San Juan 1:29 - Táurinakene máechejiriruwa’i ema Viya tikaijare

²⁹ Te apanapa sache, máima'apa ema Juan eta mapauchirapaipa'i ema Jesús. Taka'e, máichawakapa ena achaneana: “¡Íma'a, márajapa ema Wanairuka me Viya. Ema, tikaepa'ayare eta vipekaturana te juka apake'e!

Ignaciano

²⁹ Te apanapa sache, máimahapa ema Juan eta mapauchi­ra­paipahi ema Jesús. Tacahe, máichavacapa ena achaneana: —Ímaha, márajapa ema Cordero, matapi­ra­va­requene éma, vanairucahi me Viya. Éma, táimica­pa­ruyare eta macaepa­hai­rayare eta vipeca­turana viti achaneana te juca apaquehe.

San Juan 1:29 Iomraidhean Croise

San Mateo 1:21

Taka'e, te máuchukapa ema amuya, pinakayare eta máijareyare Jesús. Ema tikatiuchayare ena achaneana, taye'e eta napekaturana.”

San Mateo 20:28

Taicha éneichu'i maka'e'i ema Machicha ema Ajaira, wa'i étaina taímiteka'ini makaitatikasi'ini, émayare'i títati'e eti.

San Juan 1:35

Te apanawarepa sache, ema Juan matiari'ipaware taye'e eta mávirareasa'i, énapa ena apinana máimitureana.

San Juan 1:36

Te máima'apa ema Juan, tiánuku'apaipa'i ema Jesús, máichawakapa: –¡Íma'a, ema maena Jesús, éma'i ema, wanairuka'i me Viya!

San Juan 1:43

Te apanapa sache, ema Jesús tiyanawarepa te tinapaika te Galilea. Ánaki makainunapa ema Felipe. Tási'a, máichapa: –Yare, pé'ikanu.

San Juan 2:1

Te mapanakenepa sache eta táetavisirawa'i, natiari'i ena araimana'i te awasare Caná, tinapaika te Galilea.

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 4:42

Tási'a, náichawarepa esu esena: –Puiti émakenepa visama'i. Waipa tákarichu'ini visuapa'ini eta pimetarapi'i. Véchapa viti apanawa eta émakenera'i ema Cristo, ema vikuchapakene'i, ema tikuchuku'a'aviyare vimutu viti achaneana.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

Hechos 13:39

Emasera ema Viya makaepa'a tamutu eta vivekaturana namutu nákaini tisuapana ema Jesús.

Hechos 8:32

Eta máechejikurepa'i ema achane, ani taka'e'i: “Takutipa eta uvesa eta námira'i te matadero, takuti'i eta chikeru wa'i taituka katiuchawa te namira'u ena tiamanapa'i, ema wa'i maéchejiuchawa'ini, timatinaichucha

1 Corintios 15:3

Échaichu'i eta nímiturapiana'i eye'e, étaichu'iware taka'e'i eta nímitukasiwa'i, eta júkana eta tisuapakarepana'i, yátupira'i máepenina'avi'i ema Cristo táichavene'i eta vipekaturana, émaira'i ema táechejisi'akene'i eta Takapika'ukene Ajureka;

2 Corintios 5:21

Ema Cristo, tájina mapekaturaina'ini. Étasera mawaraira'i ema Viya viúchuku'ayare víti, émapa ema Cristo tamuriaka'i eta vipekaturana. Puiti, tájinasarepa víchirawaima'i, tájinawarepa viviurewaina te mamira'u ema Viya vimutu viti viúrujiaruana'i ema Cristo.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.

1 Timoteo 2:6

Ema Viákenu Jesucristo tíjarakawa'i tépena taicha eta makuchukuira'aviya vimutu viti achaneana, puítisera mawara'a máimimatichayare namutu eta juka arairu'i vímiturapiana.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 2:17

Eta taka'e, eta máukupaisira'i ema Viákenu, tatuparaka'i makake'eyare'i eta viáke'e eta máitaresira'i, tikuti'aviyare'i viti maparapenaveana tamutu eta vítaresira'i, yátupiyare'i eta máetaviuchiraya eta majapanuira'aviya, máetaviuchayarewa eta makasiñakarewaya eta viye'e, taicha makarichu'i ema tiyaseucha'aviparaka'i te mamira'u ema Viya Makaiyakene, makaepa'áina'aviyare'i eta viviurewana'i táichavene'i eta vipekaturana viti achaneana.

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

1 Pedro 1:19

Étasera eta máitine máepusairu'i ema Cristo, eta mawacharesira'e'i, étivene'i ímijarareka'i ema, kúti'ipa te káijararekasi eta uvesa matapirawarekene'i.

1 Pedro 2:24

Ema Cristo tikaikuña'i víchavene'i víti eta vipekaturana. Tétavikawa'i eta mátajiwana te máke'e eta vemetatasira'i te crusu. Makamicha'i tamutu, mawara'a'i waipa takuwayuaka'avi, tatupiruwayare'i eta vítaresiraina. Eta majarana, eta tikanaraka'eyare.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.

1 Juan 2:2

Ema, tímikapakawa'i táichavene'i eta makaepa'airayare'i eta vipekaturana apaesa viúri maye'e ema Viya, wá'isera tákarichu eta vipekaturana víti. Táimikapaka'i ema eta makaepa'airayare'i eta napekaturana namutu ena achaneana te juka apake'e.

1 Juan 3:5

Ema Jesucristo, tájina matapirawaina ema. Vímati'ipasera eta tímiteka'i ema te juka apake'e eta makaepa'airayare eta vipekaturana.

