San Juan 10:12 - Táurinakene máechejiriruwa’i ema Viya tikaijare

¹² Mákanisera tuparairukachucha, wa'i makatiuchaima'i eta uvesa. Te máima'apa eta ichini, tijunayare'i. Wa'i tipatsikawaima'i makatiucha eta uvesa, taicha wa'i maye'ena'ini. Taka'e, eta ichini tikamapurawainapa takasaika eta uvesa. Eta takaitiruana, téjanerepaikanapa.

Ignaciano

¹² Mácanisera tuparai­ru­cachucha, vahi macatiu­chaimahi eta uvesa. Te máimahapa eta tinicarahi sárare, tijuna­yarehi. Vahi tipatsi­ca­vaimahi macatiucha eta uvesa, taicha vahi mayehe­nahini. Tacahe, eta tinicarahi ticama­pu­ra­vainapa tacapa­cayare eta uvesa. Eta tacaitiruana, téjane­re­pai­canapa.

San Juan 10:12 Iomraidhean Croise

San Mateo 10:16

“¡Íma'a! Nuwaneka'e'i, ekuti'i eta uvesana te tamuri eta sárare táiñe'ikene ichini. Échemara'iyaresera ekatiuchirawayare ákuti eta kichare, tasi'asera ekutiyare eta paluma eta tamansuwa'i.

San Mateo 7:15

“Échapawayare taye'e eta náimiturapiana ena tépiya'ira'iana tímijachawana machanerana ema Viya. Tépiyakawanapa'i tiúriana takuti'i eta tamansuwa eta uvesa. Té'esera te nasamureana, tétavikawa'i eta nawínarajiwa, nakuti'i eta ichini.

San Juan 10:13

Ema maka achane wa'i téñamawaima'i taye'e eta uvesa. Étachuchasera makune'i eta mawacha.

San Juan 10:2

Émasera ema pastuleru taye'e eta uvesana, eta masiapirayare'i te nare, matanuka'i eta tapaja.

San Juan 10:3

Émasera ema pástuleru, te yátikara'iana mavejiékene'a'i eta tapaja, máichu'a'i eta táijareana eta uvesana. Eta máichuira'i, tiúchuchujikanapaipa táe'ikapaipa, taicha táimatia'ucha'i.

Hechos 20:29

Taicha nuti necha'i te nuyanapa te juka narajapainapa, nawara'aya tikajanereka'eanaya takutiyare eta ichini kaiturewa, nawarairaina'i nakamitiekene'a ena te'ikana ema Jesús.

1 Timoteo 3:3

mákani wa'i tawayuaruina eta térakare. Wá'isera makue'ara'i. Mákani wa'i takuwayuaka eta plata.

1 Timoteo 3:8

Éneichuware, nákani tikawakureya eta diáconokare, takamunu'i tikapika'uanayare eta náitaresira'i, wa'i apipiemanaima'i eta náechejirisirawana, wá'isera tikawa'arasianaima'i, wá'iware tijamurara'ianaima'i.

2 Timoteo 4:10

Puiti tijunijikanuipa ema Demas, taicha tétavikawa'i majamurachira'i eta mawara'a tikaima'akeneyare te juka apake'e, tiyanapa makaiju'e'i taye'e eta Tesalónica. Émasera ema Crescente, néwataka'i te tinapaika Galacia, éneichuware ema Tito, néwataka'iware te tinapaika te Dalmacia.

Tito 1:7

Taicha takamunu matapirawarena nákani pitupararuanayare; taicha ena, tuparairukanayare maye'e ema Viya. Mákani, tímitukakare'i. Mákani, wa'i tisemarairi'i. Wá'iware tawayuaruina eta térakare kawa'arasi. Wá'iware makutanuka eta semanere, wa'iware makujamuracha eta apaye'e.

1 Pedro 5:2

Tauri eta ejaneasirawakaina namutu ena vichamuriana, taicha ena tímikutijirikawa'i uvesanaina'ini maye'e ema Viya. Ítauchayare eta etuparakasiwa'i. Ema Viya mawara'a'i ewapinawa'ini eta ejaneasirawaka'i. Wá'isera ekupanerecha ekawacha. Ewapinawayaresera eta ekaemataneasirawakaya.

2 Pedro 2:3

Ena nani, tímituka'eanaya eta náimiturapiana náepiya'iraiwana'i, taicha nawara'a'i títukawana tivereaka'eanainapa eti, taicha tétavikawa'i eta najamurarasira'i eta plata, tájinasera náipuinayare, wa'i táevejuakaima'i eta náikuñayare, taicha akanewakaipa eta takaecheraira'i eta náikuñayare.