Efesios 4:1 - Táurinakene máechejiriruwa’i ema Viya tikaijare

¹ Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Ignaciano

¹ Yátupi núti tipresu­chanuhi puiti táichavenehi eta néhisirahi ema Viáquenu. Eta tacahe, nutupa­ra­caheya: Tacuija íchiravaina eta ítaresira te mamirahu ema Viya; taicha éti máichuha­que­né­he­richuhi éma, mavarairahi machane­ra­heyare.

Efesios 4:1 Iomraidhean Croise

Hechos 9:31

Taka'e, tiúrikawanapa ena náumuriwana ena té'ikana'i ema Jesús tiávi'ana te apanana awasareana taye'e te Judea, te Galilea, étapa te Samaria. Tási'a, tétumechakakana'i eta náimiyanirawaya napikauchiraya ema Viákenu. Máimikatamuri'a'iware ema Machanewa ema Viya. Eta taka'e, kamurianapaipaware ena té'ikana'i.

Romanos 11:29

Taicha ema Viya, tamutu eta máijararuana'i, wa'i máemepururekaima'i. Máitauchayare'iwa tamutu eta máichuarapiana.

Romanos 12:1

Taka'e, nuparapenaveana, nuwara'a ákaikutiara yátupina eta majapanuira'e'i ema Viya. Eta táetaviuchira'i eta majapanuira'e'i, ekatupara'a'i íjarakawa yátupina eta iáke'eana étapa eta iáchanewana eta é'isiraina émainachucha ema Jesucristo, takuti'i eta iámawa'u'i me Viya, jé'esare, tétavikawaya eta ekurisamurechiraya ema taye'e tamutu eta ekaemataneasirana ema.

1 Corintios 4:16

Eta taka'e, nékatiaka'e'i ímiyanawa eta e'isirainuina eta núriwa'i.

2 Corintios 10:1

Nuti Pablo, nuyaseaka'e eta ímatiranuína eta némunasira'e'i. Nukuti'i eta máemunaraiwa'i ema Cristo. Etiari'ipuka eti ímijacha'i népiyakawa'i nuri te emira'u; tási'a, te nuyere'i'eware, tétavikawa'iji eta nuwínarajiwa'i mapikauraira'anu'iji.

2 Corintios 5:20

Taka'e, víti mawaneru'avi'i ema Cristo víchu'awakayare'i namutu. Tímikutijirikawaipa émakenena'ini máechejikawaka'ini ema Viya. Puiti viyaseakawaka'i namutu nakasiñawa maye'e ema Jesucristo; wáipaware tipikakarakawanaima'i eta náikuñaya'ini.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

Gálatas 4:12

Esamanucha'a, nuparapenaveana, nuwara'a ákutinu'ini nuti taicha nuti nuchawaipa'i nukuti'eipa eti. Wa'ineni etaina'ini taichanu eta taja'apuka icharakanu'ini.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 3:1

Eta mawana'i ema Pablo naye'e ena machamuriana

Efesios 4:17

Eta juka numetarapiana eye'e, nutuparaka'eicha, taicha matupararunu'i ema Viya: waipa ekuapecha ekukicha eta náichakeneana'i ena máimatira'ana'i ema Viya, náicha'i ena eta náitaresira'i jákani tawara'akeneana'i eta napanereruana

Efesios 4:4

Émanaichuware ema tiáwa'aka'e, émaipa ema Machanewa Viya, etanaichuwa eta viake'e takuija íchirawaina eta iúrujisirawa'i, etanainaichu'i eta epanereruana, taicha ema Viya tíchu'a'e'i, puiti ekuchapa'i eta iápechirawayare ítareka.

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

Filipenses 3:14

nupamikawa'i taicha ichape eta nuwaraira'i nukurisamurecha'ini ema Viya, nuve'a'ini eta níkuchi'i maye'e, taicha eta taka'e'i eta máichuira'avi'i, mawaraira'i tíjaraka'avi eta viúrujiasira'i ema Jesucristo.

Colosenses 1:10

Víti viyaseaka'i ema Viya takuija'ini etapirawaina te mamira'u taicha eti machanera'e'i ema, ítaucha'ini tamutu eta ekaurisamurechirayare ema, táuri'ini eta ekaemataneasira'i, támutu'ini ítapara'a eta táurikeneana, iápajukawapáipa'iwaréni eta ímatirayare ema.

Colosenses 2:6

Taka'e puiti eta e'isira'i ema Viakenu Jesucristo émaipa'i iákenu'i, tawara'asera itauchayare eta mawanairipiana takaechera eta é'isira,

Colosenses 4:12

Téchejika'eware ema Epafras, ema maka yátupikene'i mawanara ema Jesucristo. Tétavikawa'i eta máecharairisira'e'i eti te mayujarasirana, mawaraira'i ímiyanawa'ini étumechawa yátupina'ini ítaucha'ini eta mawara'akeneana ema Viya.

1 Tesalonicenses 2:12

Vékatiaka'e'i ichape eta iúriwaina eti, ímerekaya eta makáchichaira'eipa ema Viya, taicha íchuarekasiwaipa maye'e eta ekachaneraya ema taye'e eta máwasa te anuma, te távi'a'i eta majaraiwa.

2 Tesalonicenses 1:11

Eta taka'e, tamutu sácheana te viyujarasirana, viyaseucha'e'i me Viya eta ímiyanirawaina eta iúriwa, taicha eti maíchuakene'e'i eta maye'e, énerichuware viyaseucha'e me Viya eta máijarasira'ena eta ítupajijiasirawaina taye'e eta juka ématanerepi'i táichavenena'i eta esuapajiraiwa'i, eta juka.

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.

Tito 2:10

Wá'iware nakuavijaka eta nakaye'ekeneana ena nákenuana. Yátupina eta nakasiñakarewaina taye'e tamutu eta natupara'ana'i. Náimereka yátupina eta náuriwaina apaesa tajamurachakare eta vé'iru'i, étaichu'i eta vímiturapiana maye'e ema Makatiura'ikene'i Viya.

Hebreo 13:21

Ema Viya, máimikataka'e'ini ítaucha tamutu eta mawara'akeneana, íchira'i eta táurikeneana apaesa ekurisamurecha'ini ema, tamutu eta ítaresira eta é'isira'i ema Machicha Jesucristo. ¡Máitawakakayare eta vikunachira ema Cristo! Amén.

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

1 Pedro 2:11

Némunarukeneana nuparapenaveana, puiti tímikutijirikawa'i apawasa'e'ini, taicha iávi'aicha'a te juka apake'e. Eta taka'e, waipa táurika'ini ícha'ini eta tajamurachakeneana eta iáke'eana. Taicha eta, tawara'a'i tákamitiekene'a eta iáchanewana.

1 Pedro 3:9

Tijurikati natupiaka'epuka, náume'a'e, wá'isera ekujikapa, eyaseakachucha ema Viya eta náurikakarewaina, taicha mawara'a ema Viya vijapanura'iyare'i víti, vikutiyare ema eta majapanuraiwa'i, tatiari'iyare táitsiwayare viye'e máicha.

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.

2 Pedro 1:3

Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

2 Juan 1:5

Tiuri puiti, eti, nukajure'e, taicha nuwara'a némecha'e eta juka mawanairipi ema Viya, étaichu'i eta vémunasirakakayare vimutu. Te tépanawainapa eta vikasiñaira'i ema Viya, tiwaneka'avi'ipa'i eta vémunasirakakayare.