San Juan 10:25 - Táurinakene máechejiriruwa’i ema Viya tikaijare

²⁵ Ema Jesús majikapawakapa: –Kápachi numetaka'eipa'i, wícha'akaru esuapanu. Eta juka níchakeneana'i íma'akeneana'i tási'akeneana'i me Tata, etaipara tímereuchanu'i;

Ignaciano

²⁵ Ema Jesús majica­pa­vacapa: —Cápachi numeta­ca­he­ripahi. Vuíchahacaru esuapanu. Eta juca níchaque­neanahi ímaha­que­neanahi tásiha­que­neanahi me Tata, étaripara tímereu­chanuhi.

San Juan 10:25 Iomraidhean Croise

San Juan 10:32

Emasera ema Jesús máichawakapasera: –Ichapemuri'i eta níchira'i eta táurikeneana íma'akeneana'i, máijararuana'i ema Tata. ¿Étaserapuka tiviuchanu'i eta ewaraira'i etúpisikanu te márija'i?

San Juan 10:37

Etasera te wa'i nítaucha nuti eta mawanairipiana ema Tata, tiwanekanu'i, taurikapa waipa ekusuapanu.

San Juan 10:38

Etasera te nitaucha'i eta mawanairipiana, tayanapane wa'i ekusuapanu nuti, étapaseraini esuapa'ini eta tiáramikareana níchakeneana'i, apaesa enewanepa echa tamutu, taicha ema Tata tiawa'akanu'i éneichuware nuti nawa'asira'i ema Tata.

San Juan 11:47

Taka'e, ena tuparairukana náimichu'apa namutu ena juéseana, tikurujikakanapa. Naka'epa: –¿Tája'a vícharakawayare, tátanaveana? Ema maena achane, tétavikawa'i eta máitupaijiasirawa'i máicha'i eta tiáramikareana.

San Juan 12:37

Ichapemuri'i eta náimaira'i ena tikawasana'i eta tiáramikareana máichakeneana'i ema Jesús, wá'ikenesera nasuapa'ini ena;

San Juan 14:11

Esuapanu eta náwa'asira'i nuti ema Tata, étapa eta máwa'asiranu'iware ema. Te vuícha'apuka esuapanu'ini eta numetarapi, étawanerekainasera esuapa eta tiáramikareana'i níchakeneana'i.

San Juan 20:30

Jukaicha'aware eta apamuriana tiáramikareana máichakeneana'i ema Jesús, eta naima'akeneana'i ena máimitureana, wáipasera tamutu'ini takaju'ini te juka libro.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 7:31

Kamuriana'isera ena tisuapana'i ema. Tási'a, naka'epa: –¡Taicha najina makuti eta máichira'i eta tiáramikareana ema maka achane!

San Juan 8:12

Te táekenepa eta juka, tépanawawarepa tímitureka ema Jesús. Máichawakapa ena achaneana: –Nútira numikaucha'e'i eti achaneana te juka apake'e, eta taka'e, nákani té'ikanuanayare, wa'i téjekapawanaima'i. Taicha eta nímiturapiana, étapa timíkauchawaka'i. Tási'a, nakatichainapa eta timapiku, waipa napauchaima'i.

San Juan 8:24

Eta taka'e, numetaka'enuma'i eta tanasinapa eta epekaturana te épenapa. Taicha te wa'i esuapanu'ini eta nútikenera'i ema ekuchapakene'i, tanasiyare eta epekaturana te épena.

San Juan 8:56

Ema Abraham ema iáchukaini, tétavikawa eta máurisamurewa'i eta máimatiranu'i nuti.

San Juan 8:58

Ema Jesús majikapaware: –Nutupiruwa numetaka'e: Májinaicha'a'i ema Abraham, nunasikeneipa'i nuti.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Hebreo 2:3

¿Vicharakawayare eta viuchukuirayare viti, te wa'i vikusuapa eta ichapekene maechejiriruwa eta tikuchuku'a'aviyare? Émaichu'i ema Tata ema tinapuka'i eta timetaka'avi'i eta juka vuichukuirayare'i, tási'a ena tisamana'i eta juka vuichukuirayare'i enapa timisama'aviana'i viti eta yátupikenera'i.