Efesios 4:3 - Táurinakene máechejiriruwa’i ema Viya tikaijare

³ Ámetachucha icha eta iúrujisirawaina wa'i ekuinajikawa, apaesa wa'i ekukamitiaka eta ejakapira'i ema Machanewa Viya.

Ignaciano

^3-4 Émana­ri­chuvare ema tiávahácahe, émaripa ema Espíritu Santo. Ísapava eta macuru­ji­si­rahehi. Tacuija íchiravaina eta iúruji­si­ravahi. Étanai­na­richuhi eta epane­reruana. Taicha ema Viya tíchuhahehi. Puiti ecuchapahi eta iápechi­ra­vayare ítareca.

Efesios 4:3 Iomraidhean Croise

Marcos 3:24

Nímikutichina'eya, ena machanerana ema akenuka, ena wa'i típutsimuri'akakanaima'i, te tiputsimuri'akakanapa énajikakainapa tiakipaikakana,

San Juan 13:34

Puiti nunakikayare eta juka Arairu nuwanairipi eta eye'e. Émunakakayare'i etijikaka. Ekutinuyare'i eta némunasira'e'i nuti. Ene eka'eyare eti apanaware.

1 Corintios 1:10

Nuparapenaveana, nechejika'e te maijare ema Viákenu Jesucristo nuyaseaka'e emutu iúrujikawa'ini etanainaichu'ini eta epanereruana, wa'iware ekuiputsimuri'akaka taurina eta ítaresiraina émunakaka, tauruikawa eta epanereruana.

2 Corintios 13:11

Tiuri puiti, nuparapenaveana, ítatijirikawa'i. Etánukayare eta táurikeneana eta ítaresirana. Ekurisamurechakaka. Takuija'ini eta semanerena eta eye'e. Tákutikaka eta epanereruana. Máijaraka'e'ini ema Viya eta tanarasiraina eta iáchanewana, taicha tétavikawa'i eta máemunaraiwa'i ema.

Efesios 4:13

apaesa yátupina wákuti wámutu eta máuriwa'i ema Machicha ema Viya; táitekapawanewareni eta sache eta viúrujisirawaya, tájinapa ta'apapika'avima'i eta vé'isira'i; vítamuturukaripa'ini tamutu eta vítukakeneana'i tási'akeneana'i me Cristo. Wákutipaini ema tamutu eta máitupajijiasirawa'i.

Efesios 4:4

Émanaichuware ema tiáwa'aka'e, émaipa ema Machanewa Viya, etanaichuwa eta viake'e takuija íchirawaina eta iúrujisirawa'i, etanainaichu'i eta epanereruana, taicha ema Viya tíchu'a'e'i, puiti ekuchapa'i eta iápechirawayare ítareka.

1 Tesalonicenses 5:13

Échapajirikawakaya ena, émunasinawaicha, taicha ena tiúri'i eta náimikatasira'e'i, takuija ekuichirawaina eti eta naye'e.

Hebreo 12:14

Takuijaware ekuichirawaina'i naye'e namutu ena achaneana. Yátupina eta epáchinawaina te esamureana étapa eta iúriwa eta ítaresirana. Taicha te wa'i tiúri'i eta ítaresirana, wa'i ítekapauchaima'i ema Viákenu.