San Juan 10:10 - Táurinakene máechejiriruwa’i ema Viya tikaijare

¹⁰ “Ema tiámera'i, tímiteka'i ema tiámerekayare, tikaparekayare. Makaejanerepaikayarewa. Nútisera tímitekanu'i níjarakayare eta náitaresiraya, máitawakakayare eta náurikakarewayare nícha.

Ignaciano

¹⁰ Ema tiámerahi, tímitecahi éma tiámere­cayare, ticapa­re­cayare. Macaeja­ne­re­pai­ca­yareva. Nútisera tímite­canuhi níjara­cayare eta náitare­siraya. Máitava­ca­cayare eta náurica­ca­re­vayare nícha.

San Juan 10:10 Iomraidhean Croise

San Mateo 18:10

“Wa'i ekuepuru ena amaperuana. Numetaka'ewane: Narari'i ena ángeleana tijaneakawaka'i, ena tikapika'uana'i te mamira'u ema Viya.

San Mateo 18:11

Taicha nuti Machichanu'i ema Ajaira, eta tímitekanu'i nukuchuku'ayare nákani náemitiaru'i.

San Mateo 20:28

Taicha éneichu'i maka'e'i ema Machicha ema Ajaira, wa'i étaina taímiteka'ini makaitatikasi'ini, émayare'i títati'e eti.

San Mateo 21:13

tási'a máichawakapa: –Taka'e'i eta táechejiriruwa'i eta Takapika'ukene Ajureka: ‘Eta nupena takarichu táikuchi'i eta nayujarasirareya ena achaneana.’ Étisera eti tiámera'iana, ekasiapawapa eta te juka, emaeperajikapa eta takapika'uira'i.

San Mateo 23:13

“¡Páure'esami eti, escriwánuana, tási'a énapa ena fariséuona apimira'e'i!, eti érataka'i eta tapaja te anuma mawasa akenuka ema Viya, apaesa wa'i nakusiapa'ini ena apamuriana. Étina'ipukaini ítujikawa'ini esiapa'ini, wa'iware isapa'ini nasiapa'ini nákani tiwara'ana'i tichana.

Marcos 11:17

Tási'a, máimitukawakapa ena natiari'ikeneana'i, máichawakapa: –Taka'e'i eta táechejiriruwa'i eta Takapika'ukene Ajureka: ‘Eta nupena takarichu táikuchi'i eta nayujarasirareya ena achaneana tiási'ana te tamutu awasareana’, étisera tiámera'iana ekasiapawapa eta juka.

San Lucas 19:10

Taicha eta tímitekanu'i nuti Manerejirunu'i ema Viya. Nutanukawaka'i tási'a nukuchuku'awakayare'i ena naemitiaruana.

San Juan 10:1

Taka'e, ema Jesús maichawakapa: “Nutupiruwa numetaka'e, narari'i ena tiamera'iana, nawara'a'i tikayumurukianayare'i eta nasiapirayare'i te tapena eta uvesana, námechayare'i.

San Juan 10:11

Nuti yátupikene'i eta nujaneasirawaka'i ena nuchanerana, takuti'i eta majaneasirawaka'i mákani achane eta maye'eana uvesa. Nuti níjarareka eta nítaresira eta nukatiuchirawaka'i.

San Juan 12:47

Takutikene nuti, wa'i étaina táimitekanu'ini te juka apake'e eta níkuñaka'e'ini eti achaneana. Eta tímitekanu'i, nukuchuku'a'eyare'i.

San Juan 12:6

Ema maka Júlasi, wa'i étaina'ini eta majapanuiraina'ini ena páureana. Étachuchaneni mawaraira'i mayumuruka eta plata, taicha ema tiámera'i'i. Títekapa émaichu'iware tiúnarekara'i eta plata.

San Juan 3:17

Taicha ema Viya, wa'i táka'e'ini eta mapanereru'i eta mawánesira'i ema Machicha máikuñaka'avi'ini viti achaneana. Étasera eta tímiteka'i ema, tikuchuku'a'aviyare vimutu.

San Juan 5:40

Eti wa'i áwara'a'ini epauchanu'ini, níjaraka'e'ini eta ítaresiraya máitawakakaina'ini.

San Juan 6:33

Puiti ema Tata mawara'a tijaraka'eya eta yátupikene'i tinikakare'i eta tinikakare tiási'a'i te anuma, tikaitarekawakayare'i namutu ena tiavi'ana'i te juka apake'e.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

Romanos 2:21

Eti ewara'a'ipuka ímitureka. Tituparaka'e'isera étiwaya ítaura'iya. Eti, ímitureka'i wa'i nakuamereka ena achaneana; étisera epanerecha'i eta iámeresiraya.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

Hebreo 6:17

Eta taka'e ema Viya, mawara'apa maimerekayare'i nakaechera yatupina ena tijachapanayare eta maunaru'i naikuchi'i taicha ema maijararuwa'i maitaitauchayare'i eta maechejiriruwa, waipaine'i maitsiwachaima'i. Eta taka'e ema tikapawa'i tijarakawa'i eta maitauchirayare'i eta maechejiruruwa.

Hebreo 7:25

Tási'a puiti, makarichu ema marata'a'i tikatiucha'avi'i viti vikasiñana'i ema. Ema, tikaitekapa'avi'iware me Viya. Máitawakakayare'i eta máechejiuchira'avi'i.

2 Pedro 1:11

Tási'a, tétavikawaya eta iúrikakarewaya eta machimapira'eya ema Viákenu Jesucristo te makuchuku'a'epa eta te juka apake'e, mámira'eya eta te máwakureya. Máitawakakaya eta makachanera'aviya vimutu.