San Juan 14:3 - Táurinakene máechejiriruwa’i ema Viya tikaijare

³ Tási'a te táuripa eta iávi'ayare, nútijapainawarepa, nuchawainapa népana'enapa, apaesa ákachanenu eti taye'e eta návi'ayare nuti.

Ignaciano

³ Te táuripa eta iávihayare, nútija­pai­na­varepa nuchavainapa népanahénapa apaesa ácachanenu éti tayehe eta návihayare núti.

San Juan 14:3 Iomraidhean Croise

San Juan 12:26

Éneichuware mákani tiwara'ayare tikaemataneakanu, yátupiyare eta máe'isiranu, tási'a, nuti nukaejakayare ema te néjasi'ayare nuti, ema maka, tétavikawayare eta makunachirayare ema Tata.

San Juan 14:28

Tiuri esamanuipa eta nukayemakene eta nuyanirayare, tási'a, étapa eta nuchavirayare eta eye'e. Eta taka'e, te yátupina émunakanu, ewapinawayare'i eta echira'i eta nuyanirayare maye'e ema Tata, taicha ema kachuriakanu'i eta máitupajijiasirawa.

San Juan 14:4

Eti ímatipa eta nukaiju'eya. Ímatipa'iware eta achene nuyani'ayare.”

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

Hechos 1:11

tási'a, náichapawakapa: –Galileona ¿Tája'a ta ícha'i ímararaka'i eta anuma? Puiti enekaparareka'i ema Jesús eta mayanirapa te anuma. Te jákani sácheyare, tichawayare te juka apake'e, tiúkupaikayare takutiyareichu eta mayanira'i.

Romanos 8:17

Eta makachicha'aviraipa ema Viya, vijakapainapa eta víkuchi'i máijararu'aviya. Vikutinapa ema Cristo eta máijarasira'i eta máikuchi'i ema. Puiti, eta vikatajiwaira'i te juka vítaresira'i, vikuti'i ema Cristo eta makatajiwaira'i, tási'a, vikachanénapa ema eta mávi'a'i eta majaraiwa'i.

Filipenses 1:23

Nuwara'aipanéni níja'uchawa'ini népena'ini apaesa nunarakapaini te machakaya ema Cristo, eta juka tiúripana'i eta nímaira'i, wá'isera nímatiekene'a tája'apuka eta né'iruyare.

2 Tesalonicenses 1:12

Tási'a, ena apamuriana achaneana nakunachayare ema Viákenu Jesucristo táichavene'i eta náimaira'i eta íchira'i eti eta táurikeneana, énerichuware, eti ekunachakarenapa me Viya, taicha tétavikawa'i eta máemunasira'e'i, émapa ema Viákenu Jesucristo.

2 Timoteo 2:12

te vetumechawa eta vikatajiwaira, visiapayere te mawasa ema Viakenu; te'esera te vitsiri'aka ema Viya ema apanaware titsiri'aka'aviyare ema;

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.