San Juan 14:10 - Táurinakene máechejiriruwa’i ema Viya tikaijare

¹⁰ ¿Wá'ipuka pisuapanu'i eta máwa'asiranu'i ema Tata, tási'a, étapa eta náwa'asira'iware nuti apanawa? Eta juka nukayemakeneana'i, wa'i nutijirikawaina'ini. Étara eta máwa'asiranu'i ema Tata, títauchawa'i eta mawara'akeneana'i.

Ignaciano

¹⁰ ¿Váhipuca pisuapanuhi eta mávahásiranuhi ema Tata, tásiha, étapa eta návahásira­hivare núti apanava? Eta juca nucaye­ma­que­neanahi, vahi nuveha­que­neanaina te nuchuti. Étara eta mávahásiranuhi ema Tata, títauchavahi eta mavara­ha­que­neanahi.

San Juan 14:10 Iomraidhean Croise

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

San Juan 10:38

Etasera te nitaucha'i eta mawanairipiana, tayanapane wa'i ekusuapanu nuti, étapaseraini esuapa'ini eta tiáramikareana níchakeneana'i, apaesa enewanepa echa tamutu, taicha ema Tata tiawa'akanu'i éneichuware nuti nawa'asira'i ema Tata.

San Juan 11:26

Namutu nákani titarekanaicha'a'i tisuapanuana'i nuti, wa'i tepenanaima'i maichekuarakirenapa eta naitaresira. ¿Pisuapanu eta juka numetaruvi'i?

San Juan 12:49

Taicha taicha nuti wa'i nútijiriruwaina'ini eta nímituresira'i; ema'i ema Tata tiwanekanu'i, tíjarakanu'i eta nímiturapianayare'i.

San Juan 14:11

Esuapanu eta náwa'asira'i nuti ema Tata, étapa eta máwa'asiranu'iware ema. Te vuícha'apuka esuapanu'ini eta numetarapi, étawanerekainasera esuapa eta tiáramikareana'i níchakeneana'i.

San Juan 14:20

Te nuchawapa nítareka, échawainapa eti eta máwa'asiranu'i ema Tata, échawainawarepa eta náwa'asira'eware nuti, eti apana iáwa'akanu'iware.

San Juan 14:24

Nákanisera wa'i témunakanuanaima'i, wá'iware nasuapaima'i eta nuwanairipiana. Eta juka nuwanairipiana esamakeneana'i puiti, wa'i tási'akenena'ini te nuchuti. Tási'akene'i me Tata, ema tiwanekanu'i.

San Juan 17:8

Náechaipa'iware eta yátupikenéra'i eta piwanesiranu'i. Eta taka'e, natupiruwa'i najakapa eta nímitusirawaka'i eta péchejiriruwana.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 5:17

Emasera ema Jesús maichawakapa: –Ema Tata tamutuchucha sache tikaematane. Ene nuka'eyare'i nuti apana, nítauchayare eta mawanairipiana.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

San Juan 7:16

Ema Jesús máichawakapa: –Wa'i nútijiriruwaina nuve'a'ini te nuchuti eta juka nímiturapiana'i. Ema Tata tiwanekanu'i, éma'i tituparakanu'i eta nímitusiraya eta máimiturapiana.

San Juan 8:28

Tási'a, máichawarepa: –Jé'ewaresera te ekatupi'anupa te anuke'e, tapaenumawainapa ímatinuyare eta nútikenera'i ema Cristo ekuchapakene'i, ekaikutiarayarewa yátupi'i nímituka'e eta máimiturapiana ema Tata. Taicha wa'i étaina nuviya'ini te nuchuti nútijiriruwaina'ini.

San Juan 8:38

Nuti néchejisi'a'i eta máimechakenénuana'i ema Tata. Étisera étachucha ícha'i eta mawanairipianaichu'i ema tikachicha'e.

San Juan 8:40

Esapi'a'i eti, epanerechaichucha ekapakanu. Ema Abraham, wa'i táka'e'ini eta mapanereru'i ema. Nuti numetaka'e'i eta yátupikene mapanereruana ema Viya. Eti wá'isera esuapanuima'i.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

2 Corintios 5:19

Tási'a, ema Viya mawaneka ema Machicha Jesucristo, apaesa makaepa'ayare'i eta vipekaturana vimutu viti vikasiñawana eta maye'e. Tási'a, tájina eta vipikakarasirawaima'i eta víkuñaina'ini.

Colosenses 1:19

Taicha ema Viya máijarakapa ema Machicha makutiyare'i eta masantuwa'i, étapa eta máuriwa'i, étapa eta máitupajijiasirawa'i.

Colosenses 2:9

Ema Viákenu Jesucristo, jé'eware ema, yátupikene'i santu, taicha tikutikakana'i ema Tata Vikaiyakene eta nasantuwana'i ena, tikutikakana'iware eta náuriwa'i, étapa eta náitupajijiasirawa'i,

1 Juan 5:7

Mapanana ena titametaka'aviana: