Efesios 1:4 - Táurinakene máechejiriruwa’i ema Viya tikaijare

⁴ Akane, te tamira'u eta táepanirawapa eta apake'e, ema Viya tinerejika'avipa maye'e ema Machicha Jesucristo apaesa vitinapa machaneranayare ema, eta taka'e tajinainapa eta vipekaturaina,

Ignaciano

^4-5 Acane, te tamirahu eta táepani­ravapa eta apaquehe, ema Viya tétavi­cavahi eta máemuna­sirahi namutu ena achaneana natiari­hi­que­nea­na­yarehi. Tásiha, émajivapa manacahi eta mapane­reruhi eta mavara­ha­quenehi, étarichuhi eta majaca­pi­ra­yarehi namutu ena ticasi­ña­va­nayare mayehe ema Machicha Jesucristo. Eta viúrujia­si­rayare ema Jesucristo, yátupi­que­ne­yarehi machichahavi, matapi­ra­va­re­ha­vi­yarehi te mamirahu, sántoha­vi­ya­revare.

Efesios 1:4 Iomraidhean Croise

San Mateo 24:22

Tási'a ema Viya te wa'i makukaechepaikawane eta ekuñaraki, nakuija nakuitareka'ini, námutu'ini tepenarakana, eta sera, eta maemunasira'avi'i ema, makaechepaikawane'i eta tiñe'ikare, taicha viti manerejiruana'i.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 24:31

Tási'a ema, mawanekainapa ena maye'eana ángeleana, murakayare eta nakachujairayarepa'i, apaesa nakurujika ena manerejiruana'i, tiási'anayare te apachakaya te jákani návi'a'i te anuma.

San Mateo 25:34

Tási'a, máichainapa ema Rey ena tiávi'ana'i te nuwaure: ‘Yare eti, iúrikakareana'i, manerejiruana'i ema Tata, níjaraka'enapa eta etupara'ayare, íkuchi'i maye'e ema Viya akane te tépanawainapa eta apake'e.

San Juan 10:16

Narari'iware ena apamuriana nuchanerana. Wá'isera ánina nakawasa. Nukurujikawakayaresera, népanayarewa. Tisuapanuanayarewa, etanayaréichuwa eta náumuriwa. Nukarinenapa nuti néchawaka.

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

Hechos 13:48

Te nasamapa eta juka ena, apawasana, tiúrisamureanapa, tási'a, naka'epa Tétavikawapa táurinawa eta juka máechejiriruwa ema Viya; énerichuware, nasuapapa ena máichu'akeneana'i ema Viya eta náitaresiraya máichekuarakireya te táekenenapa eta náepeniraya.

Hechos 15:18

Etara eta jukana maimeru'avi'i ema Viákenu, eta juka akanewakaipa'i, eta maijarasira'avi'i eta maechejiriruwa.’

Hechos 18:10

Taicha kamuriana ena nuchanerana te juka awasare, nuti nutiari'iya te pichakaya, tájina náicharakavima'i ena piánarana.”

Romanos 8:33

Puiti tájinapa viviurewaina táimikuñaka'avi'ini viti manerejiruana'i, taicha ema Viya tépachiaka'avipa eta majakapira'avi'i.

1 Corintios 1:8

Puiti ema Viya tétumecha'eyare puiti juka vikaiju'eyare eta ítaresiraya apaesa takuija ekuawamira'u te jena sácheyare machaviraya ema Viákenu Jesucristo.

Gálatas 5:13

Taicha eti nuparapenaveana, wa'i étaina tímichu'a'e'i maye'e ema Viya eta é'ikayare eta mawanairipiana ema Moiséini, wá'iwaresera étijirikawaima'i íchayare'i eta ewara'akeneana'i tamaurikeneana, ema Viya tíchu'a'e'i, mawaraira'i étijiwaya ítatijirikakayare'i taicha eta émunasirakakaina'i.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

Efesios 5:27

Taicha mawara'a takuija víchirawaina viti machanerana te táitekapa eta sache vitupi'amirauchirayare ema, vétaviuchayare'i eta viúrinawaya, tájina véchipejikaima'i, tájinaware tijarareka'avima'i, apanaima'i víchawa, mawara'a'iware tétavikawayare'i eta visantuwaya. Yátupi matapiraware'aviya víti.

