San Juan 1:30 - Táurinakene máechejiriruwa’i ema Viya tikaijare

³⁰ Émara ema maka ema néchejisi'akene'i eta eye'e kape juka: ‘Nuti nínapuka'i maye'e ema, émasera matiari'ikeneipa'i eta akane, májinanuicha'a'i nuti. Eta taka'e, tipikauchakarepana'i eta nuye'e.’

Ignaciano

³⁰ Émara ema maca ema néchaji­si­ha­quenehi eta eyehe cape juca. Núti nínapucahi mayehe éma, émasera matiari­hi­que­néipahi eta acane, májina­nui­chahahi núti. Eta tacahe, tipicau­cha­ca­re­panahi eta nuyehe.

San Juan 1:30 Iomraidhean Croise

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

San Lucas 3:16

émasera ema Juan máichapa namutu: “Yátupi nuti, níkachasika'e'i te une, marajapainapasera ema tíkachasika'eyare maye'e ema Machanewa Viya. Ema tiápajupanawa'i eta máitupaijiasirawa'i nuye'e nuti. Wáipaine'i nákaemuñawaima'i nuvejuchupewacha eta maeparupewa.

San Juan 1:15

Ema Juan, tímereucha'i ema, maka'e'i “Ema'i ema maka, ema nichakene'i nuti te nuka'enapa, marajapainapa ema tekene'apa'i nuye'e nuti, émasera ichapepanapa eta makapika'uira'i, taicha ema'i mainapure'i nuye'e nuti.”

San Juan 1:27

tási'a ema títekapaya te nekene nuye'e núti. Nuti wáipaine'i nákaemuñawaima'i nuvejuchupewacha eta maeparupewa.

San Juan 1:31

Núti'ipa néchejisi'a'i ema, wícha'asera nímati'ini. Numetaka'isera ena israelítana eta nakaikachasiraina, apaesa natsekawa'i eta najakapiraina ema te jákani máimerekawapa.”

San Juan 10:41

Kamuriana ena achaneana tiyanarakana'i eta maye'e, tási'a, naka'epa ena: –Ema víyara'aini Juan, tayanapane'i tájina máimereka'ini eta tiáramikareana, yátupi'isera eta profetaira'i ema, taicha tamutupa eta mametarapiana maye'e ema maka Jesús, víma'aipa puiti eta yátupikeneana'i.