Filemón 1:20 - Táurinakene máechejiriruwa’i ema Viya tikaijare

²⁰ Tiuri nuparape, pikatajikanucha'a pikurisamurechanu eta juka nuyasearuvi'i eta maemunasira'avi ema Viákenu Cristo.

Ignaciano

²⁰ Tiuri, nuparape, picata­ji­ca­nuchaha eta juca nuyasea­ruvihi táichavenehi eta nucacha­mu­ri­virahi mayehe ema Viáquenu. Picuri­sa­mu­ré­chanuya.

Filemón 1:20 Iomraidhean Croise

1 Corintios 16:18

técharara'aine'i eta nusamure, túmenuine'i eta nusamirawa'i. Ene eka'eyare eti eta táetumechirawayare eta esamureana, eta ímairaina'i ena nani te nachawapa eta eye'e.

2 Corintios 2:2

Taicha te ekatisamurewa nícha, tímatikareipa'i nájina tikurisamurechanuima'i nuti. Ekarichuyare'i eti ekurisamurechanuyare'i.

2 Corintios 7:13

Eta taka'e, tétavikawaine'i eta étumechiranu'i nuti eta nusamairisira'e'i eta esuapiranuipa. Tavetijipa eta núrisamurewapa eta táuriwa'i eta ejakapira'i ema Tito. Tétavikawa'i eta máurisamurewapa'i ícha eti eta ésamirisirawaipa.

Filipenses 1:8

Tímararakanu'i ema Viya eta némunasira'e'i emutu eti, nukuti'i ema Jesucristo eta máemunasira'e'i ema.

Filipenses 4:1

Nuparapenaveana némunarukeneana'i, tétavikawa'i eta nuwaraira'i níma'a'e; taicha nukajamura'e'i eti, tétavikawa'i eta núrisamurewa'i ícha, puiti nuwara'a ímiyanawa túme'ena taye'e eta é'isira'i ema Viákenu, eti némunarukeneana'i.

Filemón 1:12

Puiti néwatakayare ema, eta ara piye'e: Pijakapinanuyare táimikutijirikawa nútinayare'i nítekapauchavi piye'e.

Filemón 1:7

Ichape eta núrisamurewa'i picha piti nuparape, tijara'ine'i picha te nusamure eta nusamairika eta pímiyanirawa'i pémunakawaka yátupi ena vichamuriana, étapa eta pikurisamurechirawaka'i ichape ena te'ikana ema Viya.

Hebreo 13:17

Esuapayare nákani tímituka'eana'i, ewapinawayare naye'e eta esuapajiraiwa'i. Taicha ena, tijaneakana'i eta iáchanewana eti. Naecha'i ena eta tikayasere'ianayare'i te mamira'u ema Viya. Ekurisamurechawaka ena eta esuapajiraiwa'i, tawapinakare eta nakaemataneasira'e'i. Wa'i ekuimipanerechawaka eta emasuapajiraiwapuka.

1 Juan 3:17

Te marari'i ema mákani achane tikaima'akene'i, te wa'i achanesamurena'i maye'e ema machamuri eta makaiju'era'i, ema maka wá'iware máemunaka'ini ema Viya.

3 Juan 1:4

Tájina tákuti eta núrisamurewa'i taicha eta nusamairisiraparaka'i eta é'isira'i eti nuchichanaveana eta yátupikene echéjirirukawa maye'e ema Cristo.