Gálatas 1:6 - Táurinakene máechejiriruwa’i ema Viya tikaijare

⁶ Ichaperine'i eta ímipanereresiranu'i, vuicha németeaka ene áka'e'ini eti e'ika'ini eta apanakene doctrina, tasapi'apa esuapa'i eta juka, waipa émaina'ini esuapa ema Viya. Émepururekapa eta máichuira'e'i, tasapi'a émepururekapa eta máepenina'e'i ema Jesucristo eta máemunasira'e'i.

Ignaciano

⁶ Ichape­rinehi eta ímipa­ne­re­re­si­ranuhi. Váhicha németeaca ene ácahehini eti éhicahini eta apanaquene doctrina. Tasapihapa esuapahi eta juca, vaipa émainahini esuapa ema Viya. Ínaji­ca­vanepa eta esuapi­rainihi éma. Émepu­ru­recapa eta máichuirahehi. Tasapiha émepu­ru­recapa eta máepeni­nahehi ema Jesucristo eta máemuna­si­rahehi.

Gálatas 1:6 Iomraidhean Croise

Marcos 6:6

Tási'a ichapeine'i eta náramira'i ena, taicha ena achaneana wa'i nasuapa'ini ema. Ema Jesús tamutu'i mapaika eta awasarechichana tachakayara'ana, tímiturekapa'i.

San Juan 9:30

Ema achane majikapawarepa: –¡Tája'asamiware eti, tiaramikarepa eta ichakene! Eti wa'i echa távi'apuka eta másine'i, nutisera necha'i taicha kaimairikanu'i.

Hechos 15:11

Véchaipa'isera yátupi eta viúchukuiraya táichavene'i eta makatajisira'avi'i ema Viákenu Jesucristo. Ena apawasana, wá'iware étaparakaina eta naikutiaraina ena.

Romanos 10:3

Vuícha'asera náimati'ini eta táichararakawayare'i eta najakapakarewa eta nakasiñawairaya me Viya.

Romanos 5:2

Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

Romanos 8:28

Véchaipa'iware tétavikawa'i eta majaneasira'avi'i ema Viya vimutu viti vémunakana'i ema. Tayanapane vikatajiwa'ipuka, ema tamutu'i tiuri máicha. Títauchawayare eta mapanereruana ema eta viúrikakareyare'i eta máichuira'avi'i.

Romanos 8:30

Ena manerejiruana'i ema Viya, maíchu'awarepa; eta nasuapira'i napauchapa ema, majakapawakapa. Tási'a, ena tijakapana'i maíjarakawapa eta naíkuchi'i eta naisiapiraya taye'e eta majaraiwa.

1 Corintios 4:15

Tayanapane kamuriana'i ena eye'eana'i máestroana tímituka'eana'i eta é'isiraina ema Cristo, diez mil náina'ipukaini, nútisera tímikutijirikawa'i nákarichu'ini éyanuina'ini maestro taicha nuti nímimaticha'e'i taye'e eta iúchukuirayare maicha ema Jesucristo.

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

Gálatas 1:11

Nuwara'a numetaka'e eti nuparapenaveana eta juka nukametarairuira'i, wa'i tási'akenana'i te nupanereru nuti.

Gálatas 1:15

Námawakenewa'isera eta manerejisiranu'i ema Viya, te wicha'a núchuka'ini te suju'e esu tikachichanu; taka'e'i eta mapanereru'i eta máichuiranuyare'i, taicha eta máemunasiranu'i.

Gálatas 1:7

Nutupiruwa numetaka'e, tájina apanaina echéjirirukawaina tákuti eta juka vé'iru'i víti. Nécha'i eta juka íchararakawa'i eti, narari'i ena témejekapawacha'eana'i, nawara'a'i na'apapikayare eta vímiturapiana'i tási'akeneana'i maye'e ema Cristo.

Gálatas 2:14

Taka'e, te níma'apa nuti eta naejekapirawa'i, wa'i táuri'ini eta náichakene'i, nukajachapa ema Pedro te namira'u ena vichamuriana taicha máejeki'apa eta tawanairipi'i eta yátupikeneana máechajiriruwana ema Jesús. Níchapa ema Pedro: “Piti juriyuvi'ineni, wa'isera pimikaecheracha'ini, ¿tája'a takayema puiti eta piwara'a pipamikawaka ena apawasana naicha'ini eta naye'erepiana ena juriyuana?”

Gálatas 2:2

Taicha numetakasiwa'i me Viya te nuwapure eta nuyanirayare'i taye'e eta Jerusalén. Ánaki etapa numetasi'a'i ena tachutiri'ana'i eta nukametarairuira eta maechejiriruwa ema Viya naye'e ena apawasana. Apaesa naecha yatupina eta nematane'i nuti

Gálatas 2:5

Tájinasera wa'i vísapawa'ini nakachuriaka'avi'ini, taicha víti viwara'a'i takuija'ini ta'apapika'e'ini eta é'isira'i eta Arairu maechejiriruwa ema Viya.

Gálatas 2:7

Ema Pedro matupara'a'i máimitusirayare'i ena israelítana. Ema Viya máijaraka'i eta máwakure'i ema apústule'i naye'e ena israelítana, maimituka'i eta Arairu maechejiriruwa, ene nuka'e'i nuti tíjarakanu'i eta náwakure'i apústulenu'i naye'e ena apawasana.

Gálatas 5:14

Tamutu eta wanairipiana etanaichu eta tawanairipi: “Pémunaka ema piparaepiya takuti eta pémunasirawa'i píti.”

Gálatas 5:4

Eti enerejiruwana é'ika eta wanairipiana, ímijachaipapuka ejákapakareipa maye'e ema Viya, émepururekaipasera eta máemunasira'e'i ema Viakenu Jesucristo. Émepurureka'iware eta máimikatasira'e'i ema Viya.

2 Tesalonicenses 2:14

Ema tikuchuku'a'eyare, taicha ímiyanawa'i esuapa eta Arairu maechejiriruwa, yátupikeneana máimiturapiana ema Cristo. Tási'a, ítujikawainapa esiapa taye'e eta mávi'a'i ema Viákenu Jesucristo, íma'ainapa eta majaraiwa.

1 Timoteo 1:14

Tási'asera tétavikawa'i eta máemunasiranu'i ema Viákenu Jesucristo, ichapeine'i eta máijarasiranu'i eta nusuapira'i yátupi ema, étapa eta máijarasiranu'i eta némunaraiwa'i.

1 Timoteo 1:3

Péchaipa'i eta juka numetaruvi'i, te nuyanayarepa taye'e te tinapaika eta Macedonia, eta nutuparasiravi'i pinasiyare'i taye'e eta awasare Éfeso. Wicha'a pijunijikaima'i taicha pímatirípa'i píti ena nani nawara'a'i ti'apapikana eta vímiturapiana. Wa'i pikuisapawaka

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.

2 Timoteo 2:1

Pítisera némunarukene nuchicha Timoteo, nuwara'a yátupina máetumechavini ema Viákenu Jesucristo.

1 Pedro 1:15

Puítisera, santu'enapa eta ítaresirayare. Taicha ema tíchu'a'e'i, tétavikawa'i eta masantuwa'i;

2 Pedro 1:3

Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

Apocalipsis 22:21

Émaina ema Viákenu Jesús, táetaviucha'ini eta iúrikakarewaya máicha emutu eti.