San Juan 1:49 - Táurinakene máechejiriruwa’i ema Viya tikaijare

⁴⁹ Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

Ignaciano

⁴⁹ Tacahe, ema Natanael masuapa­vanepa ema Jesús. Máichapa: —Tata Maestro, pítiripa piti yátupiquene Machicha ema Viya. Píti yátupi­que­né­vivare Reyvihi viyehe viti israelítana. Núti níjara­cavapa néhicaviya —máichapa.

San Juan 1:49 Iomraidhean Croise

San Mateo 14:33

Taka'e, namutu ena tiavi'ana'i te pakureju'e, tépuyumuri'anapa te mamira'u ema Jesús natsiukapa, naka'ewarepa: –¡Jé'eware piti Tata, Machichakenévi'i ema Viya!

San Mateo 2:2

tási'a nakayasesererupa: –¿Tavi'a mavi'a ema rey-yare'i, naye'e ena israelítana máuchure'i? Taicha víma'a'i eta jarairiki tauchure'i, puiti viteka'i vejirapana.

San Mateo 21:5

“Emétakawaka ena achaneana tikawasana'i te jena awasare Jerusalén: ‘Apaesa natsekawa eta najakapirayare ema naye'eyare Rey. Tétavikawa'i eta mamansuwapa'i, tikaperayare eta burru, tachicha eta burra.’ ”

San Mateo 23:7

tási'a nawara'aware tikapika'uanayare'i eta náechejisiraya ena achaneana te calle, tási'a nawara'aware naichayare'i maestro.

San Mateo 23:8

“Émanaichu'i ema yátupikene'i eye'e Maestro. Taicha ena apamuriana timikutijirikawa'ini eparapejirikaka'ini.

San Mateo 27:11

Ema Jesús námapa te mamira'u ema akenuka, ema mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Mateo 27:42

–Ema máka, makatiuchawaka ena apamuriana achaneana. Tási'a puiti wá'iware márata'a'ini émajiwaina'ini makatiuchawa'ini. Te yátupina Rey viye'e viti israelítana: ¡makatiuchawaipa, máukupaikapa te jara crusu, visuapasarepaini ema!

San Mateo 4:3

Emasera, ema wínaraji témeña'awapa maye'e ema Jesús, mawara'apa makaetemayare'i, ánipa máicha: –Te yatupinapuka machichavi ema Viya, piwaneka eta juka máriana táepiyakawa eta pan.

Marcos 15:32

¡Te yátupina pítira'i ema Cristo, Rey-viye'e viti, israelítana pikatiuchawapa, piukupaikapa te jara crusu, apaesa visuapasarepa eta vímairaina'i! Ena tiámera'iana tikaetatana'iware te machakaya, éneichuware nakaeka'ijirikaware ena apanaware.

San Lucas 1:35

Émasera ema ángele máichawarepa: –Pikachichayare taicha eta máitupajijiasirawa'i ema Viya. Timikáuchaviyare eta majaraiwa, tási'a, tisiapa'akavinapa ema Machanewa Viya. Eta taka'e, ema amuya pínaruyare, santuyare ema, taicha machichayare'i ema Viya. Náimatiyare namutu eta machichaira'i ema Viya.

San Lucas 19:38

Naka'epaipa'i: –¡Yare piti rey-kene'i, wanairukavi'i te maijare ema Viákenu! Asulupaya ¡Puiti te anuma vikutikaka'i eta viúrisamurewa'i víti te juka apake'e! Tétávikawa eta vikunachira ema Viya eta makatajisira'avi'i.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 1:34

Puiti nímatipa ema. Táitusiawa numetaka'e puiti eta émaira'i ema Machicha ema Viya.”

San Juan 1:38

Ema Jesús téseniekene'awapa. Máima'apa eta naé'isirapa'i, mayaserekawakapa: –¿Tája'a, eta etanuka'i? Ena najikapapa: –Tata maestro, ¿távi'a eta píkapenaiya'i?

San Juan 1:50

Ema Jesús majikapapa: –¿Pisuapanu'i étachuchasera eta juka níchiravi'i eta nímairavi'i te tápeku eta yukuki? Píma'ayarewa eta apana tiáramikareanapana taye'e eta juka.

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 4:31

Eta nayerewapaicha'a ena achaneana suíchu'akeneana'i esu esena, ena máimitureana naichu'apa ema Jesús tiníkanumayare'i: –Tata maestro, yare pinikanuma, apaesaina piáwamina.