San Juan 11:11 - Táurinakene máechejiriruwa’i ema Viya tikaijare

¹¹ Taka'e, te táekenepa, maka'ewarepa: –Ema vémunakasare Lázaro máena'i tímaka'i, nuyanayaresera nukajamipanayare.

Ignaciano

¹¹ Tacahe, te táequenepa, macahe­varepa: —Ema vémuna­casare Lázaro máenahi tímacahi. Nuyana­ya­resera nucaja­mi­pa­nayare.

San Juan 11:11 Iomraidhean Croise

San Mateo 27:52

Étaipa eta ekariana téjiakawakapa. Téchepukanawarepa ena náepenakeneana ena tisuapajira'iana'i maye'e ema Viya.

San Mateo 9:24

máichawakapa: –Iúchuka eta te juka, esu suka amaperu wa'i suépena'ini tímakaichucha. Ena achaneana nakaeka'ichucha ema Jesús,

Marcos 5:39

siapapa ema, tási'a máichawakapa: –¿Tája'a takayema eta íya'arakawa'i? Esu suka amaperu wa'i suépena'ini tímakaichucha.

San Juan 11:10

nákanisera tipaikana'i te yátimu'u, tikayuteterejianayare'i taicha wa'i náimairirika'ini, taicha nakamunu'i eta tijara'i.

San Juan 11:12

Ena maimitureana naichapa: –Tata, te tímaka'ipuka ema, étapa táikutiara'i eta matiwareraya tinarakainapa.

San Juan 11:13

Etasera ema Jesús eta maka'era'i taicha tepenaipa'i ema Lazaro, enasera maimitureana naimijachaichucha yátupi'i tímaka.

San Juan 11:3

Taka'e, ena nani apinana esenana tikaparapekakana náimiwanerekapa, –Tata, ema pemunakasare tikajuma'i puiticha.

San Juan 3:29

Nuti nímikutijirisina'e te natiari'i ena araimana'i, namutu ena nakaichu'asikeneana tiúrisamureana'i eta náimaira'i ena araimana. Nakunacha'i ema arayena, ene nuka'e'i nuti eta núrisamurewa'i eta nímaira'i puiti eta nakunachira'i ema Jesús.

Hechos 7:60

Eta mákipaisirawa'i, tépuyukapa tipiarakapa muraka. Ánipa maka'e: “¡Tata, wa'i pikuikuñakawaka ena nani eta juka náichiranu'i napekatura'i!” Te títapirikapa eta mayujarasira'i, tépenapa.

1 Corintios 15:18

Te yátupinapuka wa'i tisuapakare'i eta júkana, tímikutijirikawaipa témitiekeneanaipa ena náepenakeneana'i té'ikana'i ema Cristo te achaneanaicha'a'i.

1 Corintios 15:34

Tátupiruwapa táuri eta ítaresiraina eti, wáipaware ekukicha eta pekatuana. Taicha narari'i ena wícha'a náimati'ini ema Viya te emuri. Titsiri'akareipa'i eta nakasirikira'e'i eti machanerakeneana'i ema Viya.

1 Corintios 15:51

Éneichuware nuwara'a níminekapaekene'a'eyare eta juka tayumururewaini'i: Wa'i wámutuima'i vépenayare viti vítareruanaicha'a, tikaitsiwayaresera eta viáke'e, víti énapa ena náepenakeneanaripa'i

Efesios 5:14

Eta emíkauchirawaka ena, takuti eta táechejiriruwa eta jirasare, ani taka'e: “Péjamiuchawaichu eta pímakakarasirawa'i; péchepuka pímikutijirikawa'ini pépenakenena'ini, taicha eta pekatu, emasera Cristo timikauchaviya.”

1 Tesalonicenses 5:10

Ema Jesucristo tépena'i te crusu vítivene'i, tayanapane vitarekacha'apuka te'epukasera vepenaipapuka, etasera vitareka'ini te machakaya ema Viya.

Santiago 2:23

Taicha eta táechejiriruwa'i eta Takapika'ukene Ajureka, ani taka'e'i: “Ema Abraham masuapa'i ema Viya, taka'e ema Viya tétavikawaine'i eta majakapaira'i ema eta mauriwa'i.” Taka'e ema Abraham tetavikawa'i eta maemunasira'i ema Viya.