San Juan 12:5 - Táurinakene máechejiriruwa’i ema Viya tikaijare

⁵ –Tája'a takayema wá'iwareyapa takaijararekasi'ini eta juka táijiyeamakene tasiwachakene'i perfume, takutiwacha'i eta etana añu eta vikaematanera, vive'a'ini eta kamurikene plata, tási'a, vímikatasi'a'ini ena páureana.

Ignaciano

⁵ —¿Tájaha tacayema váhivaréyapa tacaija­ra­re­ca­sihini eta juca tasiva­cha­quenehi perfumeama? Vivehahini eta camuriquene plata, tásiha, vímica­ta­si­hahini ena páureana —macahepa.

San Juan 12:5 Iomraidhean Croise

San Mateo 18:28

“Wícha'asera táyere'ini eta máuchusira'i, mákapajikapa ema apana achane tikanteve'i eta maye'e. Machamusuwa, wá'ineni kamurina'ini eta manteve'i, makaratakapa, macobrachapa. Masemarakapa makapitinukapa máichapa: ‘¡Piwachachanu puíti'ichu!’

San Mateo 20:2

Te títukawapa ena ajairana, mametakawakapa eta mawachachirayare'i te sache. Mawanekawakapa tiyanana taye'e eta náireresi'ayare'i.

San Lucas 12:33

Íjararekayare eta íma'akeneana, íjarakayare nákani tikamunuwana'i. Máima'ainepa ema Viya, tíjaraka'eyare eta táitsiwayare ánaki te anuma, máitawakakainapa eta ekaima'akeneraya. Wá'iware táeñamawakare, taicha nájinapa tiámeyecha'ema'i, tajinaware kachusirina.

San Lucas 18:22

Te masamapa eta juka ema Jesús májikapapa: –Jukari'icha'a eta pítauchakeneyare: piyana píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Lucas 6:41

“¿Taja'a takayema pikune eta ánichichakeneana máejekapirawan'i ema piparape, tási'a piti wa'i pipanerecha eta táichapewa eta péjekapirawana?

San Juan 12:4

Taka'e, matiari'i ema Julasi. Ema maka émarichu tíjararekayare'i ema Jesús, maka'epa:

San Juan 12:6

Ema maka Júlasi, wa'i étaina'ini eta majapanuiraina'ini ena páureana. Étachuchaneni mawaraira'i mayumuruka eta plata, taicha ema tiámera'i'i. Títekapa émaichu'iware tiúnarekara'i eta plata.

San Juan 13:29

Taicha ema Julasi, ema techa'i eta tarera tavi'a'i eta plata, tási'a ena naímijacha'ichucha ema Jesús mawaneka'i mawacharesirayare'i eta tikutikakana'i taye'eyare'i eta piesta, mákaji'iwarepukaini ena páureana eta plata.

San Juan 6:7

Ema Felipe majikapapa: –Takamunu'i wákaye'e'ini eta kamuri plata, apaesa namutupaini vénika'ini.