San Juan 1:51 - Táurinakene máechejiriruwa’i ema Viya tikaijare

⁵¹ Tási'a, ema Jesús máichawakapa: –Eti íma'ayare eta anuma téjiakayare, énapa ena ángeleana tiúkupauchanuanayare nuti Manerejirunu'i ema Viya.

Ignaciano

⁵¹ Tásiha, ema Jesús máichahavipa vimutu: —Éti ímahayare eta anuma téjiacayare, énapa ena ángeleana tiúcupau­cha­nua­nayare núti Manere­ji­ru­nuhi ema Viya —máichahavipa.

San Juan 1:51 Iomraidhean Croise

San Mateo 25:31

“Te machawapa ema Machicha ema Ajaira, tachayakayapa'i eta majaraiwa, tási'a énapa namutu ena maye'eana ángeleana, tejakainapa te maejasi'ayare takapika'ukene.

San Mateo 26:24

Ema Machicha ema Ajaira, títauchawayare'i maye'e eta táechejiriruwa'i eta Ajureka, ¡páuresamisera ema tíjararekanuyare! Tiúripanaichu'ini wa'i makuchuka'ini te suju'e esu máena.

San Mateo 3:16

Te titawapa eta makaikachasira'i ema Jesús, tiúkupaikapa te une, tási'a, tíja'uchawapa téjiaka eta anuma, máima'apa ema Machanewa Viya tiúkupaikapaipa'i, mawasima'ipaipa eta paluma, tavenesikapa ema Jesús.

San Mateo 4:11

Taka'e, ema Wínaraji térajikawapa, tási'a tiúkupaikanapa ena ángeleana, náechapajirikapa ema Jesús.

San Mateo 8:20

Ema Jesús, majikapawarepa: –Eta chuye tikapenajuereka, eta káyureana éneichuwa tikamakajiana, émasera ema Machicha ema Ajaira tájina maviya'ini manarasi'a'ini.

San Mateo 9:6

Tiuri puiti nímereuchawainapa, ema Machicha ema Ajaira, eta marata'aira'i makaepa'a eta pekatuana te juka apake'e. Taka'e máichapa ema murakaki'a: –Péchepuka, pive'a eta pímakaraji, tási'a piyanapa te pipena.

Marcos 1:10

Te tamutupa eta makaikachasira'i ema Jesús, tiúkupaikapa te une, tási'a, tíja'uchawapa téjiaka eta anuma, máima'apa ema Machanewa Viya tiúkupaikapaipa'i, mawasima'ipaipa eta paluma, tavenesikapa ema Jesús.

Marcos 14:62

Ema Jesús máichapa: –Nuti'ichu'i. Tási'a eti íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

San Lucas 2:13

Tási'a, tíja'uchawapa tímerekawana ena kamurikeneana ángeleana. Najira'i eta majira'u ema Viya te anuma. Ánipa naka'e:

San Lucas 2:9

Tiáramikarepa tímerekawa ema ángele mawaneru'i ema Viya. Jé'esare, tamikauchamurine'i ena janeapairikana. Eta majaraiwa'i ema tiáramekanaine ena.

San Lucas 22:43

[Taka'e, máukupauchapa ema ángele tiási'a'i te anuma, máetumechapanayare'i.

San Lucas 22:69

Étainapasera makaiju'eyare te anuma ema Machicha ema Ajaira, eta maéjasi'ayare te mawaure ema Viya, máitupajijiaruwakene'i.

San Lucas 24:4

Wa'i náimatiekene'a'ini tája'a'ipuka eta máichararakawa'i. Tási'a, náima'apa ena apinana ajairana titupi'ana'i te nachakaya ena. Tijanunukawaka'i eta namuiri'ana.

San Lucas 3:21

Taka'e ema Juan te maikachasikaipa'i namutu ena achaneana, ema Jesús maitekapauchapa mawaraira'i tikaikachasi ema apanaware. Taka'e, te tamutupa eta makaikachasira'i, mayujarasira'i. Tíja'uchawapa tejiaka eta anuma.

San Juan 1:50

Ema Jesús majikapapa: –¿Pisuapanu'i étachuchasera eta juka níchiravi'i eta nímairavi'i te tápeku eta yukuki? Píma'ayarewa eta apana tiáramikareanapana taye'e eta juka.

San Juan 10:1

Taka'e, ema Jesús maichawakapa: “Nutupiruwa numetaka'e, narari'i ena tiamera'iana, nawara'a'i tikayumurukianayare'i eta nasiapirayare'i te tapena eta uvesana, námechayare'i.

San Juan 10:7

Ema Jesús mápechawaka máimitukawaka'i: “Nutupiruwa numetaka'e: Nuti nímikutijirikawa'i tapajakura'i eta tapena eta uvesa te tanarasirare'i eta.

San Juan 13:16

Nutupiruwa numetaka'e, najina emanaina ema nakajurure, nakutinasi'ini ema makenu, tási'a najinaware emanaina ema makaewatakene'i mapajupanawa'ini maye'e ema tewataka'i.

San Juan 13:38

Ema Jesús májikapapa: –¿Jé'esare píjarakawa pépena eta pikatiuchiranuya? Puiti juka yati, te tamira'upaicha'a eta táechejisirayare eta warayu, mapa'eyare eta péñauchirawayare.

San Juan 14:12

Nutupiruwa numetaka'e: Nuyanainapa eta me Tata. Eta taka'e eti yátupi eta esuapiranu'i. Níjaraka'eya eta erata'airaya ekuchuka eta tiáramikareana, ekutinuyare. Jé'esare, eta juka tiápajupanawayare eta takunachakarewa taye'e eta tiáramikareana íchakeneanayare.

