Filemón 1:22 - Táurinakene máechejiriruwa’i ema Viya tikaijare

²² Éneichuware nuwara'a pétupirisinanuya eta nítekapi'aya. Étanecha nukuchapa'i eta tasamakarewaina eta eyujarakasana me Viya eta nítujisirawaina nítekapaucha'e.

Ignaciano

²² Éneri­chuvare nuvaraha pétupi­ri­si­nanuya eta níteca­pihaya. Étanecha nucuchapahi eta tasama­ca­revaina eta eyuja­ra­casana me Viya eta nítuji­si­ravaina níteca­pauchahe.

Filemón 1:22 Iomraidhean Croise

Hechos 27:24

Ema maichanu'i: ‘Wa'i pikupika, Pablo, énaipa ena pikachanekeneanapa'i, wá'iware tépenanaima'i táichavene'i eta pitiari'irapa'i eta naye'e, pikamesawayare pítekapaucha ema emperador pitupi'amiraureya.’

Hechos 28:23

Taka'e, náijarechapa eta sache máechejisiraya, te jena sache, títekapanapa ena kamurikeneana israelítana taye'e eta máitekapi'a'i ema Pablo. Tépanawapa te jena yátikara'i téchejika'i, tiámainukawa te kapere'ichichapa títapirikapa eta makametarairuira'i eta mawasa ema Viya akenuka te anuma, máimive'apikapa'i eta máechejikuirapa'i eta Takapika'ukene Ajureka. Máimitukawaka'i ena eta náimatiraya ema Jesús eta émaira'i ema nakuchapakene'i.

Romanos 15:24

Tási'a, puiti nupanerecha'i nétawaucha'eyare achichu juka, nuyaniraya te awasare España. Nuwara'a vikaurisamurechakakainapa. Te támutupa eta nukachanera'eya eta nétawauchira'eyare, németeaka ímikatakanuyare jákani eta nuyanirayarewa.

2 Corintios 1:11

Taka'e, nuwara'a ímikataka'avini eyujaraucha'avini víti. Eti, németeaka kamuri'enapa eti eyujaraucha'aviyare, kamuri'eyarewa eti e'asulupayachainapa ema Viya eta máimiyanirawa tikatiucha'avi.

Filipenses 1:19

taicha németeaka tiúriyare tamutu eta níchawakenewayare, taicha tisamakare'i me Viya eta eyaseuchiranu'i, emaipa ema Machanewa Viya, ichape eta máimikatasiranu'i.

Filipenses 2:24

Nukasiñawa'inénisera maye'e ema Viákenu Jesucristo eta nútijakaruwaina'ini níma'apana'e.

Hebreo 13:19

Nuwara'asera eta eyaseuchinanu me Viya, máisapanu'ini ema níja'uchawa'ini nuchawa'ini eta eye'e.

Hebreo 13:23

Numetaka'eware ema viparape Timoteo tiúchuku'aipa te makaerataiya'i. Te máitekapawanepuka ema, nukachaneyarepa'i te níteka eta ara eye'e. Nuwara'a'i níma'apana'e.

Santiago 5:16

Eta taka'e, te tatiari'ipuka eta éjekapirawana'i maye'e ema echamuri, eyaseakayare eta najapanuira'ena, tási'a, eyaseuchakakayare te eyujaraka eta enarasiraina. Taicha tétavikawa'i eta tasamakarewa'i eta nayujarakasa ena matapirawareana.

2 Juan 1:12

Tiuri, jukari'i apamuri eta numetaru'eanaya, wícha'asera numetaka'ema'i puiti te juka najure, taicha nukunewa'i eta nítesiraya eye'e apaesa véchejirikawainapa eta vímanajirisirakakayare, tási'a, viúrisamurenapa vimutu.

3 Juan 1:14

Nútijapainapasera eta ara piye'e apaesa níma'avi. Tási'a, véchejirikawainapa eta vímanasirakakayare.