Filemón 1:6 - Táurinakene máechejiriruwa’i ema Viya tikaijare

⁶ Nuyaseuchavi'i me Viya eta pimiyanirawaina pisuapa yátupi, apaesa pimatiekene'a tamutu eta táurikeneana apaesa warata'a vicha eta vemunasiraina ema Cristo.

Ignaciano

⁶ Nuyaseu­cha­vacahi me Viya nayehe namutu ena téhica­via­na­paipahi táichavenehi eta náimairahi eta pisuapirahi yátupi. Nuvaraha nácaicu­tia­ra­que­nénaini muraca tamutu eta táuriqueneana máijara­ru­ha­vianahi ema Cristo Jesús.

Filemón 1:6 Iomraidhean Croise

San Mateo 25:16

Taka'e, ema tijakapa'i eta cinco mil, makaemataneakapa eta plata. Makaejapakapa eta apanaware sinku mil.

San Mateo 5:16

Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

1 Corintios 14:25

Taka'e, tímatiakawanainapa eta máimatira'i ema Viya tamutu eta napekaturana tayumururewanaini'i, tépuyukanainapa téñauchawanainapa maye'e ema Viya. Téchejisi'a'eanainapa, yátupikeneyapa máwa'akawaka'i ema Viya ena naniana naka'enapa.

1 Corintios 16:9

taicha nuwara'a'i nukamapurawanumayare nukametarairu, taicha kamuriana'i ena tiwara'ana'i tisamararakanuana. Éneichuwaresera narari'iware kamuriana ena viánarana'i.

Filipenses 4:8

Títekapa, nuparapenaveana, epanerechinawayare taye'e tamutu eta yátupikeneana, taye'e tamutu eta tipikauchakareana, taye'e tamutu eta ítauraiwaya takuija taviucha'e, taye'e tamutu eta tikatajika'eyare eta íchira'i eta táurikeneana. Epanerechayarewa taye'e tamutu eta ekurisamurechira'i ema Viya, taye'eware tamutu eta tikunachakareana. Ekasamure tamutu jákani táurikeneana apaesa tikunachakareyare tamutu eta íchakeneanaya.

Colosenses 1:9

Eta taka'e, te visamairika'epa, viyaseucha'eparaka me Viya tamutu te viyujarasirana, viyaseucha'e'i máijaraka'eni eta ítusiraina, ímatiraina yatupina eta mapanereru'i ema Viya, máijaraka'e'iwaréni eta échemaraiwaina'ini, ekaikutiarayare eta máechajiriruwana, máichavenena'ini ema Machanewa Viya.

Colosenses 3:10

puíticha, amairi'apa arairupa eta juka ítaresira'i machicha'eipa ema Viya: tajurukapaipaini eta ekutirayare ema eta masantuwa'i étapa eta máuriwa'i ema.

Tito 3:14

Pímitukayare ena vichamuriana eta achanesamurewakaina, máejerarena eta nakajiraiwaina naye'e ena achaneana, yátupina naitaucha eta nakamunukarewana'i.

Hebreo 6:10

Ema Viya tétavikawa'i eta máitauraiwa'i, wáipaine'i máemitisikaima'i eta ekaemataneasirana'i, étapa tímereucha'e'i eta émunasirawaka'i ímikatasirawaka'iware ena echamuriana'i taye'e eta juka vé'iru'i, máima'a'i eta ímiyanawaira'i ekaemataneaka.

Santiago 2:14

Nuparapenaveana, ¿tajina taichakenena eta waka'e'ini viti vikasiñawa me Viya, étasera eta vitaresira wa'i vimereka'ini eta vichakeneana'i? ¿Tarata'apuka katiucha'avi eta vikasiñawaira'i?

Santiago 2:17

Ene vika'e viti vikasiñawana me Viya: te wa'i vícha'ini eta táurikeneana, te wa'i vímereka'ini eta vichakeneana'i tamapurujichucha vikasiñawaira'i, waipa tásuapakare'ini.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.

1 Pedro 3:1

Takutikene eti esenana ekaimakeneana, epikauchayarewa ena ímanaveana, apaesa mákani wa'i masuapa'ini eta máechejiriruwana ema Viákenu, ekajimuyaka eta nasamureana táichavenena'i eta iúriwa'i naye'e,

1 Pedro 3:16

Tátupiruwa táuriware tamutu eta íchakeneana, eta náimaira'ena namutu ena achaneana, apaesa ekamatinaka nákani téchejisiaraka'eana'i eta táuriwa'i eta é'isira'i ema Cristo, nátsiri'apaini eta náechejijisira.

2 Pedro 1:8

Eta ímatira'i ema viákenu Jesucristo, ichayare eta taurikeneana, étumechawayare eta tapajuriwayare eta ichirayare eta taurikeneana, taka'e eta itaresirayare etachucha ichayare eta taurikeneana te namira'u ena achaneana.