San Juan 11:19 - Táurinakene máechejiriruwa’i ema Viya tikaijare

¹⁹ kamuriana'isera ena achaneana te napena ena maparapenaveana, esu Marta ésupa esu María. Nakamitisiripana'i apaesa wa'i nakuiya'arakawa'ini ena apinana, eta maepenira'i ema naparape.

Ignaciano

¹⁹ Camuria­na­hi­cha­hasera ena achaneana te napena ena mapara­pe­naveana, esu Marta ésupa esu María. Nacami­ti­si­ri­panahi apaesa vahi nacuiya­ha­ra­cavaicha ena apinana.

San Juan 11:19 Iomraidhean Croise

San Lucas 10:39

Esu Marta sutiari'i'i esu suparape tikaijaru'i María, taka'e, esu María téjakapa te máiwapechakaya ema Jesús. Susamararakaipa eta máimiturapiana.

San Lucas 10:42

Esu suka María tétupikawa'i eta supanereru. Nájina tiverejikaima'i eta suwara'akene'i.

San Juan 1:19

Etara eta juka mametarapi'i ema Juan, naye'e ena tuparairukana tikawasana'i te Jerusalén, te nawanekapa ena náewanachana, nayanaucha ema Juan. Eta nayaserepana, najá'a'ipuka ema.

San Juan 11:1

Matiari'i ema achane tikaijare Lázaro, ema, máemunakasare'i ema Jesús. Tikawasa'i taye'e eta awasarechicha tikaijare Betania, náwasa'iware ena maparapenaveana, esu María ésupa esu Marta. Te jena sácheana, tikajuma'i muraka ema achane.

San Juan 11:31

Eta náimaira'i ena suchimarana eta suéchepusira'i súchusira'i esu María, tiyananapa náe'iekene'a'i. Náimijacha'i ena tiyanayare'i esu te máekari ema suparapeini, tíya'apanayare'i.

San Juan 11:33

Taka'e ema Jesús eta maimaira'i esu María eta suiyaira'i enapa ena juriyuana te'ikanapa'i esu, tikatisamurewapa ema apanaware,

San Juan 11:36

Taka'e, ena juriyuana naka'epa: –¡Íma'a, tétavikawa'i eta maemunasira'i!

San Juan 11:45

Taka'e, ena suchimarana'i esu María, eta náimaira'i eta juka máichakene'i ema Jesús, kamurianaine'i ena tisuapana'i ema.

San Juan 11:8

Ena maimitureana naichapa: –Tata maestro, kapeicha'a ena tikatianakaviana'i nawara'a'i tikapakaviana te marija'i, ¿tási'a, puiti piwara'aicha'a piyanayare ánaki naye'e?

Romanos 12:15

Te tatiari'inapuka jákani tiúrisamurekare naye'e nákani, eti apanawa iúrisamureyarewa. Té'esera te tatiari'inapuka eta tikatisamurekare'i naye'e nákani, ejapanuwakayare ena, íya'ayarewa eti apana.

2 Corintios 1:4

Puiti ema, tikurisamurereka'avi'i taye'e tamutu eta viátajiwana, apaesa virata'a'iwaréni víti apanawa vikurisamurechawaka nákani tikatajiwana'iware, takuti'i eta makurisamurechira'avi'i víti ema Viya.

1 Tesalonicenses 4:18

Eta taka'e, imitatajirikakayare naye'e ena echamuriana tamutu eta juka vímiturapiana'i.

1 Tesalonicenses 5:11

Eta taka'e, étumechakaka, ékatiakaka, nuti nukasiñawa'i eta eye'e eta íchirapaipa puiti eta juka.