San Juan 15:16 - Táurinakene máechejiriruwa’i ema Viya tikaijare

¹⁶ Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

Ignaciano

¹⁶ Vahi étinahini enere­ji­ca­nuhini eta éhisi­ranuhi. Núti nunere­ji­cahehi. Puiti nutupa­racahe, nuvaraha táuri eta ecaema­ta­nea­siranu eta epaisiraya eta ecame­ta­rai­rui­rayare. Nuvaraha ecaji­mu­ya­cahini ena achaneana náehica­nuhini. Yátupina eta ímitu­siraina apaesa náimiyanava eta náehisi­ranuhi. Tásiha, ema Tata tíjara­ca­heyare tamutu eta eyasea­rua­nayare te níjare.

San Juan 15:16 Iomraidhean Croise

San Mateo 21:22

Tási'a tamutu jákani eyaseserepiyare eti, eta eyujarasirana, ekaijarakasiyare te yátupina eta ekasiñawaira'i me Viya.

San Mateo 7:7

“Eyaseaka ema Viya ema tijaraka'eya, échejika ema Viya, ema íchimawaya eta ekamunukeneana; íchu'a tási'a ema tisáma'eya,

San Lucas 6:13

Te tijara'ipa, maichu'awakapa namutu ena máimitureana. Manerejikapa ena dósekeneana maye'eanayare'i apústule.

San Juan 13:18

“Nécha'ineni nuti wa'i ámutu'ini esuapanu. Nímati'e'iware eti yátupikeneana nunerejiruana'i. Títauchawayare'isera eta táechejiriruwa'i eta Takapika'ukene Ajureka, ani taka'e'i: ‘Ema néniruasa'i, masapi'a'i tikatianakanu'i.’

San Juan 15:19

Te etainaicha'ini iáwaku'a'ini eta taye'erepiana eta apake'e, ena achaneana témunaka'eanaipa'ini, takuti'ini eta náemunajirisirakaka'i ena. Étasera eta nunerejisira'e'i te nataraku ena achaneana, étapa tiviucha'e'i eta nakatianasira'e'i, taicha ínajikaipa eta máeperajikene taye'e eta apake'e.

San Juan 15:5

“Nuti nukuti'i eta táenaki'i eta uva. Eti tímikutijirikawa'i nutawa'e'i. Te ímiyanawa iúrujiakanu, ichapemuriyare'i eta ekaemataneasiranuya. Té'esera ákarichu eti, tájina erata'akenéma'i ícha.

San Juan 6:70

Ema Jesús majikapapa: –Dóse'e'ineni eti nunerejiruana'i, marari'isera ema émana te etaraku, ema máwa'aru'i ema wínaraji.

Hechos 1:24

Tási'a tiyujarakanapa, ánipa naka'e'i: “Tata, piti pímati eta visamureana vimutu viti, pímecha'avi nája'apuka ema tiuripa naye'e ena nani apinawa vinerejiruana'i

Hechos 1:8

té'esera te maitekapapa ema Machanewa Viya, tiáwa'aka'eyare tímikataka'eyare. Taka'e, échejisianuinapa nuti, tamutuyare te awasareana eta epaisi'ayare te Jerusalén, te Judea, te Samaria, étapa te jákani tayere'ikeneana awasareana taye'e te juka apake'e.

Hechos 10:41

Waipa námutu'ini ena achaneana náima'a'ini, vítinecha vitametaka'i taicha viti manerejiruana'i ema Viya, vinekapaekene'a'i tamutu eta vikachanera'i ema Jesús te vinisirana, verirana.

Hechos 22:14

Taka'e, timiyanawapa máichanu'i: ‘Ema Viya nakasiñakene'i ena viáchukanaveanaini, píti manerejiruvi'i, taicha mawara'a'i tímimatichaviya eta mapanereru, éneichuware mawara'apa tímimatichavi ema máurikene Cristo, apaesa pisama eta tasi'akene te majaka eta ma'u.

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

Romanos 1:13

Nuparapenaveana, nuwara'a numetaka'e apaesa echa, ichapemuri'i eta nuwaraira'i níteka níma'apana'e, puíticha, wícha'asera nítujikawa. Eta nuwaraira nuyana eye'e etavene eta nimimaticha'e'ini eta Arairu maechejiriruwa ema Viya, tákuti'ini te nupaikainapa te apana awasareana.

