San Juan 1:1 - Táurinakene máechejiriruwa’i ema Viya tikaijare

¹ Te táepanirawa'i tamutu, tatiari'ikenepa'i eta Echéjirirukawa, mákani Echéjirirukawa'i makachaneipa'i ema Viya, émakene'i ema Viya.

Ignaciano

¹ Eta acane, te táepani­ravahi tamutu, matiari­hi­que­néipahi ema Jesucristo, ema Tímima­tirahi me Viya­. Éma, macachanehi ema Maiya eta máitare­sirahi, Víyahivare éma apanavare.

San Juan 1:1 Iomraidhean Croise

San Mateo 1:23

“Sutiari'iyare esu amaperu esena témuna'irikawaya tikajari ema suchicha, sunakayare eta maijareya Emanuel” (eta takayemakene'i: “Ema Viya te vitarakumuri”).

San Lucas 24:53

Wa'i náejiakawa'ini taye'e eta templo, tiyujarauchawanaparaka'i, najiraucha'i eta nakunachira'i ema Viya.

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 1:2

Ema makachaneipa'i ema Viya te táepaninewa.

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 20:28

Taka'e, ema Tomás tipiarakapa: –¡Tátachicha, piti yátupikenevi Viya!

San Juan 8:58

Ema Jesús majikapaware: –Nutupiruwa numetaka'e: Májinaicha'a'i ema Abraham, nunasikeneipa'i nuti.

Romanos 9:5

Mametaka'iware eta máitesirayare'i ema tikatiura'iyare naye'e. Ena nani, tétavikawa'i eta táuriwa'i eta náikuchiyare'ini taicha manerejikawaka'i ema Viya ena máumuriwanaichu'i ema Cristo, najaneanaichu'i eta máukupaisira'i te juka apake'e. Puíticha émaipa técha'i tamutu. Máitawakakaipa eta vijirauchira'i. Amén.

Efesios 3:9

Taka'e'i eta mapanereru'i ema Viya eta viye'e akane te tépanawainapa maepiyakaya tamutu, wá'isera táija'uchawa'ini mametaka'avi'ini, tapaenumawa timetakanu'i nuti, matuparasiranu'i eta numetasira'eyare tamutu.

Filipenses 2:6

eta, taka'e'i: Wa'i makasiñawa'ini eta Víyaira'i ema, Tétavikawa'isera eta mamansuwa'i ema,

Colosenses 1:15

Ema Cristo maima'i ema vima'akene'i maye'e ema Viya, emasera máima'asi'i. Emasera ema machicha Jesucristo, mainapure'i taye'e eta tainapureana takaepiyakeneana.

Colosenses 1:17

Ema Cristo manasikenepa akane te tamira'uicha'a eta táepanirawayare'i tamutu, puíticha ema técha'i tamutu.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Hebreo 13:8

Ema Jesucristo, wa'i máitsiwacha eta máuriwa'i eta viye'e. Manasi'i puíticha, étapa eta apajara'iyare.

Hebreo 7:3

Ema Melquisedec, wa'i táimatikare'ini eta majurusira'i, eta máuchusira étapa eta máepenira'i. Nája'a'ipuka ena tikachichana'i. Eta matupara'a'i, ene maka'e'i puiti ema Machicha ema Viya, nájina máitsiwaina'ini. Máichekuarakire'i eta máwakure.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

1 Juan 5:7

Mapanana ena titametaka'aviana:

Apocalipsis 1:11

Ánipa maka'e'i: Piájuchaya tamutu eta juka píma'akeneanaya te ajumeruka, pímiamarekapa eta piajure naye'e ena siétemurikeneana pichamuriana tikawasana'i te Asia: ena tiávi'ana'i te Éfeso, ena tiávi'ana'i te Esmirna, ena tiávi'ana'i te Pérgamo, ena tiávi'ana'i te Tiatira, ena tiávi'ana'i te Sardis, ena tiávi'ana'i te Filadelfia, énapa ena tiávi'ana'i te Laodicea.”

Apocalipsis 1:17

Nupikaine'i eta nímaira'i, nákipaikawapa te máiwapechakaya, tiáne'i népena eta nupisira'i. Émasera manakapa eta mawa'u waure te nápusi, máichanupa: “Wa'i pikupikanu, nútichucha nuti nunakucha'i eta táepanirawa'i, núti'ichuware nécha'i eta táitavirayare tamutu,

Apocalipsis 1:2

Takuti eta yátupi'i nukametarairuira'i eta máechejiriruwana ema Viya, étaichu'i eta máimiturapiana ema Jesucristo, puiti nutupiruwa numetaka'e eta juka numetakasiwana'i.

Apocalipsis 1:8

“Nútira nunakucha'i eta táepanirawa'i eta apake'e, núti'ichuware nécha eta táimiyanirawaya tiuri, néchayarewa eta táitavirayare tamutu,” maka'e'i ema Viya, tétavikawa eta máitupajijiasirawa, máituruekene'a'i tamutu, ema, matiari'ikene'i te tépanawainapa, puiti manasi'ichu'i eta viye'e, émarichuwa manasiyare te táitawapa tamutu.

Apocalipsis 19:13

Eta mamuiri'a tikaepapame'i te iti, tási'a eta máijare: Tímimatira'i me Viya.

Apocalipsis 2:8

“Pikajureware eta juka numetarapiana'i naye'e ena pichamuriana tikawasana'i te awasare Esmirna: ‘Nuti nunakucha'i eta táepanirawa'i, núti'ichuware nécha'i eta táitavirayare tamutu. Nuti nakaparu'i, nuchawa'isera nítareka:

Apocalipsis 21:6

Ániwarepa maichanu: “Títauchawapa puiti tamutu eta nupanereruana, nútira nécha'i tamutu eta táepanirawa'i eta apake'e, núti'ichuware nécha'i eta táimiyanirawa'i tiuri, puiti nuti nítauchapa tamutu. Eti emáune'i, nuti níjaraka'eyare eta máitawakaka une tikaitarekara'i, tájina wa'i ewacharekaima'i.

Apocalipsis 22:13

Nútira nécha'i tamutu te tépanawainapa eta apake'e, núti'ichuware nécha'i eta táimiyanirawa'i tiuri, puiti nuti nítauchayare tamutu.”

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.