San Juan 16:20

Tási'a puiti, nutupiruwa numetaka'e eta íya'airainasamipa eti, ejapanuwairayarewa. Énasera ena apamuriana achaneana, tiúrisamureanainapa ena. Tási'asera te táekenenapa, waipa íya'aima'i. Tétavikawasera eta iúrisamurewainapa eta táitsiwaya.

San Juan 16:23

“Te jena sácheyare, wa'i nútima'i eyaserekanu. Émasera ema Tata eyaserekayare'i ema, tíjaraka'eyare'i tamutu jákani eyasearuanayare te níjare.

San Juan 21:18

Nutupiruwa numetakavi, eta piámaperuwa'i, píti péchinawa'i eta pítaresira'i. Pikamuiri'a'i, piyana'iware te jákani piwara'akeneana'i pikaiju'e, jákanisera añuanayare etasera te ichávikavinapa, apanainapa eta pítaresirayare, apananainapa ena timuriachavianayare, tási'a tiámavianainapa te jákani pimawara'akenéni'i pikaiju'e.

San Juan 3:3

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

San Juan 3:5

Majikapaware ema Jesús: –Puiti nutupiruwa numetakavi mákani achane wa'i tepanawa eta maitaresira, wa'iware tikaikachasi te une, maye'e emapa Machanewa Viya, wa'i títujikawama'i tisiapa te mawasa ema Viya akenuka te anuma.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

San Juan 5:27

Éneichuware tituparakanu'i eta níkuñasirawakayare, taicha yátupikenenu'i manerejirunu'i.

San Juan 6:26

Ema Jesús maichawakapa: –Nutupiruwa numetaka'e: Eti etánukanupa'i táichavene'i eta nénisira'e'i, nésatu'echira'e'i. Wá'isera ákaikutiara'ini eta nímechira'e'i eta tiáramikareana.

San Juan 6:32

Ema Jesús majikapawakapa: –Nutupiruwaware numetaka'e. Ema Moisés, wa'i émaina'ini makukupaika'ini eta tinikakare. Ema Tata, éma'i tikukupaika'i eta yátupiken'i eta tinikakare tiasi'a te anuma.

San Juan 6:47

Nutupiruwa'i numetaka'e, nákani tisuapajira'iana, najachapayare eta máichekuarakirayare eta naitaresira.

San Juan 6:53

Ema Jesús máichawarepa: –Nutupiruwa numetaka'e, te épuru'ipuka enika eta neche ema Machicha ema Ajaira, tási'a te épuru'iwarepuka era eta nítine, wa'i maichekuarakirema'i eta ítaresira.

San Juan 8:34

Ema Jesús máichawarepa: –Nutupiruwa numetaka'e, namutu nákani tíchana'i eta pekatu. Nakuti'i ena wanarakana taicha tétavikawa eta tawayuasirawaka'i.

San Juan 8:51

Nutupiruwa numetaka'e: Nákani tisuapanayare eta numetarapiana, máepenakakanayare ena.

San Juan 8:58

Ema Jesús majikapaware: –Nutupiruwa numetaka'e: Májinaicha'a'i ema Abraham, nunasikeneipa'i nuti.

Hechos 10:11

Maima'apa tejiaka'i eta anuma tási'a máima'aware eta tiúkupaikapa'i eta te mávi'a'i ema, takutiyaréni eta ichape sáwana, tikaitiapusiwakapa'i te tapusime.

Hechos 7:56

Taka'e, ema Esteban máichawakapa ena achaneana natiari'ikeneana'i: –Ésenika te anuke'e, nuti níma'a'i eta anuma téjiaka'i, émapa ema Jesucristo, máena'i titupi'a'i te mawaure ema Maiya.

2 Tesalonicenses 1:7

étisera, tikanaraka'eyare ema Viya eta ekatajiwairana, vikutikakainapa eta vinarasirayare te mamira'u ema Viya, vinarakainapa vimutu, te máitekapapa ema Viákenu Jesús, mápechirawaya títeka, mási'airaya te anuma, te jena sácheyare, mámayarepa'i ena maye'eana ángeleana, tíñe'ianainapaipa máicha, takutinapaipa eta ichapekene yuku eta máukupaisirayare.

2 Tesalonicenses 1:9

Ena nani máe'ikara'ana'i ema Viákenu Jesucristo, tikakijianainapa eta te nakaikuñaire, wá'isera nakamicha'ini náimararaka eta mamira taicha táetaviucha'i eta máiñe'iwa'i etapa eta maitupajijiasirawa.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Hebreo 1:14

Taicha namutu ena ángeleana machanewana'i, mawanarana'i ema Viya, ena, mawaneruana'i tijaneaka'avianayare'i vimutu viti makuchukureanayare ema Jesús

San Judas 1:14

Ema Enoc ema maekenereru, mae'iru ema Adán, maechejikapa ena achaneana maichawapa: “Níma'a'i, ema Tata Viya makachanemuripa'i maverakeneana ena maye'eana ángeleana.

Apocalipsis 19:11

Níma'awarepa eta anuma téjiaka'i, tási'a tiúchukapa eta kawayu tijapu. Eta máijare ema, yátupikene títaura'i, taicha ema, tatupiruwa eta ma'akenukawa'i.

Apocalipsis 4:1

Te táekenepa eta juka, níma'awarepa téjiaka'i eta anuma; nusamawarepa eta ma'u ema, émaichu'i ema tínapuka'i téchejikanu'i. Tirure'ucha eta ma'u. Tíchu'anupa, ánipa maka'e: “Yare, piápana. Nuwara'a nímechaviyare eta táicharakawayare puiti juka vikaiju'eyare.”