San Juan 11:47 - Táurinakene máechejiriruwa’i ema Viya tikaijare

⁴⁷ Taka'e, ena tuparairukana náimichu'apa namutu ena juéseana, tikurujikakanapa. Naka'epa: –¿Tája'a vícharakawayare, tátanaveana? Ema maena achane, tétavikawa'i eta máitupaijiasirawa'i máicha'i eta tiáramikareana.

Ignaciano

⁴⁷ Tacahe, ena tuparai­rucana náimichuhapa namutu ena juéseana, ticuru­ji­ca­canapa. Tásiha, nacahepa: —¿Tájaha víchara­ca­vayare, tátanaveana? Ema maena achane Jesús, tétavi­cavahi eta máitupa­jijiási­ravahi máichahi eta tiárami­careana.

San Juan 11:47 Iomraidhean Croise

San Mateo 26:3

Te jena sacheana'i, tiurujikawanapa ena tachutiri'ana naye'e ena tiyujarakara'iana, énapa ena viyakara'ana naye'e ena juriyuana, te maye'e palacio ema Caifás, ema nákenumuri ena tiyujarakara'iana.

San Mateo 5:22

Nútisera numetaka'e, mákani tisema'i maye'e ema maparape, éneichuware tikaikuñayare. Mákani tiúme'a'i ema maparape, tikayasere'iyare te namira'u nákani tuparairukana'i, takutikene mákani tikaeka'i'i ema maparape, máwaku'aipa'i eta ekuñaraki taye'e eta yuku.

Marcos 14:1

Apinaine'i sache eta piesta tikaijare Pascua, eta táepanawaira eta nanisira'i eta pan maye'ere levadura. Ena tachutiri'ana naye'eana ena tiyujarakara'iana, tási'a énapa ena escriwánuana, natanuka'i eta náicharakayare eta nakaratasirayare ema Jesús, nawara'a'i nawayuakayare'i eta nakaratasira, tási'a étapa eta nakapasirayare'i.

San Lucas 22:2

Ena tachutiri'ana naye'eana ena tiyujarakara'iana, tási'a énapa ena escriwánuana, napika'isera ena achaneana, natanuka'i eta náimikapasirayare'i ema Jesús.

San Juan 11:57

Enaipa ena tuparairukana tiwanerekanapa ena tikuneanayare ema Jesús. Te matiari'inapuka, nametapanayarepa ena tuparairukana. Tási'a, ena náimikaratakayarepa.

San Juan 12:19

Tási'a, eta náimaira'i ena fariséuana eta kamurianaira'i ena tiákapana'i, náichakakapa: –Wá'ichara víturukaima'i. Íma'a, ¡tétavikawa'i eta nasimutuwa'i ena té'ikana'i ema!

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 6:2

Kamuriana ena achaneana té'ikanapa'i ema, taicha eta náimaira'i eta tiáramikareana máichakeneana'i eta makanarasirawaka'i ena nakajumakeneana.

San Juan 7:32

Ena fariséuana nasamaemachapa ena achaneana eta nakunachira'i ema Jesús; tási'a, napanereuchawanepa tikurujikakanapa ena tuparairukana. Náewatakapa ena suntaruana nakaratapanayare'i ema Jesús te mavi'a'i te templo.

San Juan 7:45

Taka'e, ena suntaruana wanairukana'i tichawanapa naye'e ena tiwanekana'i tuparairukana'i. Wa'i náijarakawa'ini nakarataka'ini ema. Taka'e, náichapa ena tuparairukana: –¿Tája'a takayema wa'i iámapa'ini ema?

Hechos 5:21

Náuchusi'apa ena apústuleana te nakaeratairare, timapikuku'icha'a te tiyananapa taye'e eta te templo. Tina'akawanawarepa tímiturekana. Taka'e, te jena yátikara'i ema nakenumuri máimichu'apa namutu ena apamuriana tuparairukana énapa ena náiyakarana israelítana. Te tiúrujikawanapa namutu taye'e eta naurujisirarewa, nakawanairipipa náepana ena apustuleana eta te nakaeratairare.

Hechos 5:24

Te máechapa ema nákenumuri, énapa ena machamuriana tuparairukana, émapa ema nákenumuri ena tasuntarurana eta templo, náramine'i ichape, taka'e, náichakakapa: Tája'a takayema eta juka Waipa vímatiekene'a tája'apuka vícharakawaya.