San Juan 15:10 - Táurinakene máechejiriruwa’i ema Viya tikaijare

¹⁰ Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

Ignaciano

¹⁰ Eta ímiya­nirava ítauchapaipa eta nuvanai­ripiana, tijuru­capaipa eta ímatirahi eta némuna­si­rahehi. Tacuti eta nítauchirahi núti eta mavanai­ripiana ema Tata, nímatipaipa eta máemuna­si­ranuhi éma.

San Juan 15:10 Iomraidhean Croise

San Juan 10:18

Nájinaneni napamikanu'ini eta nísapirawaya tikapakanuana. Níjararuwa'i nuti eta nakapasiranuya. Taicha nutupara'aichu'i me Tata nuti néchinawayare'i.”

San Juan 12:49

Taicha taicha nuti wa'i nútijiriruwaina'ini eta nímituresira'i; ema'i ema Tata tiwanekanu'i, tíjarakanu'i eta nímiturapianayare'i.

San Juan 14:15

“Eta esuapiranu'i tímereucha'eya eta yátupira'i eta émunasiranu'i.

San Juan 14:21

Nákani náimatiyare eta nuwanairipiana, náitauchayarewa, eta tímikaecherachayare eta yátupi'i eta náemunasiranu'i. Tási'a, ichapeyare eta namunawayare me Tata táichavenena'i eta náemunasiranu'i. Nuti apanaware ichapeyarewa eta némunasirawakayare. Tási'a, nímerekawayarewa naye'e.”

San Juan 14:23

Ema Jesús májikapapa: –Nákani témunakanuana, nasuapayare eta nuwanairipiana'i. Tási'a, ema Tata, tétavikawayare'i eta máemunasirawakaya. Tási'a, vítijapainapa viáwa'akawakayare ena.

San Juan 14:31

Nuwara'asera náimatiya ena achaneana eta némunasira'i yátupi ema Tata, tási'a, nítauchaparaka'i tamutu eta mawanairipiana. “Échepuka. Viyana viyejekawa eta te juka.

San Juan 17:4

Nuti nímereka'i ena achaneana eta pikunachakarewa'i. Nítauchaipa'i tamutu eta piwanairipiana'i piwara'akene'i níchayare'i.

San Juan 4:34

Ema Jesús máichawakapa: –Eta tikaitarekanu'i nuti, eta nítauchira'i eta mawanairipiana ema Nukaiyakene, taicha nuwara'a nítauchaya tamutu eta nuwana'i'i maye'e.

San Juan 8:29

Puíticha, ema Tata tikachanenu'i, wa'i majunijiakanu'ini, wá'iware nákarichu'ini taicha nítauchaipa'isera nuti eta mawara'akeneana'i ema.

San Juan 8:55

Eti ímijachawa'i ímati ema. Wá'ineni ímati'ini. Jé'eware nuti nímati'i ema. Té'esera numetaka'e'ini eta numaimatira'i, népiya'ira'iripapukaini nákuti'e'ipaini eti. Étasera yátupikene'i eta nímatira'i ema, nusuapa'iware eta mawanairipiana.

1 Corintios 7:19

Tájina wa'i étaparakaina eta vimikutiarachawa, te wa'ipuka vimikutiarachawa étasera tiwara'akare'i vikaemataneakayare eta mawara'akeneana'i ema Viya.

1 Tesalonicenses 4:1

Tiuri puiti, nuparapenaveana, vituparaka'echa muraka te máijare ema Viákenu Jesucristo: táuri eta ítaresiraina puiti juka epaisirayare, te tauri eta ítaresiraina, ekurisamurechayare ema Viya, puiti iápajupanawáinapáipa eta iúriwaya.

Hebreo 7:26

Taka'e'i puiti eta makatupara'aira'i ema Jesús téchejiucha'aviyare. Tétavikawa'i eta vikamunuira'i ema, taicha yátupikene'i santu, matapiraware'i ema. Tájinaware máimatiya'ini makapekatura'ini. Wá'ikene mákuti'ini ena pekatumareana eta napanereruana. Puíticha ema mávi'a'i taye'e eta anuke'e anuma.

2 Pedro 2:21

Tiúripanaichu'ipukaini wa'i nakuimati'ini eta táurinakene vé'iru'i, wáchupa náimati'ipa'i eta tiúrina achene, tási'a tínajikawanaicha'aware taye'e eta táurinakene wanairipi najakapakeneni'i.

1 Juan 2:3

Tiúri puiti, vikasiñawa'i eta vímatira'i ema Viya, taicha visuapa'i eta mawanairipiana.

1 Juan 2:5

Étasera eta visuapira'i víti eta mawanairipiana tímecha'avi'i eta viáwa'asira'i ema Viya, yátupi'i eta vémunasira'i ema Viya, je'ewarepa yatupipa eta mawa'asiraavi'i ema.

1 Juan 2:6

Ema tika'eana viti viáwa'aka ema Viya, tási'a, takamunu'i eta táuri'ini eta naitaresiraina'ini tákuti'ini eta táuriwa'i eta máitaresira'i ema Jesucristo.

1 Juan 5:3

Étavene, eta vémunasira'i ema Viya, visuapaya eta mawanairipiana. Taicha wa'i táyakujikare'ini eta visuapiraya,

Apocalipsis 22:14

Tétavikawa eta náurikakarewayare nákani tépachinachana eta náchanewana, takuti te tikasipaji'ana eta namuiri'ana, ena tatuparaka'i nanikayare'i eta ta'i eta yukuki tikaitarekara'i, tatuparaka'iware nasiapayare eta Arairu Jerusalén.