San Juan 11:25 - Táurinakene máechejiriruwa’i ema Viya tikaijare

²⁵ Taka'e ema Jesús máichawarepa: –Jé'eware nuti, nukaitarera'i nákani nukaechepureanaya. Táitusiawa numetakavi, nákani tisuapanuanayare, tayanapanepuka náepena, nukaitarekayaresera núti;

Ignaciano

²⁵ Ema Jesús máichavarepa: —Jéhevare núti, nucaita­rerahi nácani nucaeche­pu­reanaya. Táitusiava numetacavi: Nácani tisuapa­nua­nayare, tayana­pa­nepuca náepena, nucaita­re­ca­ya­resera núti.

San Juan 11:25 Iomraidhean Croise

San Lucas 23:43

Ema Jesús májikapapa: –Numetakaviwane, puiti píti nukachaneviyare te paraíso.

San Juan 1:4

Émaichu'iware tikaitareka'avi'i viti achaneana. Émaichuware tinákapa te viáchanewana eta tamika'u eta vítaresira'i.

San Juan 14:19

Puiti juka sacheanayare, ena achaneana waipa tíma'anuanaima'i. Étisera íma'anuparakaya, taicha nuchawayare'i nítareka. Eti apanaware ítarekayarewa nícha nuti.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 3:36

Eta taka'e, nákani tikasiñanayare ema Machicha, maichekuarakireya eta náitaresira. Namutusera ena makasiñara'ana'i ema Machicha ema Viya, wa'i títarekanaima'i, taicha tanasi'i eta naviurewana táichavene'i eta napekaturana'i, tikaikuñanayare'i máitawakakayare.”

San Juan 5:21

Ema Tata marata'a makaechepuka ena náepenakeneana, máimichawayare'i makaitarekawakaya. Éneichuwa nuti Machicha, nurata'aware nukaitareka nákani nuwara'akeneanaya, níjaraka eta náitaresiraya.

San Juan 5:26

Taicha ema Tata namutu'i marata'a makaitareka. Ene taka'e eta máijarasiranu'i nuti Machicha eta namutuyarewa nurata'a nukaitarekawaka.

San Juan 6:35

Ema Jesús máichawarepa: –Nútira eta pan nukaitareka'eyare'i. Eta taka'e, nákani tisuapanuanayare, waipa tiápechawanaima'i téku'ana, wáipaware timauneanaima'i.

San Juan 6:44

Nájina tipauchanuima'i nuti, nakarichu nákani máichu'akeneana'i ema Tata, eta taka'e, ena máichu'akeneanayare'i ema, nukaechepukawakayare nuti te táitekapapa eta sache népanirawakayare nuti.

Hechos 3:15

Tási'a, émapa ímikapaka'i ema tikaitareka'avi'i. Émasera ema Viya makaechepuka'i te máekari. Véchejisi'a'i víti ema taicha víma'akene'i eta mápechirawa'i títareka.

Romanos 4:17

Taicha ema Viya, ánipa maicha ema Abraham: “Puiti nunakaviyare píti nakaiyakeneyare ena achaneana te kamurikene awasareana.” Tási'a, ema Abraham, masuapapa muraka ema Viya, émaichu'i ema Viya tijarakawaka'i eta nachaviraya titarekana ena naepenekeneana, etapa eta makuchusirayare eta arairuana vimaima'akeneana.

Romanos 8:2

Taicha eta máwa'asira'avi'i ema Machanewa ema Viya. Émapa, tikaepa'a'i eta tapamisira'avi'i eta pekatu, étapa eta támaparauchira'avi'i eta visiapiraya te ekuñaraki.

1 Corintios 15:18

Te yátupinapuka wa'i tisuapakare'i eta júkana, tímikutijirikawaipa témitiekeneanaipa ena náepenakeneana'i té'ikana'i ema Cristo te achaneanaicha'a'i.

1 Corintios 15:29

Tiuri puiti, narari'i ena apamuriana tikaikachasiana'i náitsiwa'i ena náepenakeneanaipa, namawaraira'i náemitiekene'a'ini taye'e eta náechepusirayare. Ena nani, muraka'i eta nasuapira'i eta yátupira'i eta náechepusirayare ena náepenakeneanaini.

2 Corintios 4:14

Taicha vécha'i eta makaechepusira'aviyare'i ema Viya, vikutiyare'i eta makaechepusira'i ema Machicha Jesús te máekari. Tási'a, étamuri'avinapa, eti apanaware, eta vímeresirawayare te mamira'u ema.

Filipenses 1:23

Nuwara'aipanéni níja'uchawa'ini népena'ini apaesa nunarakapaini te machakaya ema Cristo, eta juka tiúripana'i eta nímaira'i, wá'isera nímatiekene'a tája'apuka eta né'iruyare.

Filipenses 3:10

Nuwara'a'i nuti tajurukachucha eta nímatirayare'i ema Cristo. Nuwara'aware nukapayayaraka'iwareni eta makatajiwaira'i. Étapa eta népenira, nuwara'aware táurichawakayare ena nuchamuriana, tákuti'ini eta táurichira'avi'i eta máepenira'i ema Jesús,

1 Tesalonicenses 4:14

Víti visuapa'i eta máechepusira'i te maekari ema Jesús te táekenepa eta máepenira'i. Tási'a, visuapa'iware eta makaechepusira'aviya ema Viya te vépenapa, vikáchanenapa ema Jesús viti vé'ikana'i ema.

Apocalipsis 1:18

taka'e nutiari'i nitareka'i, taicha nuchawa'i nítareka te táekenepa eta nakapasiranu'i. Puitisera nuchawapa nechepuka máichekuarakirenapa eta nítaresira. Núti'ichuware necha'i eta tasiaparaku'i eta mawasa ema Tata, enapa ena naepenakeneana. Nukaechepukayare eta náke'eana ena náepenakeneana nákani níchu'akeneanayare.

Apocalipsis 20:5

Énasera ena apamuriana náepenakeneanapa masuapajiraira'anaini'i, wicha'a téchepukanaima'i. Tiámainukawa te táekenenapa eta mil añu, napaenumawainapa téchepukanayare.

Apocalipsis 21:4

Taka'e, ema Viya makamitiasina'eyare eta íyairana, wáipaware épenaima'i, wáipaware ekatisamurewaima'i, tájinapa tikaiyaka'ema'i, wáipaware ekatajiwaima'i taicha tájinapa tiviucha'ema'i.”

Apocalipsis 22:1

Ema ángele tímechanuwarepa eta tapachinakene kajakure, tétavikawa'i eta takaitarekaraiwa'i eta ta'unera. Takutiyaréni eta cristale eta tajararaesira. Eta táuchusi'a'i eta maye'e trono ema Viya, émapa ema Cordero.

Apocalipsis 22:17

Ema Machanewa Viya énapa ena té'ikana'i ema Cordero, tíchuarekana, naka'e'i: “¡Yare!” Tási'a nákani tisamanaya naka'e: “¡Yare!” Énapa nákani timauneanayare, náiteka apaesa náera eta une tikaitarera'i, tájina wa'i nawacharekaima'i.