San Juan 13:5 - Táurinakene máechejiriruwa’i ema Viya tikaijare

⁵ Tási'a, majuku'apa eta une te erepa, tépanawapa masipapewachawaka eta naíwapeana ena máimitureana. Mave'awarepa eta pañu, májapewachawakapaipa.

Ignaciano

⁵ Tásiha, majucuhapa eta une te bañadora. Tépanavapa tisipa­pe­va­cha­havihi eta vívapeana viti máimitureana. Maveha­varepa eta paño, tiájape­va­cha­havipa.

San Juan 13:5 Iomraidhean Croise

San Lucas 7:38

Tiya'apa'i tépuyukapa te máiwapechakaya ema Jesús, tási'a tépanawapa tíya'akawapa, táetsipapapewachapa eta sutsera. Taka'e suájipewachapa te suchutimaka, suetserarekapa eta maiwapeana, tási'a, suépusapewachapa eta perfume.

San Lucas 7:44

Taka'e, ema Jesús máimararakaipa'i esu esena. Tási'a, máichapa: –¿Pipanereaka esu suka esena? Puíti'i, te nusiapapa te pipena, wa'i pímisipaka'ini eta níwape. Ésusera esu suka esena tisipapewachanu'i te sutsera, tiájapewachanupa te suchutimaka.

San Juan 13:10

Tási'a, ema Jesús máichawarepa: –Nákani nakavirawa'i, wa'i tákamesaima'i tiápechawana tikasipana. Takarichu tikasipayare'i eta náiwapeana. Eti, epáchi'awakaipa; wá'isera ámutu'ini epáchi'a'ini.

San Juan 13:6

Tási'a, te makapayakapa ema Pedro, ema wa'i máisapawa'ini eta masipapewachira eta máiwape. Ema máichapa: –Tata maestro, wa'i táurika eta pisipapewachiranuina nuti.

San Juan 13:8

Ema Pedro máichawarepa: –Nútisera, wa'i nisapawaima'i pisipapewachanu. Ema Jesús máichawarepa: –Te wa'i nukusipapewachavi, waipa pítiparakaima'i eta nuye'e.

San Juan 19:34

Táitsiwa'isera ema émana suntaru mayuwarakapa te macheneji taye'e eta lanza. Enewanepa tiúchuka'i eta iti étapa eta une.

Hechos 22:16

Puiti, enewane pikaikachasiya te máijare ema Viákenu, piyaseaka maye'e eta takasipairaya eta pipekaturana’

1 Corintios 6:11

Eneni'i eka'e eti te wicha'a imati'ini ema Viya. Puitisera ejachapaipa eta iuriwayare epáchi'aipa eta epeketurana, puitisera santu'eripa'i maicha ema Viákenunu Jesucristo émapa ema Machanewa Viya.

Efesios 5:26

Taicha mawara'a'i tisantucha'aviyare'i, tási'a, masipasina'avipa eta viáchanewana eta visuapira'i eta máimiturapiana, eta masipasira'avi'i taye'e eta maechejiriruwa etapa eta vikaikachasirai.

1 Timoteo 5:10

Ésupa súkani tímatikare'i eta táuriwana'i eta suématanerepiana. Súkani tiúri'i eta sukajurusira'i ena suchichanaveana. Súkani tijakapara'i te supena naye'e nákani tichimarachanapa'i. Súkani tiuri eta suéchapajirisira ena vichamuriana. Súkani tamutu'i suítapara'a suicha eta táurikeneana.

Hebreo 10:22

Eta taka'e, tatupiruwayare'i eta visamureana eta vikaiju'éraya ema Viya, wákasiñawa'ini eta maye'e, wa'i véñamawaima'i taicha ema masipakaipa'i eta visamureana apaesa takuija vitapirawaina taye'e eta vipekaturana, tímikutijirikawa'i vikawa'ini eta te tapachinakene une.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

1 Juan 5:6

Te títekapa ema Jesucristo, tímerekawapa te juka apake'e, une eta makaikachasiya'i. Éneichuware eta máitine máepusairu'i eta máepenira'i te crusu. Ema Machanewa Viya, émapa títametaka'avi.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.