San Juan 10:18 - Táurinakene máechejiriruwa’i ema Viya tikaijare

¹⁸ Nájinaneni napamikanu'ini eta nísapirawaya tikapakanuana. Níjararuwa'i nuti eta nakapasiranuya. Taicha nutupara'aichu'i me Tata nuti néchinawayare'i.”

Ignaciano

¹⁸ Nájinanéni napami­ca­nuhini eta nísapi­ravaya ticapa­canuana. Níjara­ruvahi núti eta nacapa­si­ranuya. Taicha nutupa­ra­haichuhi me Tata núti néchina­va­yarehi. Níjara­ru­vayare. Tásiha, nuchava­yareva nítareca —máichavacapa.

San Juan 10:18 Iomraidhean Croise

San Juan 10:11

Nuti yátupikene'i eta nujaneasirawaka'i ena nuchanerana, takuti'i eta majaneasirawaka'i mákani achane eta maye'eana uvesa. Nuti níjarareka eta nítaresira eta nukatiuchirawaka'i.

San Juan 10:15

Éneichuware taka'e'i eta nímatirawaka'i ena nuchanerana. Ena tímatinuana'iware. Eta néñamairawaka'i, nuti nímijararekawa'i eta nítaresira náichavene'i ena.

San Juan 10:17

Ema Tata, yátupi'i eta máemunasiranu, taicha nímijarareka'i eta nítaresira náichavene'i ena nuchanerana. Nuchawayaresera nítareka.

San Juan 14:31

Nuwara'asera náimatiya ena achaneana eta némunasira'i yátupi ema Tata, tási'a, nítauchaparaka'i tamutu eta mawanairipiana. “Échepuka. Viyana viyejekawa eta te juka.

San Juan 15:10

Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

San Juan 19:11

Taka'e ema Jesús májikapapa: –Wa'i pirata'aima'i pítijiwa pémetatarekanu. Émasera ema Tata tituparakavi'i, mawaraira'i títauchawa eta mawara'akeneana'i. Eta taka'e, ichape eta mapekatura ema tíjararekanu'i eta piye'e. Píti wá'ipanaichu'i eta pipekatura.

San Juan 5:26

Taicha ema Tata namutu'i marata'a makaitareka. Ene taka'e eta máijarasiranu'i nuti Machicha eta namutuyarewa nurata'a nukaitarekawaka.

San Juan 5:30

“Nuti wa'i nútijirikawaima'i níkuñareka. Nukuchapayare'i eta mawanairipi ema Tata, ema tiwanekanu'i. Taka'e, te níkuñareka, wa'i numapachichijikaima'i, tatupiruwayare'i nícha. Taicha taka'e'i eta mawara'akene'i ema Tata.

San Juan 6:38

Taicha nuti eta núkupaisira'i te anuma, wa'i nutijiriruwaina'ini nícha'ini eta nuwara'akeneana nuti, eta tímitekanu'i nítauchayare'i eta mawanairipiana ema Tata, eta mawánesiranu'i.

Hechos 2:24

Émasera ema Viya makaechepuka'i ema Machicha, makaitareka'i taye'e eta máepenira'i, taicha wa'i máwara'a'ini mánasi'ini máepena'ini.

Hechos 2:32

Puíticha, ema Viya makaechepuka'i ema Jesús, tási'a, viti véchejisi'a'i eta juka víma'akene'i.

Hechos 3:15

Tási'a, émapa ímikapaka'i ema tikaitareka'avi'i. Émasera ema Viya makaechepuka'i te máekari. Véchejisi'a'i víti ema taicha víma'akene'i eta mápechirawa'i títareka.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 2:9

Marari'isera ema Jesús. Tiúkupaika'i ánipi'i te juka apake'e, nakachuriakaipa ena ángeleana eta náitupajijiasirawana. Eta máemunasira'avi'i vimutu viti achaneana, ema Viya máimikapakaicha'aware te crusu vítivene'i. Té'esera te táekenepa, makaejakapa ema Jesús taye'e eta tajara'ikene máwakure'i takapika'ukene, táitsiwa'i eta makatajiwaira'i eta máepenira'i.