eanayare te peti náurujisirarewa ena juriyuana, taka'e temerataka'eanainapa, tási'a, tiáma'eanaya te namira'u ena reyeana, te'epa te namira'u ena akenukana, ekaviurewayare táichavene'i eta é'isiranu'i.

San Lucas 21:17

tási'a namutuya ena achaneana tikatianaka'eanayare, táichavene'i eta é'isiranu'i,

San Lucas 6:22

“Tétavikawa eta iurikakarewaya eti, te tikatianaka'e ena achaneana, nawara'ainapa tiákijika'eana. Tipanararaka'eanainapa. Eta juka náichira'eyare'i, táichavene'i eta é'isiranu'i nuti Machichanu ema Ajaira.

San Juan 15:24

Éneichu'iware, takuija'ini taviuchawaka'ini te wa'i nukuimereka'ini eta níchakeneana'i, marata'akene'i máicha'ini mákani apana achane. Étasera náima'aipa'i, wá'ikenesera nasuapa'ini, nanasikene tikatianakanuana'i, nakatianaka'iware ema Tata.

San Juan 16:3

Ena, náichayare eta juka táichavene eta namáimatira'i ema Tata, wá'iware náimatinu'ini nuti.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 8:19

Énasera nayaserekawarepa: –¿Távi'asika mávi'a'i ema tikachichavi'i? Ema Jesús majikapawarepa: –Eti wa'i ímatinu. Wá'iware ímatima'i ema Tikachichanu. Te ímatinu'ini, ímatipa'iwareini ema Tikachichanu.

San Juan 8:54

Ema Jesús majikapawarepa: –Tájina nukunachakaréma'i, te nútijirikawaichuchapuka nukunachawa'i. Marari'isera ema Tata tikunachanu'i, ema ímijachakene'i ema ekasiña eti.

San Juan 8:55

Eti ímijachawa'i ímati ema. Wá'ineni ímati'ini. Jé'eware nuti nímati'i ema. Té'esera numetaka'e'ini eta numaimatira'i, népiya'ira'iripapukaini nákuti'e'ipaini eti. Étasera yátupikene'i eta nímatira'i ema, nusuapa'iware eta mawanairipiana.

Hechos 17:23

Taicha te nítekapapa nuti eta ani eye'e, nupaika'i tamutu eta eyujarasirareana. Níma'apa eta eye'e tavirare eta iamawa'uasana tatiari'i'i eta ajureka ani taka'e'i: ‘Ema Viya vimaimatikene’. Tiuri, ema maka Viya eyujaraureasa emáimatikene'i eti, émara ema Viya néchejisi'akene'i nuti.

Hechos 26:9

“Núti'ipa akane nímijacha'i nétupikawa'i eta níchakeneana'i, nukatianasirawaka'i ena té'ikana'i ema Jesús Nazareno,

Hechos 3:17

“Tiuri puiti, nuparapenaveana, eti ímikapaka'i ema Jesús taicha wa'i ímati'ini eta émaira'i ema Cristo ema vikuchapakene'i. Énaipa ena tuparairukana eye'e, wá'iware náimati'ini ema.

Hechos 4:17

Wá'isera táwara'a vísapa náimiyanawa náimitureka naye'e ena achaneana. Vípikararekawakaya, apaesa wa'i nakuimiyanawa náechejisi'a eta máechepusira'ipuka ema Jesús.

Hechos 5:41

Taka'e, tiúchukanapa ena apústuleana te náurujisiawa'i ena tuparairukana, tiúrisamureanapaichucha eta nakaestaira'i, ema Viya máimararaka'i eta vikamichira'i tamutu eta náimikatsiriasira'avi'i táichavene eta vé'isira'i ema Jesús.

Hechos 9:14

Ema, tímiteka'i puiti eta ani, mámapa'i eta wanairipi náijararu'i ena tuparairukana eta te Jerusalén eta máepanira'aviya naeratasira'aviya vimutu viti vé'ikaviana'i eta pijare.”

Hechos 9:16

Nuti nímechayare eta makatajiwairayare ichape táichavenena'i eta máe'isiranuyare.”

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

1 Corintios 15:34

Tátupiruwapa táuri eta ítaresiraina eti, wáipaware ekukicha eta pekatuana. Taicha narari'i ena wícha'a náimati'ini ema Viya te emuri. Titsiri'akareipa'i eta nakasirikira'e'i eti machanerakeneana'i ema Viya.

1 Corintios 2:8

Ena akenukana'i, wa'i náimati'ini eta mapanereruana ema Viya. Nájina émanaina'ini ema ichapekene akenuka máimati'ini. Taicha te náimati'ini eta mapanereruana ema Viya, wá'ichupukaini nakuémetataka'ini te crusu ema Viákenu, ema Tata, ema tikarataka eta vitaresirana.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.

3 Juan 1:7

Taicha ena, táimipaika'i eta nakametarairuira'i eta echéjirirukawa maye'e ema Jesucristo. Eta napaisira'i, tájina nayaseserekapa'ini ena naye'e ena achaneana masuápajiraira'anaicha'a.

Apocalipsis 2:3

Nímati'e eta ekamichira'i tamutu eta iátajiwana'i táichavene'i eta ekaemataneasiranu'i. Wa'i eyakuji'ini.