San Juan 12:17 - Táurinakene máechejiriruwa’i ema Viya tikaijare

¹⁷ Tiuri puiti, ena apamuriana achaneana tímararakanaipa ema Jesús eta makaechepusira'i ema Lázaro te máekari, náechajisi'aipa'i ena eta náima'akene'i.

Ignaciano

¹⁷ Tiuri puiti, ena apamuriana achaneana tímara­ra­ca­naripa ema Jesús eta macaeche­pu­sirahi ema Lázaro te máecari, náechaji­si­haipahi éna eta náimaha­quenehi.

San Juan 12:17 Iomraidhean Croise

San Juan 1:19

Etara eta juka mametarapi'i ema Juan, naye'e ena tuparairukana tikawasana'i te Jerusalén, te nawanekapa ena náewanachana, nayanaucha ema Juan. Eta nayaserepana, najá'a'ipuka ema.

San Juan 1:32

Ema Juan maimereuchawarepa: “Níma'apa ema Machanewa Viya eta máukupaisira'i te anuma, takutipaine eta paluma, masiapa'akapa ema Jesús.

San Juan 1:34

Puiti nímatipa ema. Táitusiawa numetaka'e puiti eta émaira'i ema Machicha ema Viya.”

San Juan 11:31

Eta náimaira'i ena suchimarana eta suéchepusira'i súchusira'i esu María, tiyananapa náe'iekene'a'i. Náimijacha'i ena tiyanayare'i esu te máekari ema suparapeini, tíya'apanayare'i.

San Juan 11:42

Wá'ikene péñauchanu eta jákani nuyasearuviana. Puiti nuyaseakavi eta pítupaijiásirawa, apaesa náima'a ena nani achaneana natiari'ikeneana'i, apaesa nakunachavi. Náechaware eta pítira'i piwanekanu.

San Juan 12:9

Taka'e, kamuriana ena tisamairikana'i eta matiari'ira'i ema Jesús te Betania. Tiyananapa náima'apanayare'i. Éneichuware náima'apanayare'iwa ema Lázaro, ema máechepure'i te máekari.

San Juan 19:35

Nuti Juan nájuekene'a'i tamutu eta juka, níma'akeneana'i. Nuwara'a nítametaka'e tamutu. Yátupi'iware eta numetasira'e'i, taicha nuwara'a esuapa'ini eti apanaware.

San Juan 21:24

Yátupikene ema'i ema maka ema máimiture yátupikene'i timecha'aviyre tamutu eta juka makajure'i eta yátupikeneana maima'akeneana'i.

Hechos 1:22

ena tikachane'aviana'i te tikaikachasinapa ema Jesús me Juan, wa'i najunijika'avi'ini, natiari'ikene'i te tiyapapa ema Jesús te anuma. Takamunupa emanaina masiapa vichamurina, apaesa maimikataka'avi eta véchejisi'aira eta maechepusira'i ema Jesús.”

Hechos 5:32

Víti vitametaka'i eta juka taicha víma'akene'i eta mápechirawa'i títareka. Víti véchejisi'a'i maicha ema Machanewa Viya máijararu'avi'i ema Viya viye'e viti visuapana ema.

Apocalipsis 1:2

Takuti eta yátupi'i nukametarairuira'i eta máechejiriruwana ema Viya, étaichu'i eta máimiturapiana ema Jesucristo, puiti nutupiruwa numetaka'e eta juka numetakasiwana'i.