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 15:4

Ema Viya tiwaneka'i ena víyara'anaini profetana nájucha'i eta máechajiriruwana te Takapika'ukene Ajureka. Eta, tikamapurawakareyare'i eta táimitusira'aviyare'i, apaesa táetumecha'avi eta vé'isira, takurisamurecha'avinaware. Tímituka'avi'iware yátupina eta vikasiñawa me Viya eta máijarasiraparaka eta viúrikakarewaya.

Romanos 9:21

Esu típuarekara'i, esu téchinawa'i jákani táima'ianayare eta suípune, suíchayare'i eta sukachaparaya, tási'a suépiyakaware eta suawakuru'iyare te tajiparakana suicha'i eta suwara'akene'i taye'e eta tiuraji.

1 Corintios 10:11

Taka'e'ira eta juka náichawakenewa'i ena viáchukanaveanaini, puíticha tanasi'i te Ajureka téjaka'i tamutu maicha ema Viya, tamutu eta juka témecha'avi'i víti, tikatsimawakare'iware viye'e víti vinekapaekene'ana'i eta juka táitavirainapa puiti juka sácheana vikaiju'eyare.

Gálatas 1:15

Námawakenewa'isera eta manerejisiranu'i ema Viya, te wicha'a núchuka'ini te suju'e esu tikachichanu; taka'e'i eta mapanereru'i eta máichuiranuyare'i, taicha eta máemunasiranu'i.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:6

etupiruwa'i esuapa eta ímitukasiwa'i, te esamainapa eta máemunasira'e'i eti apanawa ema Viya. Étaichu'i eta juka naímiturapi'i naye'e ena apamuriana achaneana tikawasana'i te apanana awasareana.

1 Timoteo 2:7

Eta taka'e'i, manerejirunuichu'i maye'enu'i apústule, nukametarairuyare tamutu awasareana, nímitukayare'i ena apawasana eta nasuapiraina ena eta yátupikeneana máechejiriruwana ema Viya, nutupiruwa'i nuti eta juka néchejisira'i, wa'i népiya'ira'iwaina'i.

2 Timoteo 1:11

Ema Viya tituparakanu'i nukametarairuyare eta juka Arairu maechejiriruwa. Ema tinakanu'i apústulenu'i, nímitukayare'i ena apawasana.

2 Timoteo 2:2

Píti pímatirichu'i tamutu eta nímiturapiana, taicha pisama'i eta nímitusirawaka'i ena vichamuriana te awasareana, puiti pitanukaya ena apamuriana vichamuriana nákani pímitureana títaura'iana'i, pituparakaya ena tauri eta náimitusiraina ena apamuriana vichamurianayarewa, tákutirichu eta nímitusiravi'i nuti.

Tito 1:5

Péchawaichu'i te nunakikavinapa te tikaijare Creta, nutuparakavi'i pítauchayare tamutu eta numaitaureana'i, eta nutupararuvi'i pinerejikaya ena pinakakeneanayare eta náwakureanaya ena pastuleruanaya téchapajirikanayare nákani náijamuripachu tisuapajira'iana.

Hebreo 11:4

Émaipa ema Abel, eta masuapajiraiwa'i maye'e ema Viya, tétavikawa'i eta tajakapakarewa'i eta mámawa'u'i maye'e ema Viya, takachurika'i eta mámawa'u'i ema maparape Caín. Tási'a, ema Viya makametarapi'i eta majakapakarewa'i ema Abel. Puíticha, májinaipa'ineni, ánakiapaipa'i eta máepenira'i, tanasi'isera eta takunachakarewa eta masuapajiraiwa'i.

Santiago 3:18

Nákani tikatiura'iana'i, náetupirika'i eta náitaresira ena apamuriana. Jé'esare, tájinasarepa náichirawaina'i. Nanakipaika'i eta táurikeneana.

1 Pedro 3:15

íjarakawasera yátupi eta é'isira ema Viákenu. Te nayasereka'epuka eta takayema'ipuka eta é'isira'i ema Cristo, táuri eta ejikapirawaka taye'e eta ekuchapakene.

1 Pedro 3:2

Waipa tákamesaima'i échejirika, taicha náima'ayare eta esuapajiraiwa'i naye'e, epikauchira'iware.

1 Juan 4:10

Eta vemunaraiwa ani taka'e: vítisera wa'i vitíwaina'ini vémunaka ema Viya, matiwa'i ema témunaka'avi'i, eta máemunasira'avi ema Viya, máijarareka'i ema Machicha, mawaneka'i tépenayare te crusu étavene eta makaepa'airayare eta vipekaturana.

1 Juan 4:19

Víti vémunaka'i ema Viya taicha ema matiwa'i témunaka'avi.