Filemón 1:17 - Táurinakene máechejiriruwa’i ema Viya tikaijare

¹⁷ Te yátupina pémunakanu eta nuchamurivíra'i, pijakapinanuyare ema, tímikutijirikawa nútina'ini pijakapa.

Ignaciano

¹⁷ Te yátupina pémunacanu eta nuchamu­ri­vírahi, pijaca­pi­na­nuyare éma táimicu­ti­ji­ricava nútina­yarehi pijacapa.

Filemón 1:17 Iomraidhean Croise

San Mateo 10:40

“Mákani tijachapa'eanayare eti, nuti'i tijakapanuana'i, tási'a mákani tijakapanu'i nuti, najakapa'iware ema Tata.

San Mateo 18:5

Tási'a Nákani tijakapa'i ema amaperu te níjare, nuti'i tijakapanuana'i, taicha mákani tijakapanu'i nuti.

San Mateo 25:40

Ema Rey tijikapa'enapa: ‘Nutupiruwa numetaka'e, nútira íjarakanu'i tamutu eta ejapanuraiwa'i, ímikatasirawaka'i ena echamuriana.’

Hechos 16:15

Enewane'i tikaikachasi'i esu, énapa ena tiávi'ana'i te supena. Taka'e, suwara'apa tiáma'avi eta te supena. Suka'epa: –Te yátupira'i eta né'isira'i nuti eñi Viákenu Jesús, ítekapauchanupaini te nupena. Tási'a, tikamesa'avipa tiáma'avi te supena.

2 Corintios 8:23

Nuti nuwara'a'i náimatiyare'i namutu ema Tito, eta émaira'i nujupa'a taye'e eta juka vématanerepi, vikutikaka'i eta vikaemataneasira'i, véchapajirisira'e'i eti. Étaipa te nakayasesererupuka naye'e ena apinana vichamuriana makachanekeneanayare'i ema Tito, énerichuware emetakayare eta neréjiana'i ena apamuriana vichamuriana, táichavene'i eta táuriwa'i eta nakaemataneasira'i ema Cristo.

Efesios 3:6

Ani taka'e'i eta juka tayumururewanaini'i: Eti apawasana, eti apanaware ejákapakare'iware maye'e ema Viya maicha ema Jesucristo, iúchuku'ayare táichavene'i eta é'isirayare eta vimetarairuana, esiapamuri'a'aviyare viti machanerana ema Viya, etamuri'avipa, vikutikakainapa eta víkuchi'i viti israelítana.

Filipenses 1:7

Éneichuware nukasiñawa'i eye'e, taicha némunaka'e'i ichape emutu eti. Nukasiñawa'iware vikutikakaipa'i eta vijakapira'i eta maemunasira'avi'i ema Viya, tayanapane viyere'ikaka'ipuka. Étaipa te juka návi'a'i nukaerataiya'i. Étapa te nutupi'amirauchawaka ena tuparairukana, eta nukatiuchirayare'i eta Arairu maechejiriruwa ema Viya.

1 Timoteo 6:2

Étaipa te nakakenu'ipuka mákani vichamuri'i, tiápajukawayare eta napikauchirayare. Wa'i tímipanawanaima'i eta nachamurira'i ema, náimerekayare yátupi eta táuriwaya eta náemataneana, taicha ema nakaemataneyeru'i, nachamuri'i máemunaruware ema Viya. Piti nuchicha Timoteo, pímitukayare tamutu eta juka naye'e ena vichamuriana. Pémechawakayare eta vímiturapiana.

Filemón 1:10

tiuri puiti, nuwara'a néchejiucha ema Onésimo. Puiti ema, nuchicha'i némunarukene'i te juka nukaerataiya'i.

Filemón 1:12

Puiti néwatakayare ema, eta ara piye'e: Pijakapinanuyare táimikutijirikawa nútinayare'i nítekapauchavi piye'e.

Filemón 1:18

Te tatiari'inapuka eta máejekapirawa'i piye'e, tikanteve'ipuka, nútinaine nimichavinavi.

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

Santiago 2:5

Némunarukeneana nuparapeneveana, esamanucha'a. Ena páureana'i te juka apake'e, majakapawaka'i ema Viya, táichavene'i eta nakasiñaira'i. Ena, tiápajupanawana'i eta náuriwaya taicha ena tikaikuchiana'i eta máwasa ema Viya, taicha machanerana'i. Nakachaneyare'i ena apamuriana témunakana'i ema;

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

1 Juan 1:3

Vimetaka'e taicha viwara'a iúrujikawa'ini eta viye'e. Taicha víti viúrujikawa'i maye'e ema Tata Vikaiyakene émapa ema Machicha Jesucristo.