San Juan 15:2 - Táurinakene máechejiriruwa’i ema Viya tikaijare

² Ema máechuka eta má'irikere'i tatawa. Máepachiakaware eta apana tatawana eta tika'irisi, apaesa taka'ipana.

Ignaciano

² Éma máechuca eta máhiri­querehi tatava. Máepachia­cavare eta apana tatava eta ticahirisi apaesa tacahipana.

San Juan 15:2 Iomraidhean Croise

San Mateo 13:12

Taicha ema tikaima'akene najanechinaya eta apana maima'akeneya kamuripanainapa makaye'e, émasera mákani tájina maima'akenena naverejinaya tamutu eta maima'akeneanaini tayanapanepuka ánimurichichaichu.

San Mateo 13:33

Éneichuware máimikutiaracha'i eta máimituresira'i: “Eta mawasa ema Viya Akénuka te anuma, tímikutijirikawa'i eta levadura, esu súkani esena tiúri'i eta tasisijisira eta suépiyaru'i masa, tayanapane apinapukaini arruwa eta suye'e jarina, tasi'ajika'isera, jé'esare tiápukayare'i taicha.”

San Mateo 15:13

Émasera májikapapa: –Jákani sukurekana, wa'i masukurena ema Tata nukaiyakene te anuma, tikavepurikasiyare.

San Mateo 21:19

Máima'apa eta yukuki tikaijare higo te achenechakaya, tási'a tiyanapa mapaucha'i, tájina'isera tá'ina'ini, takarichu'i eta tapakajiana. Tási'a, máichapa ema Jesús eta higo: –¡Pépiyainapa píti eta má'irikireviyare! Eta maka'era'i, énewanepa tiájiki'i.

San Mateo 25:29

Taicha nákani tikajurukana'i kamuri, nujanechinayare eta apana; nákanisera tájinakene'i nakajururéna'ini, nuverejikayare.

San Mateo 3:10

Eta yawati tsekawaipa'i, tímikutijirikawaipa te máechukayarepa ema achane eta yukuki má'irekere te tapare. Tási'a, máijuchainapa tamutu te yuku.

San Mateo 3:12

Márajapainapa tinerejirikainapa nákani yátupikeneana'i té'ikanayare. Takutinapa mákani achane tiákatayajirika'i eta ma'arusura máunakainapa eta taki. Tási'a mákijikapa eta tapirakiji, máijuchainapa te yuku máitawakakayare'i eta tamuruira.”

San Mateo 7:19

Tamutu eta yukukiana máurinisira'ana tikaechuyare'i, tíjuyarepa te yuku.

Marcos 4:20

Natiari'isera ena apamuriana achaneana nakuti eta tiúrina máteji. Ena, nasamararaka'i náunaka'i yátupi eta nímiturapiana, nakuti'i eta ewaraki te tetupikawa, eta étajawa takaye'e'i trainta eta apana takaye'e'i sesenta eta apana takaye'e cien.”

San Lucas 8:13

Natiari'iware ena apamuriana achaneana, nakuti'i eta máteji máripa'i, te nasamararaka eta echéjirirukawa, natupiruwane'i nasuapa, wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, tínajikawanawane taicha eta natajiwaira'i.

San Juan 15:1

“Nuti'i yátupikene sukureka uwa, tási'a ema Tata, éma'i tijaneaka'i eta sukureka.

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

San Juan 15:3

Eti epáchi'awakaipa'i, taicha eta nímiturapiana emetakasiwana'i.

San Juan 15:6

Nákani tijunijiakanuanayare, tikutianayare te tikaechu eta tatawaki, tiájikiyare'i. Tási'a, nakurujikainapa, náijuchainapa te yuku.

San Juan 15:8

Eta juka ímerekaipa eta makunachakarewa'i ema Tata, eta ekaemataneasiranu, apaesa tétavikawainapa eta makunachakarewaya ema. Tási'a, ekaecheraipa'i eta yátupira'i nímiture'e.

San Juan 17:12

Te nukachanemuricha'a nuti te juka apake'e. Ichapemuri'i eta nujaneasirawaka'i ena eta nukachanerawakaicha'a. Eta taka'e'i, wa'i náinajikawa'ini eta náe'isira'avi'i. Émanaichu'i ema téjekapawa'i, ema tijararekanuyare, étasera taka'eyare'i eta táitauchirawayare'i eta Takapika'ukene Ajureka.

Romanos 11:17

Eta yukuki ulivu, ena'i ena juriyuana, taka'e naechukapa eta tatawana maurira'ana, taka'e nave'apa eta tatawa eta ulivu tikawasa te simena, naemewachakapa naipistakapa eta tatawa, eti'ineni eta apawasana, eta taka'e'i eta machanera'epa ema.

Romanos 11:22

Taka'e, tikaecherawapa eta máuriwa'i ema Viya, étapa eta matupiruwa'i. Tétavikawa'i eta matupiruwaira'i eta náerajisirawaka'i ena masuapajiraira'ana. Tétavikawa'iware eta máuriwa'i eta eye'e, eta ímiyanirawa'i eta ekasiñawaira'i eta máuriwa'i. Nákanisera wa'i nakasiñaima'i, makaerajikawakayare.

Romanos 8:28

Véchaipa'iware tétavikawa'i eta majaneasira'avi'i ema Viya vimutu viti vémunakana'i ema. Tayanapane vikatajiwa'ipuka, ema tamutu'i tiuri máicha. Títauchawayare eta mapanereruana ema eta viúrikakareyare'i eta máichuira'avi'i.

1 Corintios 13:1

Víti'ipa, te takuija'ipukaini eta vémunaraiwaina'ini, waipa tisuapakaréma'i eta vimetarairuana, vémunasirikawapa tayanapane vítuka'ipuka véchejika tamutu eta apaechejiriruwana, wákutipukaini eta náechejisira ena ángeleana.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 12:15

Ejaneakawaicha yátupina. Wa'i ekuimipananajikawa eta esemirana. Machu tapareakawaka ena echamuriana eta ewínarajiwana, takuti jákani sukureka máurira'ana, tapareakayare eta apana sukureka táurinakene'i, táimikapakapa.

1 Juan 2:19

Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

Apocalipsis 3:19

Nuti netupirikaya eta napanereruana namutu ena némunaruana te náejekapawa. Éñauchawaware, apaesa takuija ekuichirawaina.