San Juan 11:43 - Táurinakene máechejiriruwa’i ema Viya tikaijare

⁴³ Te títapirikapa eta mayujarasira'i, tipiaraikapa muraka: –Lázaro, péchepuka eta te jara piávi'a'i. Yare, piúchuka.

Ignaciano

⁴³ Te títapi­ricapa eta mayuja­ra­sirahi, máimara­racapa eta ecari. Tipiaracapa muraca, ánipa macahe: —Lázaro, péchepuca eta te jara piávihahi. Yare, piúchuca —máichapa.

San Juan 11:43 Iomraidhean Croise

Marcos 4:41

Ena tétavikawaine'i eta náramira'i. Tiyaserejirikakanapa: –¿Naja'apuka ema maka, taicha tamutu'i tasuapa'i, makamatinaka'i eta tékatikawa, étapa eta táepakusira'i eta kákiure?

San Juan 11:42

Wá'ikene péñauchanu eta jákani nuyasearuviana. Puiti nuyaseakavi eta pítupaijiásirawa, apaesa náima'a ena nani achaneana natiari'ikeneana'i, apaesa nakunachavi. Náechaware eta pítira'i piwanekanu.

San Juan 11:44

Taka'e, ema máepenakeneni'i tiúchukapa. Mámapaichu'i eta máyuru'ana'i eta liensome, étapa eta máepakamira'i. Tási'a, ema Jesús maichawakapa: –Evejapuaka eta máyuru'ana'i, apaesa mayana te mapena.

San Juan 12:1

Seisirine'i sache eta piéstayare'i eta Pascua. Tichawawarepa ema Jesús taye'e eta awasarechicha Betania, máwasa'i ema Lázaro, ema makaechepure'i te máekari.

San Juan 12:9

Taka'e, kamuriana ena tisamairikana'i eta matiari'ira'i ema Jesús te Betania. Tiyananapa náima'apanayare'i. Éneichuware náima'apanayare'iwa ema Lázaro, ema máechepure'i te máekari.

Hechos 3:12

Taka'e, eta máimaira'i ema Pedro ena achaneana náramira'i eta juka, máichawakapa: “¿Taja'a takayema tátanaveana, nujaneanana israelítana? ¿Iárami'i eti eta juka víchira'i víti, ímijachapa vítijiwa'i vikanaraka ema maka achane masarini?

Hechos 3:6

Tási'a, ema Pedro máichapa: –Tájina nakaye'e eta plata uruinapukaini níjarakavi'ini, juka'isera eta juka nukaye'ekene nijarakaviyare: nukanarakaviyare táichavene eta máitupajijisiarawa ema Jesucristo ema Nazareno, nuwanekavi, péchepuka, pipaika.

Hechos 9:34

Ema Pedro máichapa: –Eneas, ema Jesucristo tikanarakaviya. Péchepukapa pive'apa eta piyereruwa. Ema Eneas enewanepa téchepuka.

Hechos 9:40

Ema Pedro makawanairipipa náuchuka namutu. Taka'e, tépuyukapa ema, tiyujarakapa. Tasi'a, máimarakaipa esu esena suépenakene, máichapa: –¡Tabitá, péchepuka! Esu téjami'aukichapa. Suíma'apa ema Pedro. Téja'apaikapa.