San Juan 13:3 - Táurinakene máechejiriruwa’i ema Viya tikaijare

³ Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 13:3 Iomraidhean Croise

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Lucas 10:22

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.”

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 3:13

“Najina nayana'ini nápana'ini te anuma, emachucha ema tiukupaika'i te anuma; ema Machicha ema Ajaira.

San Juan 3:35

Ema vikaiyakene máemunaka'i ema Machicha. Eta taka'e, matuparaka'i eta émairayare'i téchayare tamutu.

San Juan 7:29

Nútisera nímati'i ema taicha étakene'i násine'i eta maye'e eta nítekapauchira'e'i.

San Juan 7:33

Taka'e, ema Jesús máichawakapa: –Wícha'a tituparaka'e eta ekaratakanu'ini. Yátupisera ánipine eta nuka'eyare eta eye'e, tási'a nuchawainapa maye'e ema tiwanekanu'i.

San Juan 8:14

Ema Jesús majikapawarepa: –Tisuapakare eta juka néchejiriruwana, tayanapane nútijiwa'i néchejisiawa, taicha nímati'i nutupara'aichu'i eta nímeresirawayare. Nímati'iware eta nukaiju'eyare. Étisera wa'i ímati'ini távi'apuka eta násine'i, wá'iware ímati eta nukaiju'eyare.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 2:36

“Tiuri puiti, emutu eti nujaneanana israelítana, nuwara'a ímatiyare ema Jesús émetataru'i, émaira'iware ema Cristo.”

1 Corintios 15:27

Taicha ema Cristo matupara'aichu'i maye'e ema Maiya eta akenukairayare'i, émayare'i téchayare'i tamutu. Taicha ánipa maka'e'i ema Viya eta te Takapika'ukene Ajureka, ema nutuparaka'i téchayare'i tamutu.

Hebreo 1:2

Puítisera viti vítareruana'i puiti juka añuana, ema Viya mawaneka'i ema Machicha eta viye'e, títametaka'aviya eta mapanereruana. Ema maka Jesucristo, machicha'i ema Viya. Akane éma'i tépiyaka'i eta apake'e, eta anuma, étapa eta víma'akeneana'i puiti.