1 Juan 4:10

Eta vemunaraiwa ani taka'e: vítisera wa'i vitíwaina'ini vémunaka ema Viya, matiwa'i ema témunaka'avi'i, eta máemunasira'avi ema Viya, máijarareka'i ema Machicha, mawaneka'i tépenayare te crusu étavene eta makaepa'airayare eta vipekaturana.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 12:11

Ena vichamuriana naita'aka'i taicha eta maepusaisira'i eta maitine ema Cordero tási'a náimimaticha'i, eta máechejiriruwana ema Viya, wa'i napikakawawaka'ini eta náitaresira, tijarakawana'i te náepenirayare'i.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 14:1

Níma'apa ema Cordero, titupi'a'i te tikaijare'i Sión. Te machakaya natiari'i'i ena 144 mil keneana ena achaneana ena té'ikana'i ema. Ena tatiari'i'i eta naikutiara'i te nana'uana eta máijare ema Cordero émapa ema Maiya.

Apocalipsis 14:10

muraka eta nakatajiwairaya taicha ichape eta náimiyusemasira'i ema Viya, tikaepujukichakasianainapa te murakakene yuku, te namira'u ema Cordero, énapa ena ángeleana.

Apocalipsis 14:4

Ena nakana matapirawareana'i ena te mamira'u ema Cordero. Tájinaware wa'i náechipejikawa'ini, naviraina'ini esu esena. Ena nani, ena náinapureana'i masantuchakeneana'i ema Viya émapa ema Cordero.

Apocalipsis 15:3

Tási'a tijirana'i eta jirasare majirasaini ema Moisés, mawanaraini ema Viya. Eta jirasare maye'e ema Cordero, ani taka'e'i: “Píti ichapekenevi'i akenuka, tétavikawa eta pítupajijiasirawa. Tamutukene'i píturuekene'a. Tétavikawapa eta táramikarewa'i eta pépiyaruana'i. Tiúrikakare'iware eta pinakipairuana'i. Wa'i apánapanenejina'ini eta péchejiriruwana. Píti akenukavi'i, péchaya tamutu awasareana.

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 19:7

Wámutu viúrisamure, tétavikawa eta viúrisamurewapa puiti, taicha títauchawapa eta makurujisira'avipa ema Cordero. Tímikutijirikawa'i te araimamu'u:

Apocalipsis 19:9

Ema ángele máichanupa: “Piájuchayare eta juka: ‘Tétavikawapa eta náurikakarewa nákani nakaichu'asikeneana'i taye'e eta táurinakene mapiestara ema Cordero.’ ” Tási'a, máichanuwarepa: “Eta jukana, eta yátupikeneana'i máechejiriruwana'i ema Viya.”

Apocalipsis 21:14

Te apake'e eta yúchama, tatiari'i eta doce márimeana táeja'ameruana'i eta yúchama, táma'i eta dósekene náijareana ena apústuleana maye'eana'i ema Cordero.

Apocalipsis 21:27

Tájina náimatiyaima'i tisiapana ena nachipejikeneana énaipa ena tíchara'iana eta tamaeperajiwakeneana, énaipa ena tikaetemara'iana. Nakarichu tatuparaka tisiapanayare ena tatiari'i eta náijareana taye'e eta libro makarataru ema Cordero, tiama eta nakunana ena náitareruanayare.

Apocalipsis 21:9

Taka'e, tipauchanupa ema émana ángele nasietene'i ena tikaratakana'i eta siétekene escudilla tiámapa'i eta siétekene ekuñarakiana táiñe'ikeneana, tási'a, máichanupa: “Yare, nímechaviyare eta awasare, návi'a'i ena machanerana ema Cordero. Tímikutijirikawa'i esu araima sukaetupiri'ikene'i eta suítauchirawayare.”

Apocalipsis 5:6

Taka'e, níma'awarepa ema Jesús, tikaijare'iware Cordero. Titupi'a'i ema te tamira'u eta trono, nachayaka'i ena kuatrukeneana ekutiarareana énapa ena víyara'ana tuparairukana. Níma'a'i eta majara, taicha táimikapaka'i ema eta makaepa'aira'i eta vipekaturana viti achaneana. Siete eta maji'uana, eta juka táikutiara'i eta akenukaira'i. Siéteware eta máuki'ana. Eta juka táikutiara'i eta tamutuira'i máimatikene'a, taicha nawana'i'i ena siéteana arcángeleana maye'e ema Viya, eta náimararasiraya tamutu eta apake'e.

Apocalipsis 5:8

Te makaratakapa eta ajureka, ena nani kuátrukene ekutiarareana, énerichuware ena veintikuatrokeneana víyara'ana tuparairukana tépuyukanapa te mamira'u ema Cordero. Ena nani soverapakeneana, namutuye'e'i te nawa'uana eta arpa étapa eta pusillu, amairi'asera uru, tinika'i eta incienso, táikutiara'i eta táuriwa'i eta nayujarasirana'i ena machanerana'i ema Viya.

Apocalipsis 6:1

Taka'e, níma'apa ema Cordero te mavepistakapa eta tínapuka sipi sello, tási'a, nusamapa ema émana ekutiarare'i, eta ma'u takutichucha tirure'ucha, ánipa maka'e: “¡Yare, piúchuka!”

Apocalipsis 6:16

ánipa naka'e: “¡Vikavi eta ichapekeneana mari, apaesa wa'i makuima'a'avi ema Viya, apaesa viúchuku'a taye'e eta táiñe'ikene máikuñaraki ema Cordero!

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”