San Juan 11:41 - Táurinakene máechejiriruwa’i ema Viya tikaijare

⁴¹ Nakaerajikapa eta márime. Tási'a, ema Jesús máesenikapa te anuma, tiyujarakanumapa: –Tata, nu'asulupayachavi eta pisamiranu'i.

Ignaciano

⁴¹ Tacahe, nacaera­jicapa eta márime. Tásiha, ema Jesús máesenicapa te anuma, tiyuja­ra­ca­numapa: —Tata, nuhasu­lu­pa­yachavi eta pisami­ranuhi.

San Juan 11:41 Iomraidhean Croise

San Mateo 11:25

Te akaneni taepaninewaini, ema Jesús ánipa maka'e: “Tata Nukaiyakene, tétavikawa eta nukunachiravi, jé'eware píti tákenuvi'i eta anuma étapa te juka apake'e. Títauchawaipa eta pipanereru'i, wa'i písapa'ini náituka'ini eta júkana ena achaneana tímijachawana'i téchemara'iana.

San Mateo 11:26

Eta Tata Nukaiyakene taicha eta tapiwara'akene'i.”

San Mateo 27:60

tási'a manakapa te máekari, arairuicha'a'i eta máemepiyaresira'i eta ekari, maye'erichu'i ema José. Te tamutupa maji'achapa eta tajitakarekene márime, te máitauchapa, tiyananapa.

Marcos 15:46

Taka'e, ema José, mámapa eta tiúrina sáwana mawachareru'i. Tási'a, makukupaikapa eta máke'e ema Jesús, náyuruakapa taye'e eta tijapukene sáwana, náiyaraku'apa taye'e eta máekari eta te mari nasekajueru'i. Tási'a, naji'achapa te tapaja eta máekari.

San Lucas 10:21

Te taepaninewaini, ema Jesús eta máurisamurewa'i maicha ema Machanewa Viya. Tási'a, maka'epa: “Tata Nukaiyakene, tétavikawa eta nukunachiravi, jé'eware píti tákenuvi'i eta anuma étapa te juka apake'e. Títauchawaipa eta pipanereru'i. Wa'i písapa'ini náituka'ini eta júkana ena achaneana tímijachawana'i téchemara'iana. Eta tata Nukaiyakene taicha eta tapiwara'akene'i.

San Lucas 18:13

Émasera ema apana achane wa'i máemeña'awa'ini. Tiyere'ichucha eta máeñauchirawa'i. Wá'iware mapatsikawa'ini máesenika'ini te anuma, té'atupachawa'isera eta máeñeuchirawa'i, ánipa maka'e: ‘¡Tata, nukatisamurewa ichape eta nukapekaturaira'i piye'e. Pájapanunusera piperdonachanu eta nupekaturana!’

San Lucas 24:2

Te títekapanapa, náima'apa eta mari tájinaipa'i te tapajakura eta máekari,

San Juan 11:22

Wá'isera néñamawa, taicha necha'i puiti eñi Viya tijarakaviyare'i tamutu eta piyasearuya.

San Juan 17:1

Te títapirikapa ema Jesús eta máechejisira'i, máesenikapa te anuma, ánipa maka'e: “Tata Nukaiyakene, títekapauchanupa puiti eta táitauchirawayare eta pipanereruana. Nuwara'asera nukunachakareni eta piye'e, tákutini eta nukunachiravi'i píti.

San Juan 20:1

Te jena sache lumínkukene'i, tiyanapa esu María Magdalena taye'e eta máekari. Timapikuicha'a'i te suítekapauchapa eta ekari, suíma'apa, tájinaipa'i eta mari taji'aini'i eta tapajakura eta ekari.

Hechos 7:55

Émasera ema Esteban wa'i mapikarakawaka'ini taicha máwa'aru'i ema Machanewa Viya, máesenikapa te anuma, máima'aine eta majaraiwa ema Viya, émapa ema Jesús titupi'a'i te waure tinapaika'i eta majaraiwa ema Viya.

Filipenses 4:6

Wa'i ekueñamawa, te tatiari'inapapuka eta íchawa, ekasiñawasera eta eyaseasira ema Viya te eyujarasirana. E'asulupayachaware taye'e jákani máijararu'eana'i.