Filipenses 2:15

apaesa takuija échejisiakarewaina emutu. Takuijaware etapirawaina'i eta náimaira'eyare ena achaneana. Ímerekawayare'i eta machicha'era'i ema Viya, tájina táechipejika'e'ini naye'e ena achaneana wínarajipanereruana. Nímikutichina'e eta jarairikiana víma'akeneana te anuma.

Colosenses 1:22

Eta taka'e'i eta máimitesira'i ema Jesucristo te juka apake'e. Tépena'i te crusu táichavene'i eta makaepa'airayare eta etapirawanaini'i, masantuchira'eyarewa, apaesa takuijapa ekuawamira'u te jena sácheyare eta mámira'eyare te mamira'u ema Viya.

Colosenses 2:2

Nuwara'a'i ámutu'ini étumechawa'ini te esamureana, ewapinawa'ini te iúrujisirawana taicha eta émunasirakaka'i, nuwara'a yátupina ímati ema Cristo, éma'i araenuma'i wanairuka'i me Viya, nuwara'a'iware ímatiekene'ayare eta mapanereruana ema Viya apaesa ichapena'ini eta ekasiñairawaina'ini eta maye'e.

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

1 Tesalonicenses 3:12

Énerichuware makajuruka'ini ichape ema Viya eta émunaraiwaina naye'e ena echamuriana, énapa ena apamuriana achaneana, tákuti'ini eta vémunasira'e'i víti.

1 Tesalonicenses 4:7

Taicha víti máichu'akeneanaipa ema Viya, mawara'a tiúrinayare eta vítaresiraya, waipa víchaima'i eta juka tamaurikeneana.

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.

2 Timoteo 2:10

Nukamicha'isera tamutu eta náichiranu'i, nuwaraira'i nasuapa'ini nákani máichu'akeneánayarepa'i ema Viákenu Jesucristo, apaesa náuchuku'a'ini ena apanawa, náitujikawa'ini nasiapa taye'e eta táurikakarekene máwasa, máichekuarakirenapa eta vikachaneraya ema.

2 Timoteo 2:19

Vitiari'isera viti vímiyanawa'i vé'ika'i ema Viya. Taicha muraka eta vikasiñawaira'i, ema tímati'avi'i eta machaneraira'avi'i. Yátupiware visuapa eta juka máechejiriruwa, ani taka'e'i: “Náinajikayare'i eta tamaurikeneana namutu ena tiámana'i eta máijare ema Nuchicha Jesucristo.”

Santiago 2:5

Némunarukeneana nuparapeneveana, esamanucha'a. Ena páureana'i te juka apake'e, majakapawaka'i ema Viya, táichavene'i eta nakasiñaira'i. Ena, tiápajupanawana'i eta náuriwaya taicha ena tikaikuchiana'i eta máwasa ema Viya, taicha machanerana'i. Nakachaneyare'i ena apamuriana témunakana'i ema;

1 Pedro 1:2

emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

1 Pedro 1:20

Akane te tépanawainapa eta apake'e ema Viákenu Jesucristo tikatupara'aipa taka'eyare'i eta máepeniraya. Wá'isera táitauchawawane'ini. Tapaenumawapa puiti, títauchawa'i étavenepa eta iúchukuirayare'i eti.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

2 Pedro 3:14

Eta taka'e, némunarukeneana nuparapenaveana, puiti eta ekuchapirayare eta juka takaitsiwairaya tamutu, étumechawachucha eta ekasiñaira'i ema Viákenu, apaesa tauri eta machimapira'eyare, takuija etapirawaina'i.

1 Juan 4:16

Víti vécha'i eta yátupira'i máemunasira'avi'i ema Viya. Ema Viya emakene temunara'i, ema yatupikene temunara'i, timatikare'i eta mawa'asira'i ema Viya, tási'a ema Viya mawa'aka'iware ema.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 17:8

Eta juka sárare píma'akene'i, tanasikeneipa'ineni akane, tájinaipa'isera puiti, tiúchujikayarewaresera tási'aya taye'e eta táupenakene pusu, te tane'ipa eta takaikuñairayare pajarainapa. Ena achaneana tikawasana'i te juka apake'e, namutu ena tájina'i eta nakaju'ini taye'e eta Ajureka te tepanawainapa eta apake'e, ichape eta náramesirayare, te naima'apa eta Útsutsure, tanasikeneni'i akane, puitisera tajinaipa'i, tichawayaresera titareka.