San Juan 13:23 - Táurinakene máechejiriruwa’i ema Viya tikaijare

²³ Matiari'isera ema émana nachamuri máemunarupana'i ema Jesús. Makachakaya'i ema eta maejasira'i te mesa.

Ignaciano

²³ Nutiari­hisera nuti nachamuri máemuna­ru­pa­nanuhi ema Jesús. Nucacha­cayahi éma eta véjasirahi te mesa.

San Juan 13:23 Iomraidhean Croise

San Lucas 16:22

Jena sacheana'i títekapapa eta máepenira'i ema paure. Nárajapapa ena ángeleana; náepanapa eta máchanewa, namapa te mávi'a'i ema Abraham. Taka'e, tépenawarepa ema riku, tiúrinaware eta náekarira'i.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 11:3

Taka'e, ena nani apinana esenana tikaparapekakana náimiwanerekapa, –Tata, ema pemunakasare tikajuma'i puiticha.

San Juan 11:36

Taka'e, ena juriyuana naka'epa: –¡Íma'a, tétavikawa'i eta maemunasira'i!

San Juan 11:5

Jé'esare, ema Jesús yátupi'i eta máemunasira'i ema Lázaro, énapa ena esenana maparapenaveana,

San Juan 13:24

Taka'e, ema Simón Pedro tiúmatsiukichanupa eta mayasereka'ini nája'a'ipuka ema máichakene'i ema Jesús.

San Juan 13:25

Tási'a, ema makachakayapa majajaikapa ema Jesús, taka'e mayasereka: –Tata, ¿nája'asika ema pícha'i?

San Juan 19:26

Te máima'apa ema Jesús esu maena, eta te machakaya, tási'a émapa ema máimitureana maemunarukene'i, máichapa esu maena: –Esena, mara'i ema pichicha.

San Juan 20:2

Taka'e tiyanapa tijunapapaipa'i te mavi'a'i ema Simón Pedro, tási'a émapa ema apana máimiture, ema maemunarukene'i muraka ema Jesús, tási'a suichawakapa esu: –¡Námechapa eta ñáke'eni eñi Viákenu te ñekari, waipa vecha távi'a'ipuka nanasi'a'i!

San Juan 21:20

Tási'a, téseniekene'awapa ema Pedro, maima'apa eta mae'iekene'airapa'i ema máemunaru'i ema Jesús, émaichu'i ema tiyasereka'i te mesa taicha mavi'a'i te machakaya: “Tata, ¿naja'asikara ema tíjararekaviyare?”

San Juan 21:24

Yátupikene ema'i ema maka ema máimiture yátupikene'i timecha'aviyre tamutu eta juka makajure'i eta yátupikeneana maima'akeneana'i.

San Juan 21:7

Tási'a, ema máimiture maemunarupana ema Jesús maichapa ema Pedro: –¡Émara ema Tata! Masamineichu'i ema Pedro eta maíchira'i, tikamuiri'awanepa taicha mamuriare'i ema. Tási'a tépu'ekawapa te une, mawaraira'i makapayakawaneyare'i ema.