San Juan 13:1 - Táurinakene máechejiriruwa’i ema Viya tikaijare

¹ Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

Ignaciano

¹ Tiuri, te jena sácheanahi tamira­hu­paipahi eta Pascua, ema Jesús máecharipa táiteca­pau­cha­yarepa eta majuni­ji­si­ra­yarehi eta juca apaquehe. Tiyana­yarepa mayehe ema Maiya. Tétavi­cavahi eta máemuna­si­ra­havihi viti máimitureana.

San Juan 13:1 Iomraidhean Croise

San Mateo 26:45

Taka'e te tichawapa, te návi'a'i ena maimitureana, tási'a maéchejikawakapa: –¿Iápechawaipawa ímaka wícha'apuka enara'akakenéna'ini? Taratapa Jé'esare, puiti títekapapa eta nutupara'a'i nakaratasiranuya ena tikatianakanuana'i ena tikapekaturara'iana.

San Mateo 28:20

tási'a ímitukayarewa eta nasuapiraina, tamutu eta nímiturapiana'i eta eye'e, nuti nukune'eyare tamutu sacheana, tási'a te'epa eta taichekuinepa eta apake'e.

San Lucas 22:53

Étayapasika kape, tamutu'i sácheana nukachane'e'i taye'e eta mapena ema Viya. Wa'iware epatsikawa'ini ekaratakanu'ini. Étisera iúrikapuka eta tamapikuwa'i eta yátimu'u'i eta íchira'i eta tamaurikeneana'i, taicha mawa'aru'e'i ema Wínaraji.

San Lucas 9:51

Te jena sácheana'i tiánene'ipaipa títekapa eta mayanirayare'i ema Jesús te anuma. Tási'a, tíjarakawaicha'a eta mayaniranumayare te Jerusalén.

San Juan 11:55

Taka'e, semanayare eta Pascua, napiestara ena israelítana. Namutu ena achaneana tiávi'ana te apanana awasareana tiyanarakanapa taye'e eta Jerusalén, tisipa'akawanayare'i.

San Juan 12:23

Tási'a, ema Jesús máichawakapa: –Jé'eware puiti, tiáne'ipa eta népeniraya nuti Manerejirunu'i ema Viya. Nápechawayaresera nítareka, apaesa nukunachakareyare eye'e.

San Juan 13:29

Taicha ema Julasi, ema techa'i eta tarera tavi'a'i eta plata, tási'a ena naímijacha'ichucha ema Jesús mawaneka'i mawacharesirayare'i eta tikutikakana'i taye'eyare'i eta piesta, mákaji'iwarepukaini ena páureana eta plata.

San Juan 13:3

Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 13:34

Puiti nunakikayare eta juka Arairu nuwanairipi eta eye'e. Émunakakayare'i etijikaka. Ekutinuyare'i eta némunasira'e'i nuti. Ene eka'eyare eti apanaware.

San Juan 14:28

Tiuri esamanuipa eta nukayemakene eta nuyanirayare, tási'a, étapa eta nuchavirayare eta eye'e. Eta taka'e, te yátupina émunakanu, ewapinawayare'i eta echira'i eta nuyanirayare maye'e ema Tata, taicha ema kachuriakanu'i eta máitupajijiasirawa.

San Juan 14:31

Nuwara'asera náimatiya ena achaneana eta némunasira'i yátupi ema Tata, tási'a, nítauchaparaka'i tamutu eta mawanairipiana. “Échepuka. Viyana viyejekawa eta te juka.

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 17:1

Te títapirikapa ema Jesús eta máechejisira'i, máesenikapa te anuma, ánipa maka'e: “Tata Nukaiyakene, títekapauchanupa puiti eta táitauchirawayare eta pipanereruana. Nuwara'asera nukunachakareni eta piye'e, tákutini eta nukunachiravi'i píti.

San Juan 17:16

Taicha yátupi'i ena waipa taye'eanaina'ini eta juka apake'e, tikutinuanaipa nuti wa'i taye'enuina'ini eta juka apake'e.

San Juan 17:26

Nuti nimimaticha'i eta pijare, nimiyanawasera eta nimimatichiraviyare, apaesa eta pemunasiranu'i nuti ena'apanaware najakapa, tási'a nuti apanaware nawa'akawaka ena.”

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 18:4

Émasera ema Jesús máechaipa eta nakaratasirayare'i, taka'e, makapawakapa ena. Máichawakapa: –¿Nája'a etánuka?

San Juan 19:28

Taka'e, eta máimaira'i ema Jesús eta táitauchirawaipa tamutu eta táechejiriruwana'i eta Takapika'ukene Ajureka, ániware maka'e'i: –Tétavikawa eta numaunewa.

San Juan 2:13

Taka'e, eta jena sácheana'i, tiáne'ipa eta Pascua, napiestara'i ena israelítana. Ema Jesús tiyanapa taye'e eta awasare Jerusalén, enapa ena máimitureana.

San Juan 6:4

Te jena sacheana tiane'ipaipa eta Pascua, napiestara'i ena Israelitana.

San Juan 7:30

Eta nasamira'i ena tuparairukana, nawara'apa nakaratakayare'ini, náeratakayarepaini, wícha'asera máisapa'ini ema Viya eta nakaratasira ema.

San Juan 7:6

Taka'e, ema Jesús máichawakapa: –Wicha'a táitekapauchanu'ini eta nuyanirayare te Jerusalén. Étisera tamutuchucha ura tiuri.

San Juan 8:20

Eta juka eta máechejiriruwana'i ema Jesús eta máimituresira'i taye'e eta mapena ema Viya. Eta máejasine'i te tachakaya eta nanasirareana eta námawa'uana. Nájinasera napatsikawa'ini nakarataka'ini taicha wicha'a máisapawakaima'i ema Viya eta nakaratasiraina'ini ema.

Romanos 8:37

Tétavikawa'i eta máetumechira'avi'i ema Jesucristo táichavene'i eta máemunasira'avi'i.

1 Corintios 1:8

Puiti ema Viya tétumecha'eyare puiti juka vikaiju'eyare eta ítaresiraya apaesa takuija ekuawamira'u te jena sácheyare machaviraya ema Viákenu Jesucristo.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Hebreo 6:11

Nuwara'aware ímiyanawa'ini eta ewapinawairawaka ámutu eti eta ekaemataneasira'i, yátupina ekasiñawa maye'e ema Viákenu, ekuchapaya eta machaviraya.

1 Pedro 1:13

Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.

1 Juan 4:19

Víti vémunaka'i ema Viya taicha ema matiwa'i témunaka'avi.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,