San Juan 10:16 - Táurinakene máechejiriruwa’i ema Viya tikaijare

¹⁶ Narari'iware ena apamuriana nuchanerana. Wá'isera ánina nakawasa. Nukurujikawakayaresera, népanayarewa. Tisuapanuanayarewa, etanayaréichuwa eta náumuriwa. Nukarinenapa nuti néchawaka.

Ignaciano

¹⁶ Narari­hivare ena apamuriana nuchanerana. Váhisera ánina nacavasa. Nucuru­ji­ca­va­ca­ya­resera, népana­yareva. Tisuapa­nua­na­yareva namutu. Étanayaréichupa eta náumuriva. Nucari­nenapa núti néchavaca.

San Juan 10:16 Iomraidhean Croise

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Lucas 15:8

“Taka'e, ¿naja'apukaini esu esena, tikaye'e'i eta diez reale, te témitiyechapuka eta etape, sutanusirayare, suyustakainapa eta sumika'u. Supi'ikainapapuka tamutu te taju'e eta supena sukamesayare'i suichimawa?

San Juan 10:11

Nuti yátupikene'i eta nujaneasirawaka'i ena nuchanerana, takuti'i eta majaneasirawaka'i mákani achane eta maye'eana uvesa. Nuti níjarareka eta nítaresira eta nukatiuchirawaka'i.

San Juan 10:2

Émasera ema pastuleru taye'e eta uvesana, eta masiapirayare'i te nare, matanuka'i eta tapaja.

San Juan 10:27

Eta nuye'eana uvesa tímatia'uchanuana'i eta. Nuti apanaware nímatiwaka'iware. Eta taka'e, té'ikanuana'i.

San Juan 10:3

Émasera ema pástuleru, te yátikara'iana mavejiékene'a'i eta tapaja, máichu'a'i eta táijareana eta uvesana. Eta máichuira'i, tiúchuchujikanapaipa táe'ikapaipa, taicha táimatia'ucha'i.

San Juan 10:4

Ema, máinapumirauchapaipa eta maye'eana uvesa. Táe'imuri'apaipa tamutu eta, taicha táimati'i eta ma'u.

San Juan 10:5

Wáipaine'isera táe'ikaima'i mákani apanakene achane. Tawara'ayare'i tijunarakana, taicha wa'i táimatia'ucha'ini.”

San Juan 11:52

étasera juka máepenirayare'i ema Jesús, mawacharekainapa eta naviurewa'i namutu nákani machaneranayare'i ema Viya, te apánapanenejikeneana awasareana. Wa'i tákarichu'ini eta naviurewana ena israelítana. Taicha te táekenenapa, mawara'a'i makurujimuri'ayare'i, étamurianayare'i namutu ena.

San Juan 17:20

“Wá'iwaresera nakarichu'i ena nuyaseuchawaka'i eta piye'e. Éneichu nuyaseuchawaka ena tisuapanuanayare eta nasamirayare eta naéchejiriruwana ena.

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

Hechos 15:14

Ema Simón Pedro timetaka'avipa te tépanawainapa majakapawakainapa ema Viya ena apawasana machaneranayare'i ema.

Hechos 18:10

Taicha kamuriana ena nuchanerana te juka awasare, nuti nutiari'iya te pichakaya, tájina náicharakavima'i ena piánarana.”

Hechos 22:14

Taka'e, timiyanawapa máichanu'i: ‘Ema Viya nakasiñakene'i ena viáchukanaveanaini, píti manerejiruvi'i, taicha mawara'a'i tímimatichaviya eta mapanereru, éneichuware mawara'apa tímimatichavi ema máurikene Cristo, apaesa pisama eta tasi'akene te majaka eta ma'u.

Romanos 11:25

Nuparapenaveana, nuwara'a numetaka'e eta juka tayumururewaini'i, máimimatichakenenu ema Viya. Eta namurakasamurewa'i ena nujaneanana. Té'esera námutupa nasiapa ena apawasana manerejiruana'i, napaenumawainapa ena nujaneanana náesenikayare ema Viya.

2 Tesalonicenses 2:13

Étisera, nuparapenaveana, máemunaruana'i ema Viya. Víti tatuparaka vi'ásulupayachaparakayare ema Viya íchavene'i eti, taicha manerejiru'e'i ema Viya te tépanawainapa. Táitusiawa, te esamapa eta vimetarairu'i, etupiruwapa ejakapa'i; taicha esamapa eta máichuira'e'i ema Machanewa Viya.

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

1 Pedro 2:10

Kape juka ítaresira'i eti, wa'i ímati'ini ema Viya. Wícha'aware écha'ini eta majapanuira'e'i ema. Puítisera ewapinawa'i eta ímatira'i yátupi eta majapanuira'e'i, taicha machanera'eipa.

1 Pedro 2:25

Eta ítaresiraini'i akane eti, ekuti'i eta uvesa táemitiaru. Puítisera iáwa'akaipa ema Cristo, émapa tijaneaka'e'i, tikatiucha'e'iware eta iáchanewana.

1 Pedro 5:4

Taka'e te machawapa ema yátupikene Pastor eta viye'e, tétavikawaya eta makunachira'eya. Tíjaraka'enapa eta íkuchi'i, máitawakakainapa eta ekachaneraya ema te mávi'a'i eta te majaraiwa'i.

Apocalipsis 3:20

Nuwara'a tachawa eta vikachanerakaka'i. Waipa ekuevuisi'a eta nuye'e. Íchu'anuware. Viápechawa viwapinawa eta véchejirisirawaparakayare.