San Juan 1:19 - Táurinakene máechejiriruwa’i ema Viya tikaijare

¹⁹ Etara eta juka mametarapi'i ema Juan, naye'e ena tuparairukana tikawasana'i te Jerusalén, te nawanekapa ena náewanachana, nayanaucha ema Juan. Eta nayaserepana, najá'a'ipuka ema.

Ignaciano

¹⁹ Tacahe, te jena sácheana, ena tuparai­ru­canahi ticava­sanahi te Jerusalén navanecapa ena náevana­chana, nayanaucha ema Juan Tícacha­si­ri­carahi. Éna, nayase­recapa, ánipa nacahe: —Tamutu arairuhi eta pímitu­rapiana. ¿Pítinaripa ema Cristo vicucha­pa­quenehi? —nacahepa.

San Juan 1:19 Iomraidhean Croise

San Juan 1:7

Ema títametarekayare'i, apaesa maimereka eta jára'i, apaesa namutu nasuapa eta maichakeneana'i.

San Juan 10:24

Taka'e nachayakapa, ema Jesús ena tikatianakana'i. Tási'a, nayaserekapa: –¿Tája'a takayema pímipanererecha'avi'i? Pátupiruwapa pimetaka'avi te yátupivi'ipuka pítikene'i Cristo.

San Juan 10:31

Taka'e, ena tikatianakana'i natanukawarepa eta márija'iana. Nawara'apa natupisikayare'ini ema Jesús,

San Juan 11:19

kamuriana'isera ena achaneana te napena ena maparapenaveana, esu Marta ésupa esu María. Nakamitisiripana'i apaesa wa'i nakuiya'arakawa'ini ena apinana, eta maepenira'i ema naparape.

San Juan 2:18

Ena juriyuana nayaserekapa: –¿Taja'apuka eta pitsamarajiya, te yátupi'ipuka Akenukavi eta pichira'i eta juka?

San Juan 2:20

Ena juriyuana najikapawarepa: –Cuarenta y seis añu, tayerewa'i eta náepiyasira'i eta mapena ema Viya, ¿tási'a piti pikaemuñawa'i pikaechepukayare te mapanakenéna sache?

San Juan 5:10

tikapika'u'i eta jena sache naye'e ena israelítana. Taka'epa, te náima'apa ena tuparairukana, nakajachapa ema. Náichapa: –¿Tája'a takayema wa'i pipikaucha puiti juka sache takapika'ukene'i? Wa'i vísapa piáma'ini eta pímakaraji puiti juka.

San Juan 5:15

Taka'e, ema achane tiyanapa mametapanawaka'i ena tuparairukana eta émaira'i ema Jesús ema tikanaraka'i.

San Juan 5:16

Eta taka'e, ena tuparairukana nakatianasira'i ichape ema Jesús táichavene'i eta makanarasira'i te jena sache sáwarumu'u.

San Juan 5:18

Eta nasamira'i ena tuparairukana eta máichirawaka'i, navetijipaicha eta nasemira'i. Nawara'apa nakapakawaneyare'i ema. Eta tiviucha'i eta makanararesira'i te sáwarumu'uana, náimijachira'i máepuru'i eta naye'erepi. Tavetijipaicha eta máimikaecherachirawa'i Machichaira'i ema Viya.

San Juan 6:41

Tási'a, narari'i ena tikaeka'ira'iana eta máichirawaka'i ema Jesús, taicha ema maka'e'i: “Nutira nunikakare'i nasi'akene te anuma.”

San Juan 6:52

Ena juriyuana tiákapaemajirikakanapa: –¿Tája'a takayema ema maka eta máijarasira'aviya eta vinika'ini eta maeche?

San Juan 7:1

Taka'e, ema Jesús tímiyanawapaipa'i tipaikapaipa'i eta awasareana te tinapaika eta Galilea. Wa'i mawara'a'ini machawa'ini taye'e eta awasareana tinapaika eta Judea, taicha ena tuparairukana'i te Jerusalén napanerechaipa'i nakapakayare'i ema.

San Juan 7:11

Énasera ena tuparairukana natanukaipa ema, te jena piéstakene'i. Tási'a, naka'epa: –¿Makañari'ipuka ema mákani achane?

San Juan 7:15

Ichape eta náramira'i ena tuparairukana, eta náimaira'i eta máitusira'i yátupi. Tási'a, ánipa naka'e'i: –¿Távi'apuka maviya'i eta ichapemurikene máitukakene'i ema maka?

San Juan 8:22

Ena juriyuana naka'ewarepa: –¿Mawara'ainapuka tikapakawayare, táitusiawa maka'e'i eta máechejiriruwa'i eta wá'iji virata'aima'i vé'ika ema, távi'apuka eta makaiju'eya?.

San Juan 8:48

Taka'e, ena tikatianakana'i náichawarepa: –Piti pika'ekenetatajichucha. Yátupikene'i máwa'aruvi'i ema Wínaraji. Táitusiawa, máurishivi'i máicha.

San Juan 8:52

Najikapawarepa ena tikatianakana'i: –Jé'eware puiti, vímatiakavipa eta pimáurishiwa'i. Apanasikáji ena profetana tépenana'i, émapa ema Abraham, puiti pika'echejiriruwaware: ‘Eta nákani tisuapanayare eta pimetarapiana máepenakakanayare'i.’

San Juan 8:57

Taka'e, ena tikatianakana'i náichapa ema Jesús: –¡Wícha'a pákaye'e cincuenta añuina! ¡Pikaemuñawapa pímati ema Abraham!

Hechos 13:25

Taka'e te tiane'ipa eta maitavira ema Juan, maka'epa: ‘Ímijachaipapuka nuti'i ema Cristo, ema vikuchapakene'i, wá'ira nútina, títekapainapasera ema, té'ikanupa'i te nekene, wáipaine'i nákaemuñawaima'i nuvejuchupewacha eta maeparupewa.’

Hechos 19:4

Ema Pablo mametakawakapa: –Yátupi ema Juan máikachasikawaka'i ena achaneana eta náitsiwachiraya eta náitaresirana, étasera maicha'i, esuapayaresera ema maka té'iekene'apa'i ema Juan tikaijare Jesús émakeneipa'i ema Cristo.

1 Juan 1:5

Vimetaka'e eta máimitusira'avi ema Jesucristo. Eta juka eta makayemakene'i: jarari'i eta tijara'i maye'e ema Tata Vikaiyakene, tájina timapikuina maye'e.