San Juan 1:27 - Táurinakene máechejiriruwa’i ema Viya tikaijare

²⁷ tási'a ema títekapaya te nekene nuye'e núti. Nuti wáipaine'i nákaemuñawaima'i nuvejuchupewacha eta maeparupewa.

Ignaciano

²⁷ Tímere­ca­va­va­nénapa. Ticuna­cha­ca­re­pa­na­ya­resera eta nuyehe. Váiparinehi nácuti­sa­mimahi eta máitupa­ji­jia­si­ravahi. Váipari­ne­hivare nácaemu­ña­vaimahi macamu­su­ra­nuhini núti páuresami —máichavacapa éna ema Juan.

San Juan 1:27 Iomraidhean Croise

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

Marcos 1:7

Maka'e'i eta makametarairuira'i: “Marajapainapa ema tíkachasika'eyare, ema tiápajupanawa'i nuye'e nuti. Wáipaine'i nákutinasima'i ema. Wáipaine'iware nákaemuñawaima'i nuvejuchupewacha eta maeparupewa.

San Lucas 3:16

émasera ema Juan máichapa namutu: “Yátupi nuti, níkachasika'e'i te une, marajapainapasera ema tíkachasika'eyare maye'e ema Machanewa Viya. Ema tiápajupanawa'i eta máitupaijiasirawa'i nuye'e nuti. Wáipaine'i nákaemuñawaima'i nuvejuchupewacha eta maeparupewa.

San Juan 1:15

Ema Juan, tímereucha'i ema, maka'e'i “Ema'i ema maka, ema nichakene'i nuti te nuka'enapa, marajapainapa ema tekene'apa'i nuye'e nuti, émasera ichapepanapa eta makapika'uira'i, taicha ema'i mainapure'i nuye'e nuti.”

San Juan 1:30

Émara ema maka ema néchejisi'akene'i eta eye'e kape juka: ‘Nuti nínapuka'i maye'e ema, émasera matiari'ikeneipa'i eta akane, májinanuicha'a'i nuti. Eta taka'e, tipikauchakarepana'i eta nuye'e.’

San Juan 10:41

Kamuriana ena achaneana tiyanarakana'i eta maye'e, tási'a, naka'epa ena: –Ema víyara'aini Juan, tayanapane'i tájina máimereka'ini eta tiáramikareana, yátupi'isera eta profetaira'i ema, taicha tamutupa eta mametarapiana maye'e ema maka Jesús, víma'aipa puiti eta yátupikeneana'i.

Hechos 13:25

Taka'e te tiane'ipa eta maitavira ema Juan, maka'epa: ‘Ímijachaipapuka nuti'i ema Cristo, ema vikuchapakene'i, wá'ira nútina, títekapainapasera ema, té'ikanupa'i te nekene, wáipaine'i nákaemuñawaima'i nuvejuchupewacha eta maeparupewa.’

Hechos 19:4

Ema Pablo mametakawakapa: –Yátupi ema Juan máikachasikawaka'i ena achaneana eta náitsiwachiraya eta náitaresirana, étasera maicha'i, esuapayaresera ema maka té'iekene'apa'i ema Juan tikaijare Jesús émakeneipa'i ema Cristo.